بۇگىنگى تاڭدا ۇلتتىق اككرەديتتەۋ ورتالىعى اككرەديتتەۋدىڭ جاڭا سحەمالارىن ەنگىزۋدە اگروونەركاسىپتىك كەشەن, مەديتسينا جانە مەنەدجمەنت جۇيەسى سالاسىندا جۇمىستار ءجۇرىپ جاتىر. بۇل وسى سالالاردا جىل سايىن كورسەتىلەتىن قىزمەتتەردىڭ وسۋىنە بايلانىسى جانە سوعان قاراي سايكەستىككە باعالاۋ جۇرگىزۋ قاجەتتىلىگى تۋىندايدى.
«ساۋدا ورتالىقتارى مەن دۇكەندەردەگى سورەلەردە «حالال» تاڭباسى بار ونىمدەر وتە كوپ. ونىمگە تاڭبالاۋدى «حالال» سەرتيفيكاتتاۋ جونىندەگى ورگاندار سالادى. كەيبىر جاعدايلاردا وندىرۋشىلەردىڭ ءوزى ۇقساس بەلگىنى قويادى. قازىرگى ۋاقىتتا قازاقستاندا ەكى ۇلتتىق ستاندارت قابىلداندى, بىراق سەرتيفيكاتتاۋ ورگاندارىن ۇيلەستىرۋ ءۇشىن زاڭنامانىڭ بولماۋىنا بايلانىستى ەل اۋماعىنداعى كەز كەلگەن كاسىپورىن وزدەرىنىڭ ءبىلىمى مەن ىسكەرلىگىن نەگىزگە الا وتىرىپ, «حالال» ستاندارتتارى بويىنشا جۇمىس ىستەي الادى», دەپ حابارلادى ۆيكتور توماسەۆيچ.
قازىرگى تاڭدا قازاقستاندا «حالالدى» ءۇشىنشى تاراپتىڭ راستاۋىنسىز دەربەس سەرتيفيكاتتاۋدى جۇزەگە اسىراتىن بەس ۇيىم بار.
ء«بىز اككرەديتتەۋ ءۇشىن الەۋەتى بار زەرتحانالىق بازاعا شولۋ جاسادىق. قازىرگى ۋاقىتتا اككرەديتتەلگەن سۋبەكتىلەر تىزىلىمىندە 175 زەرتحانا بار, ولار كەدەندىك وداقتىڭ (تر كو 021/2011) 021 تەحنيكالىق رەگلامەنتى جانە تاماق ونىمدەرىن سەرتيفيكاتتاۋدىڭ 49 ورگانى بويىنشا تاماق ونىمدەرىنە تالداۋ جۇرگىزەدى. اككەديتتەلگەن زەرتحانالار اراسىندا 37 زەرتحانانىڭ دنق-نى سايكەستەندىرۋ ءۇشىن تالداۋ جۇرگىزۋ مۇمكىندىگى بار», دەيدى سپيكەر.
ونىڭ پىكىرىنشە, ورگانيكالىق ءونىم سالاسى دا ماڭىزدى. قازاقستاندا ورگانيكالىق ءونىم وندىرىلەدى, بىراق ونى سەرتيفيكاتتاۋدى شەتەلدىك ورگاندار جۇزەگە اسىرادى. بۇگىندە قازاقستان ىشىندە ورگانيكالىق ءونىمدى باعالاۋ جۇيەسى قۇرىلۋدا.
