تەحنولوگيا • 20 قاڭتار، 2021

WhatsApp بوتەن ادامعا اقپارات بەرەتىنى راس پا؟

372 رەت كورسەتىلدى

قازاقستاندىقتار «بۇدان بىلاي WhatsApp جەلىسىندە بارلىق جەكە حات الماسۋ مەن جەكە دەرەك ءۇشىنشى تۇلعالارعا قولجەتىمدى بولۋى مۇمكىن جانە قوڭىراۋلار جازىلادى» دەگەن حابارلاما تاراتتى. اقپاراتتىڭ راس-وتىرىگىن Stopfake.kz جۋرناليستەرى انىقتادى، دەپ حابارلايدى Egemen.kz

2020 جىلعى جەلتوقساندا WhatsApp دەرەكتەردى وڭدەۋدەگى وزگەرىستەر تۋرالى مالىمدەمە جاسادى. بىراق وندا پايدالانۋشىلاردىڭ جەكە اقپاراتىن ءۇشىنشى تۇلعالارعا بەرۋ قاراستىرىلماعان. دەگەنمەن پايدالانۋشىلار جاڭا ەرەجەلەردى قابىلداۋعا ءتيىس ەكەندەرىنە الاڭداعان. سەبەبى، كەلىسپەگەندەر مەسسەندجەردە بۇعاتتالاتىن بولدى. 

باسىلىم مالىمەتىنشە، بۇل نارازىلىق تۋدىرىپ، ادامدار قوسىمشانى پايدالانۋدان جاپپاي باس تارتتى. مۇنداي رەاكتسيا ناتيجەسىندە WhatsApp يەسى Facebook اكىمشىلىگى جاڭاشىلدىقتى ەنگىزۋدى كەيىنگە قالدىردى.
WhatsApp بلوگىنداعى اقپاراتقا سايكەس، 8 اقپاندا، بۇرىن حابارلانعانداي، كەلىسپەگەن پايدالانۋشىلاردىڭ اككاۋنتتارى بۇعاتتالمايدى.

ء«بىز WhatsApp-تاعى قۇپيالىلىق پەن قاۋىپسىز قاتىناس قاعيدالارى تۋرالى شىندىققا جاناسپايتىن قاۋەسەتتەردى جويۋ ءۇشىن جۇمىس ىستەيمىز. سودان كەيىن كومپانيالار ءۇشىن جاڭا مۇمكىندىكتەر پايدا بولا باستاعان كەزدە پايدالانۋشىلارىمىزعا بىرتىندەپ 15 مامىرعا دەيىن جاڭا ساياساتپەن تانىسۋدى ۇسىنامىز»، دەلىنگەن حابارلامادا.

قورىتا ايتقاندا، ءۇشىنشى تاراپتاردىڭ WhatsApp قولدانۋشىلارىنىڭ جەكە حات-حابارلارىنا زاڭدى تۇردە قولجەتكىزە الاتىنى تۋرالى حابارلامالار جالعان.

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار