باس پروكۋراتۋرا جانىنداعى زاڭدىلىقتى قامتاماسىز ەتۋ جونىندەگى قوعامدىق كەڭەستىڭ وسى جىلداعى قورىتىندى وتىرىسى بولىپ ءوتتى, وندا پروكۋراتۋرا ورگاندارىنداعى وتىنىشتەرمەن جۇمىس جۇرگىزۋدىڭ جاي-كۇيى قارالدى جانە كەڭەستىڭ 2013 جىلعى جۇمىسىنا قورىتىندى جاسالدى.
باس پروكۋراتۋرا جانىنداعى زاڭدىلىقتى قامتاماسىز ەتۋ جونىندەگى قوعامدىق كەڭەستىڭ وسى جىلداعى قورىتىندى وتىرىسى بولىپ ءوتتى, وندا پروكۋراتۋرا ورگاندارىنداعى وتىنىشتەرمەن جۇمىس جۇرگىزۋدىڭ جاي-كۇيى قارالدى جانە كەڭەستىڭ 2013 جىلعى جۇمىسىنا قورىتىندى جاسالدى.
جەكە جانە زاڭدى تۇلعالاردىڭ وتىنىشتەرىن جان-جاقتى, تولىق جانە دەر كەزىندە قاراۋ پروكۋراتۋرا ورگاندارى قاداعالاۋ قىزمەتىنىڭ باستى جانە شەشۋشى باسىمدىقتارىنىڭ ءبىرى بولىپ ايقىندالعان. قوعامدىق كەڭەستىڭ توراعاسى, پارلامەنت ءماجىلىسىنىڭ دەپۋتاتى قۋانىش سۇلتانوۆتىڭ وتىرىسقا قاتىسۋشىلاردىڭ نازارىن اۋدارعانىنداي, وتىنىشتەردى قاراۋ قازىرگى تاڭداعى وزەكتى دە ماڭىزدى ماسەلەلەردىڭ ءبىرى بولىپ تابىلادى. ول ازاماتتاردىڭ ماڭىزدى پروبلەمالارىن شەشە جانە كونستيتۋتسيالىق قۇقىقتارىن قورعاي وتىرىپ, پروكۋراتۋرا ورگاندارىنىڭ كۇندەلىكتى ورىندايتىن ەرەن ەڭبەگى.
قاراستىرىلىپ وتىرعان ءماسەلەنى تالقىلاي كەلە, كەڭەس مۇشەلەرى مەملەكەتتىك ورگاندارعا ءوتىنىش جاساپ جانە وعان تۇبەگەيلى جاۋاپ الۋ مۇمكىندىگى ازاماتتاردىڭ كونستيتۋتسيالىق قۇقىعى عانا ەمەس, سونىمەن بىرگە, وسى ورگاندارعا دەگەن سەنىم ءبىلدىرۋدىڭ ماڭىزدى بەلگىسى بولىپ تابىلاتىندىعىن اتاپ كورسەتتى.
سوڭعى بىرنەشە جىلدار ءىشىندە پروكۋراتۋرا ورگاندارىنا ءوتىنىش بەرۋدىڭ تۇراقتى ءۇردىسى قالىپتاسىپ كەلەدى. حالىقپەن ءوزارا بايلانىستى جانداندىرۋ ماقساتىندا پروكۋراتۋرا ورگاندارىنا زاڭ بۇزۋشىلىقتار تۋرالى ارىز بەرۋدىڭ ءتارتىبىن وڭايلاتۋعا باعىتتالعان بىرقاتار شارالار قابىلداندى.
ماسەلەن, ازاماتتاردىڭ ءوتىنىش-ارىزدارىنا جەدەل تۇردە ىقپال ەتۋ ماقساتىندا باس پروكۋراتۋرانىڭ جانىنان اشىلعان Call-ورتالىق 2011 جىلدان باستاپ جۇمىس ىستەيدى, سونداي-اق قازىرگى تاڭدا ارىز بەرۋشىلەردى بەينەكونفەرەنتسيالىق بايلانىس ارقىلى «ون-لاين» رەجىمدە قابىلداۋ مۇمكىندىگى قاراستىرىلعان. وسىلايشا, ارىزدانۋشىلار جول ءجۇرىپ, شىعىن شىعارماي-اق, قاجەتتى مالىمەتتى باس پروكۋراتۋرانىڭ باسشىلىعىنا جەتكىزە الادى.
بۇدان بولەك, ۇيدەن شىقپاي-اق, ينتەرنەت ارقىلى پروكۋراتۋرا ورگاندارىنا ارىزدانۋعا مۇمكىندىك بەرەتىن اقپاراتتىق قىزمەت كورسەتۋ پورتالى قۇرىلدى. سونىمەن قاتار, وتىنىشتەردى حالىققا قىزمەت كورسەتۋ ورتالىقتارى ارقىلى قابىلداۋ ماسەلەسى پىسىقتالىپ جاتىر, ول دا ارىزدانۋشىلاردىڭ پروكۋراتۋرا ورگاندارىنا قول جەتكىزۋىن جىلدامداتۋعا ىقپال ەتەتىن بولادى.
2011 جىلدان باستاپ پروكۋراتۋرا ورگاندارىندا «بيزنەس تىرەگى» اتتى جوبا جۇمىس ىستەي باستادى. كەز كەلگەن كاسىپكەر قۇقىقتىق ستاتيستيكا جانە ارنايى ەسەپكە الۋ كوميتەتىنىڭ سايتىنا كىرۋ ارقىلى نەمەسە SMS-حابارلاماسىن جولداپ, تەكسەرىستىڭ زاڭدىلىعىنا كوز جەتكىزە الادى.
ماسەلەنى تالقىلاۋ بارىسىندا قوعامدىق كەڭەستىڭ مۇشەلەرى پروكۋراتۋرانىڭ جۇمىس جۇرگىزۋدىڭ وسىنداي يننوۆاتسيالىق نىساندارى مەن زاماناۋي ادىستەرىن ەنگىزۋى ارىزدانۋشىلاردىڭ پروكۋراتۋرا ورگاندارىنا جاقىنداي ءتۇسۋىن ەداۋىر جەڭىلدەتكەندىگىن اتاپ كورسەتتى. بۇل جۇمىستى ودان ءارى جەتىلدىرۋدىڭ نەگىزگى جولدارىنا نازار اۋدارا وتىرىپ, ايتىلعان ۇسىنىستار ەسكەرىلگەن جاعدايدا, پروكۋراتۋرا ورگاندارىنىڭ ارىزدارىمەن جۇمىس ىستەۋدەگى قۇقىق قورعاۋشىلىق الەۋەتى ارتا ءتۇسەتىندىگى ءسوزسىز ەكەندىگى اتاپ ءوتىلدى.
كەڭەس وتىرىسىنا قاتىسقان باس پروكۋرور اسحات داۋىلباەۆ مەملەكەت باسشىسىنىڭ «قازاقستان-2050» ستراتەگياسى» اتتى قازاقستان حالقىنا جولداۋىندا قوعامنىڭ سەنىمىنە يە بولۋ دەڭگەيىن ارتتىرۋ قۇقىق قورعاۋ ورگاندارى قىزمەتىنىڭ باسىم باعىتتارىنىڭ ءبىرى رەتىندە بەلگىلەنگەندىگىن اتاپ كورسەتتى. وسى مىندەتتى جۇزەگە اسىرۋ بارىسىندا قۇرامى ەلىمىزدەگى تانىمال قوعام قايراتكەرلەرىنەن, دەپۋتاتتىق كورپۋس, عىلىمي قاۋىمداستىق, بۇقارالىق اقپارات قۇرالدارى جانە ۇكىمەتتىك ەمەس ۇيىمدار وكىلدەرىنەن تۇراتىن باس پروكۋراتۋرا قوعامدىق كەڭەسىنىڭ پروكۋرورلار مەن ازاماتتىق قوعام اراسىندا پارمەندى دانەكەرگە اينالعاندىعىنا توقتالدى.
وتىرىستىڭ قورىتىندىسى بويىنشا ا.داۋىلباەۆ كەڭەستىڭ قوعامدىق ءمانى زور بايلانىستىرۋشىلىق ءرولىن ەرەكشە اتاپ كورسەتە وتىرىپ, ونىڭ مۇشەلەرىنە زاڭدىلىق پەن قوعامدىق ءتارتىپتى قامتاماسىز ەتۋ بويىنشا بىرلەسە اتقارعان جەمىستى ەڭبەكتەرى ءۇشىن العىس ايتتى, دەپ حابارلادى قازاقستان رەسپۋبليكاسى باس پروكۋراتۋراسىنىڭ ءباسپاسوز قىزمەتى.
الاش جۇرتىنىڭ اسقاق ارمانى ورىندالىپ, ازاتتىقتىڭ ارايلى اق تاڭى اتقان ايتۋلى مەرەكەسى – تاۋەلسىزدىك كۇنى قارساڭىندا استانا قالاسىندا مول مەرەكەلىك تارتۋلار جاسالۋدا. كەشە استانا قالاسىنىڭ اكىمى يمانعالي تاسماعامبەتوۆ وسى بۇكىلحالىقتىق مەرەكە قۇرمەتىنە ەلورداداعى جاڭا №10 امبۋلاتوريالىق-ەمحانالىق كەشەندى اشتى.
