سپورت • 20 قاڭتار، 2021

وزگەنىڭ كىناسىن موينىما المايمىن: جارىستان شەتتەتىلگەن وليمپيادا چەمپيونى مالىمدەمە جاسادى

278 رەت كورسەتىلدى

اۋىر اتلەتيكادان وليمپيادا چەمپيونى قازاقستاندىق نيجات راحيموۆ دوپينگكە قارسى ەرەجەلەردى بۇزدى دەگەن كۇدىككە قاتىستى مالىمدەمە جاسادى. بۇعان دەيىن حالىقارالىق اۋىر اتلەتيكا فەدەراتسياسى (IWF) وليمپيادا چەمپيونىن جارىستان ۋاقىتشا شەتتەتكەن ەدى، دەپ حابارلايدى Egemen.kz

«دوستار، كەشە كەشكە ماعان ايىپتار تاعىلىپ جاتقانى تۋرالى ەستىدىم. مەنىڭ ويىمشا، مۇنداي جاڭالىق كەزەكتى ستارتقا دايىندىق جۇرگىزىپ جاتقان ءاربىر اتلەت ءۇشىن كۇتپەگەن جاعداي بولادى.

مەنى تىيىم سالىنعان نارسەنى قولداندى دەپ ايىپتاپ جاتقان جوق. كەز كەلگەن كاسىبي سپورتشى سياقتى، مەن ماۋسىم بويى دوپينگكە بىرنەشە رەت تەست تاپسىرامىن، نەسەپ تالداۋىمدا نە بولعانى بەلگىسىز، ول ءبىزدى تەكسەرەتىن تەستىلەۋ ورگاندارىنىڭ جاۋاپكەرشىلىگى.

دوستار، مەن وزگەلەردىڭ كىناسىن ءوز موينىما الۋعا نيەتتى ەمەسپىن. مىڭداعان قازاقستاندىقتىڭ مەنىمەن بىرگە قۋانعان ساتتەرى مەنى ارقاشان جىگەرلەندىردى! سىزدەر مەنىڭ ادال دوسىمسىزدار، بۇگىن مەنى قولدايتىندارىڭىزعا سەنىمدىمىن. مەن سپورت ادال بولسا دەيمىن.

ەندى مەن حالىقارالىق تەستينگ اگەنتتىگىنە تۇسىنىكتەمە بەرۋىم كەرەك، وندا مەن جوعارىدا جازعانىمنىڭ ءبارىن ايتامىن»، دەپ جازدى سپورتشى Instagram جەلىسىندەگى پاراقشاسىندا.

حالىقارالىق دوپينگ-تەستىلەۋ اگەنتتىگىنىڭ ء(ىتا) شەشىمىنە سايكەس، راحيموۆ 2016 جىلى دوپينگ تەكسەرۋ ءۇشىن تاپسىرعان نەسەپ تالداۋىن اۋىستىردى دەگەن كۇدىككە ءىلىندى. سول جىلى ول ريو-دە جانەيروداعى وليمپيادا چەمپيونى بولعان.

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار