ايماقتار • 20 قاڭتار، 2021

پوليتسەيدى كولىك كاپوتىندا سۇيرەگەن اقمولالىق 5 جىلعا قامالدى

100 رەت كورسەتىلدى

اقمولا وبلىسىندا جول پاترۋلدىك پوليتسياسىنىڭ قىزمەتكەرىن كولىك كاپوتىندا سۇيرەگەن 24 جاستاعى ەر ادام 5 جىلعا باس بوستاندىعىنان ايىرىلدى، دەپ حابارلايدى Egemen.kz وبلىستىق پد ءباسپاسوز قىزمەتىنە سىلتەمە جاساپ.

ۆەدومستۆونىڭ مالىمەتىنشە، 2020 جىلدىڭ 14 اقپانىندا ساعات 15:00-دە جاقسى كەنتىنىڭ ماڭىندا، «ەكاتەرينبور-الماتى» اۆتوجولىنىڭ 917 شاقىرىمىندا «قاۋىپسىز جول» جەدەل الدىن الۋ ءىس-شاراسىن وتكىزۋ بارىسىندا اقمولا وبلىسى پوليتسيا دەپاراتامەنتىنىڭ پاترۋلدىك پوليتسيا باتالونىنىڭ 4-ۆزۆود ينسپەكتورلارى «Chevrolet Aveo» ماركالى اۆتوكولىگىن توقتاتقان. كولىك رۋلىندە جاقسى كەنتىنىڭ 24 جاستاعى تۇرعىنى بولعان. كەيىن انىقتالعانداي، ەر ادام جاقسى اۋداندىق سوتىنىڭ ۇكىمىمەن الكوگولدىك جانە ەسىرتكىگە ماساڭ كۇيدە رۋلگە وتىرعانى ءۇشىن ءۇش رەت كولىك جۇرگىزۋ قۇقىعىنان ايىرىلعان.

پوليتسيا قىزمەتكەرلەرى اكىمشىلىك قۇقىق بۇزۋشىلىقتىڭ جولىن كەسۋ جانە ادامداردىڭ ءومىرى مەن دەنساۋلىعىنا تىكەلەي قاۋىپتىڭ الدىن الۋ ءۇشىن ءتارتىپ بۇزۋشىنى جاقسى اۋدانىنىڭ پوليتسيا ءبولىمىنىڭ عيماراتىنا جەتكىزدى. پوليتسيا قىزمەتكەرى ەر ادامعا قاتىستى اكىمشىلىك قۇقىق بۇزۋشىلىق تۋرالى حاتتاما جاسادى، ياعني كولىك قۇرالىن جۇرگىزۋ قۇقىعىنان ايىرىلعان جۇرگىزۋشىنىڭ كولىك قۇرالىن باسقارۋى بويىنشا. حاتتاما جاساۋ بارىسىندا «Chevrolet Aveo» ماركالى اۆتوكولىگى ارشالى اۋىلىنىڭ 40 جاستاعى تۇرعىنىنا تيەسىلى ەكەنى انىقتالدى.

ەر ادامنىڭ بۇرىن كولىك قۇرالىن باسقارۋ قۇقىعىنان ايىرىلعانىن، ءاۆتوموبيلدىڭ مەنشىك يەسى بولماعانىن جانە وزىمەن بىرگە كولىك قۇرالىنا ارنالعان تىركەۋ جانە زاڭنامادا بەلگىلەنگەن وزگە دە قۇجاتتارى جوق ەكەنىن ەسكەرە وتىرىپ، ءتارتىپ ساقشىلارى اكىمشىلىك قۇقىق بۇزۋشىلىق كودەكسىنىڭ 785، 796 جانە 797-بابى ءبىرىنشى بولىگىنىڭ 1) تارماقشاسىنىڭ تالاپتارىنا سايكەس، اكىمشىلىك قۇقىق بۇزۋشىلىق تۋرالى ءىس بويىنشا ءىس جۇرگىزۋدى قامتاماسىز ەتۋ شارالارىن قابىلدادى. كولىك قۇرالىن باسقارۋدان شەتتەتۋ حاتتاماسى جاسالدى. ودان كەيىن پوليتسەيلەر ۋاقىتشا ساقتاۋ ءۇشىن ارنايى تۇراققا ورنالاستىرۋ ءۇشىن «Chevrolet Aveo» اۆتوكولىگىن الۋ اكتىسىن جاساي باستايدى.

وسى كەزدە قاسكۇنەم پوليتسيا ءبولىمىنىڭ عيماراتىنان سىرتقا جۇگىرىپ شىعىپ، «Chevrolet Aveo» اۆتوكولىگىنىڭ رۋلىنە وتىرادى. ونىڭ ارتىنان ىلەسە شىققان ءتارتىپ ساقشىسى توقتاتپاق بولادى. ەر ادام پوليتسيا ينسپەكتورىن قاعىپ، ول كاپوتتىڭ ۇستىنە قۇلايدى. «ساراپتاما ناتيجەلەرى بويىنشا ونىڭ كانابيويدتاردى (ماريحۋانا) قولدانعانى انىقتالدى»، - دەيدى ۆەدومستۆودان. ەڭ قىزىعى، قۇقىق بۇزۋشى بولىپ جاتقاننىڭ ءبارىن ۇيالى تەلەفوننىڭ بەينەكامەراسىنا تۇسىرگەن. ءتىپتى، ءوزىن ۇستاۋ كەزىندە دە ءتۇسىرۋىن توقتاتپاعان.

«اتالعان فاكتى بويىنشا سوت شەشىمىمەن 24 جاستاعى سوتتالۋشى قىلمىستىق كودەكستىڭ 380-بابى (بيلىك وكىلىنە قاتىستى زورلىق-زومبىلىق قولدانۋ) جانە قىلمىستىق كودەكستىڭ 378-بابى (بيلىك وكىلىن قورلاۋ) بويىنشا كىنالى دەپ تانىلىپ، بەس جىلعا باس بوستاندىعىنان ايىرىلدى»، دەپ تولىقتىردى ۆەدومستۆودان.

 

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار