قازاقستان • 20 قاڭتار، 2021

2020 جىلى قانشا كاسىپورىن جابىلىپ قالدى؟

24 رەت كورسەتىلدى

2021 جىلدىڭ 1 قاڭتارىنداعى جاعداي بويىنشا ەلىمىزدە 467 623 كاسىپورىن تىركەلگەن. بىلتىر ەل اۋماعىنداعى ۇيىمدار سانى 21 مىڭعا كوبەيىپتى. اسىرەسە، كوتەرمە جانە بولشەك ساۋدا، اۆتوموبيل جانە موتوتسيكل جوندەۋ، قۇرىلىس، سونداي-اق ءتۇرلى قىزمەتتەر ۇسىنۋ سالاسىندا ۇيىمدار سانى ارتقان.

2020 جىلدىڭ وزىندە 36 286 جاڭا كاسىپورىن تىركەلسە، 15 281 كاسىپورىن جابىلىپ تىنعان. «Elim ماركەتينگتىك جانە الەۋمەتتىك زەرتتەۋلەر ينستيتۋتى» 2020 جىلدىڭ نەگىزگى ەكونوميكالىق كورسەتكىشتەرىنە تالداۋ جاساپ، 2021 جىلعا بولجامىن جاريا ەتكەن. ينستيتۋت تالداۋدى جەتى نەگىزگى سالا – كاسىپورىن، ەكونوميكانىڭ جەتەكشى سالالارى، ەكسپورت جانە يمپورت، ءوندىرىس، اۋىل شارۋاشىلىعى، ءجىو، ينۆەستيتسيا، ەكونوميكالىق بولجام بويىنشا جاساعان.  

تالداۋدى جاساعان ساراپشىلار ەربولات كەكچەباەۆ، گۇلنار جاكۋپوۆا جانە رۋسلانبەك سۇلەيمەنوۆتەر 2020 جىلى ەل دامۋىنداعى باسىم باعىت رەتىندە تاۋ-كەن ءوندىرىسى مەن وڭدەۋشى ونەركاسىپتى جانە اۋىل شارۋاشىلىعىن اتايدى. تاۋ-كەن وندىرىسىندە 481 كومپانيا، وڭدەۋشى ونەركاسىپتە 1612 كاسىپورىن، اۋىل شارۋاشىلىعىندا 1675 ۇيىم اشىلعان. 2020 جىل مۇناي مەن ۆاليۋتا ءۇشىن اسا جايسىز جىل بولعانى بەلگىلى. وتاندىق ساراپشىلار قازاقستان ەكونوميكادا تابىسقا جەتۋى ءۇشىن جەر قويناۋىن پايدالانۋ مەن اۋىل شارۋاشىلىعىنا باسىمدىق بەرۋ كەرەك ەكەنىن ەجەلدەن ايتىپ ءجۇر. ينستيتۋتتىڭ وسى زەرتتەۋى بۇل ويدى راستاي تۇسكەندەي. اۋىل شارۋاشىلىعى ۇيىمدارى الماتى، اقمولا جانە تۇركىستان وبلىستارىندا كوپتەپ اشىلعان.

«حالىقتىڭ شامامەن 45 پايىزى اۋىلدىق جەرلەردە ءومىر سرەدى جانە ەكونوميكالىق بەلسەندى حالىق تابىسىنىڭ 30 پايىزى اۋىل شارۋاشىلىعى سەكتورىندا جۇمىس ىستەۋ ارقىلى قالىپتاسادى. قر ۇەم ستاتيستيكا كوميتەتىنىڭ دەرەگىندە ەڭبەككە جارامدى 8،5 ملن ادامنىڭ 2 ميلليونى اۋىل شارۋاشىلىعى سالاسىندا جۇمىس ىستەيدى» دەلىنگەن زەرتتەۋدە.

زەرتتەۋدە قازاقستانعا ەڭ كوپ تاۋار يمپورتتاۋشى ەلدىڭ رەسەي ەكەندىگى جازىلعان. بىلتىر قازان ايىندا رەسەي 1 216 928،8 مىڭ دوللاردىڭ تاۋارىن جىبەرگەن. ەكىنشى ورىندا – قىتاي. ولار 665 845،8 مىڭ دوللاردىڭ ءونىمىن تاسىمالداعان. كورەي رەسپۋبليكاسى 546 830،9 مىڭ دوللارعا تاۋار جەتكىزگەن. ءوز كەزەگىندە قازاقستان قىتاي، رەسەي، يتاليا ەلدەرىنە ءجيى ەكسپورت جاساعان. ەۋرووداق ەلدەرىنە جالپى 1،6 ملرد دوللاردىڭ تاۋارىن ەكسپورتتاپتى.

ءوندىرىس بويىنشا زەرگەرلىك بۇيىمدار ءوندىرىسى كوش باستايدى. سونىمەن قاتار 2020 جىل كيىم، توقىما، مەتالل رۋداسى، جيھاز، سۋسىن، اۆتوكولىك، تاماق وندىرىسىنە سەرپىن بەرگەن. كەرىسىنشە، ەلەكتر جانە حيميالىق ونەركاسىپ ونىمدەرى، تابيعي گاز، قاعاز، بىلعارى ءوندىرىسى مينۋس كورسەتكىشكە يە.

«Elim ءمازي» ماركەتينگتىك كومپانياسىنىڭ تالداۋىنا سۇيەنسەك، 2020 جىلدىڭ 10 ايىندا نەگىزگى كاپيتالعا سالىنعان ينۆەستيتسيا 450 076 ملن تەڭگەنى قۇراعان. العاشقى جارتى جىلدىقتاعى تىكەلەي شەتەلدىك ينۆەستيتسيا كولەمى 3 034،9 ملرد دوللار بولعان. ينۆەستيتسيانىڭ كوبى اقش (673،3 ملرد دوللار)، نيدەرلاندى (667،1)، گونكونگ (492،6)، ۇلىبريتانيا (284،1)، كيپر (165،1)، تۇركيا (136،0) ەلدەرىنەن كەلگەن.

سوڭعى جاڭالىقتار

يتاليادا توعىز جۇلدە الدىق

سپورت • بۇگىن، 10:10

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار