ۇكىمەت • 20 قاڭتار، 2021

حالىقتى جاپپاي ۆاكتسينالاۋ باستالادى

1010 رەت كورسەتىلدى

پرەمەر-مينيستر اسقار مامين جاڭارتىلعان قۇرامدا ۇكىمەتتىڭ العاشقى وتىرىسىن وتكىزدى. جاڭا تاعايىندالعان ۇلتتىق ەكونوميكا ءمينيسترى اسەت ەرعاليەۆ پەن ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ مەملەكەتتىك قىزمەتشى رەتىندە انت بەردى.

ينفوگرافيكانى جاساعان امانگەلدى قياس، «ەQ»

6 ملن-عا جۋىق ادام ۆاكتسينالانادى

وتىرىستا ەلدەگى سانيتارلىق-ەپي­دەميالىق جاعداي قارالدى. دەن­ساۋلىق ساقتاۋ ءمينيسترى الەكسەي تسوي، ىشكى ىستەر ءمينيسترى ەرلان تۇر­عىم­باەۆ، اقپارات جانە قوعامدىق دامۋ ءمينيسترى ايدا بالاەۆا، نۇر-سۇلتان قالا­سىنىڭ اكىمى التاي كولگىنوۆ، پاۆ­لو­دار وبلىسىنىڭ اكىمى ابىلقايىر سقا­قوۆ، اقمولا وبلىسىنىڭ اكىمى ەر­مەك مارجىقپاەۆ، قوستاناي وبلى­سى­نىڭ اكىمى ارحيمەد مۇحامبەتوۆ، اتى­راۋ وبلى­سىنىڭ اكىمى ماحامبەت دوس­مۇ­حامبەتوۆ بايانداما جاسادى.

ەلدەگى سانيتارلىق-ەپيدەميالىق جاع­داي تۋرالى دەنساۋلىق ساقتاۋ ءمينيسترى الەكسەي تسوي باياندادى. ۆەدومستۆو باسشىسى اتاپ وتكەندەي، بۇگىنگى تاڭدا الەمنىڭ 220 ەلىندە كۆي-ءدىڭ 95 ملن-نان استام جاعدايى تىركەلگەن. 2 ملن-نان استام ادام قايتىس بولدى، جاھاندىق ءولىم كورسەتكىشى 2،1%-دى قۇرايدى. دۇنيە­جۇزىلىك دەنساۋلىق ساقتاۋ ۇيىمىنىڭ التى ءوڭىرىنىڭ ءۇش وڭىرىندە (امە­ريكا، تىنىق مۇحيتتىڭ باتىس بولىگى جانە افريكا) حالىقتىڭ COVID-19 ۆيرۋ­سىمەن سىرقاتتانۋىنىڭ ۇدايى ءوسۋى جالعاسۋدا. ەۋروپا جانە شىعىس جەرورتا تەڭىزى وڭىرلەرىندە تومەندەۋ بەل­گىلەرىنسىز سىرقاتتانۋدىڭ تۇراق­تى تۇردە جوعارى دەڭگەيى بايقالادى. تو­مەن­دەۋ ءۇردىسى تەك وڭتۇستىك-شىعىس ازيا ەلدەرىنە تيەسىلى.

سىرقاتتانۋدىڭ تارالۋ كور­سەتكىشى مەن دەڭگەيى بويىنشا قازاقستان تۇركيا سياقتى تاۋەكەلى ورتاشا ايماقتا نەمەسە سارى ايماقتا تۇر. تاۋەكەلى جوعارى ايماقتا، ياعني قىزىل ايماقتا ۋكراينا، رەسەي فەدەراتسياسى، بەلارۋس، گەرمانيا، يتاليا، فرانتسيا، بىرىك­كەن اراب امىرلىكتەرى سياقتى ەلدەر تۇر. وڭتۇستىك كورەيا مەن سينگاپۋر جاسىل ايماقتا. «قا­زاق­ستاندا پاندەميا باستال­عاننان بەرى COVID-19-عا وڭ نا­تي­جەمەن 170 098 ناۋ­قاس جانە 46 866 كۆي-جاعدايى تىركە­لگەن. ال كۆي+ 154 449 ناۋقاس جانە كۆي- 34 656 ناۋقاس ەم­دەلىپ شىقتى. قاي­تىس بولعان ادامدار سانى – كۆي+ 2 423 ادام جانە كۆي- 542 ادام. كەيىنگى تاۋ­لىكتە كۆي+ 999 جاعداي جانە كۆي- 18 جۇقتىرۋ جاعدايى تىر­كەلدى، ونىڭ ىشىندە 9 – ءولىم جاعدايى»، دەدى ا.تسوي.

ا.تسويدىڭ ايتۋىنشا، جالپى العاندا، رەسپۋبليكا بويىنشا قاراشا ايىنان باس­تاپ كۆي-مەن سىرقاتتانۋدىڭ ءوسۋى بايقالادى، قازان ايىمەن سالىستىرعاندا قاراشا ايىندا سىرقاتتانۋ 4،5 ەسە،  قاراشامەن سالىستىرعاندا جەل­توقسان ايىندا 1،2 ەسە ءوستى.

«بىرقالىپتى ءوسۋ ءۇردىسى قاڭتار ايىندا دا ساقتالىپ وتىر. بۇل – جەلتوقسان مەن قاڭتار ايلارىندا ۇزاق مەرەكە كۇندەرى حالىقتىڭ بارلىق پروفيلاك­تيكا شارالارىن ساقتاماۋىنىڭ سالدارى. ماسەلەن، قاڭتاردىڭ 19 كۇنى ىشىن­دە كۆي-ءدىڭ 14 625 جاعدايى تىركەلدى. سىر­قات­تانۋدىڭ ءوسۋى شىعىس قازاقستان وبلى­سىنان باسقا بارلىق وڭىردە باي­قالادى»، دەدى مينيستر.

ەپيدەميالىق جاعدايدى ەسكەرە وتىرىپ، بىرقاتار وڭىردە، ونىڭ ىشىندە اقمولا، قوستاناي، پاۆلودار، اتىراۋ وبلىستارىندا جانە نۇر-سۇلتان قالاسىندا حالىقتىڭ كوپ جينالاتىن ورىندارىندا قارىم-قاتىناستى ازايتۋعا باعىتتالعان شەكتەۋلەردى كۇشەيتۋ بويىنشا شارالار قابىلداندى. ۆيرۋستىڭ مۋتاتسياعا بەيىمدىلىگىن ەسكەرە وتىرىپ، مينيسترلىك تۇراقتى نەگىزدە قازاقستاندا بولىنگەن ۆيرۋس شتاممدارىنا مولەكۋلالىق-گەنەتيكالىق سەكۆەنيرلەۋ جۇرگىزەدى. تال­داۋ كورسەتكەندەي، زەرتتەلگەن سىنامالار گەنەتيكالىق جاعىنان گەرمانيا، يسپانيا، ۋكراينا، رەسەي فەدەراتسياسى، اقش جانە قىتايدا انىقتالعان شتاممدارعا جاقىن; اۋرۋدىڭ سيمپتومدىق جانە سيمپتومسىز تۇرلەرى، سونداي-اق ۆيرۋستىڭ كونتاگيوزدىلىعى جانە اۋرۋدىڭ اۋىر ءوتۋى ۆيرۋستىڭ قانداي دا ءبىر گەنەتيكالىق سىزىققا جاتاتىندىعىنا بايلانىستى ەمەس; بارىنشا كوپ انىقتاۋ جيىلىگىمەن مۋتاتسيالار انىقتالدى; زەرتتەلگەن سىنامالاردا كوروناۆيرۋستىڭ «بريتاندىق» شتاممى انىقتالعان جوق. وسى باعىتتاعى جۇمىس جالعاسۋدا.

ا.تسويدىڭ ايتۋىنشا، مەملەكەت باس­شى­سىنىڭ كۆي-گە قارسى ۆاكتسينالاۋدى جەدەلدەتىپ باستاۋ جونىندەگى تاپسىرماسىن ىسكە اسىرۋ ماقساتىندا جۇمىستار جۇرگىزىلۋدە.  2021 جىلعى 19 قاڭتاردا قاراعاندى فارماتسەۆتيكالىق كەشەنى مەن رەسەي تىكەلەي ينۆەستيتسيالار قورى اراسىندا «سپۋتنيك V» ۆاكتسيناسىنىڭ 20 مىڭ دوزاسىن جەتكىزۋگە ارنالعان شارتقا قول قويۋ جوسپارلاندى. بيىلعى 20 قاڭتاردا ارنايى ءتارتىپ بويىنشا ساتىپ الۋدى جۇرگىزۋ ءۇشىن ءبىر جولعى اكەلۋگە رۇقسات بەرۋ جانە سق-فارماتسياعا حات جىبەرۋ جوس­پارلانىپ وتىر.

ۆاكتسينالاۋ ۆاكتسينانىڭ كەلىپ ءتۇسۋىن ەسكەرە وتىرىپ، كەزەڭ-كەزەڭىمەن جۇزە­گە اسىرىلادى. بۇل رەتتە كونتينگەنت­تەر مىناداي تۇردە بولىنگەن: 2021 جىل­عى 1 اقپاننان باستاپ I كەزەڭ – ينفەك­تسيالىق اۋرۋحانالار، جەدەل مەديتسي­نا­لىق جاردەم، رەانيماتسيا جانە قار­قىندى تەراپيا ءبولىمى، مەديتسينالىق-ساني­تاريالىق العاشقى كومەك، اۋرۋحا­نا­لاردىڭ قابىلداۋ بولمەلەرىنىڭ مەديتسينا قىزمەتكەرلەرى، سانەپيدقىزمەت قىزمەتكەرلەرى جاتادى. ولاردىڭ جالپى سانى – 100 مىڭ ادام.

بيىلعى ناۋرىزدان باستاپ II كەزەڭ – جالپى ءبىلىم بەرەتىن مەكتەپتەردىڭ، ارناۋ­لى ورتا وقۋ ورىندارىنىڭ، جوعارى وقۋ ورىندارىنىڭ پەداگوگتەرى، ۆەدومستۆولىق مەديتسينالىق قىزمەتىنىڭ مەديتسينا قىزمەتكەرلەرى، بارلىعى – 150 مىڭ ادام.

بيىلعى ساۋىردەن باستاپ III كەزەڭ – مەكتەپ-ينتەرناتتار، بالالاردىڭ مەكتەپكە دەيىنگى مەكەمەلەرى پەداگوگتەرى، ستۋدەنتتەر، سوزىلمالى اۋرۋلارى بار ادامدار – 600 مىڭ ادام.

بيىلعى مامىردان باستاپ IV كەزەڭ – ىشكى ىستەر مينيسترلىگى، توتەنشە جاعدايلار مينيسترلىگى، قورعانىس مينيسترلىگى، ۇلت­تىق قاۋىپسىزدىك كوميتەتى قىزمەتىنىڭ قىزمەتكەرلەرى، باسقا ستاتسيونارلاردىڭ مەديتسينا قىزمەتكەرلەرى، بمدم پەرسونالى جانە سوزىلمالى اۋرۋلارى بار ادامدار. بارلىعى – 600 مىڭ ادام.

بيىلعى ماۋسىمنان باستاپ V كەزەڭ – مەديتسينالىق-الەۋمەتتىك مەكەمەلەردىڭ كونتينگەنتى مەن پەرسونالى، بالالاردىڭ جابىق مەكەمەلەرىنىڭ قىزمەتكەرلەرى جانە سوزىلمالى اۋرۋلارى بار ادامدار. بارلىعى – 600 مىڭ ادام.

بيىلعى شىلدە ايىنان جەلتوقسانعا دەيىن VI كەزەڭ – تاۋەكەل توبىنداعى قال­عان كونتينگەنت. بارلىعى – 600 مىڭ ادام.

وسىلايشا، جىل سوڭىنا دەيىن 6 ملن قازاقستاندىققا ۆاكتسينا ەگۋ جوس­پار­لانعان.

 

ءتۇسىندىرۋ شارالارى كۇشەيتىلدى

اقپارات جانە قوعامدىق دامۋ ءمينيسترى ايدا بالاەۆا بىرقاتار وڭىردە كورو­ناۆيرۋس تاقىرىبى بويىنشا اقپارات­تىق-ءتۇسىندىرۋ جۇمىستارى كۇشەي­تىلگەنىن ايتتى. اتاپ ايتقاندا، الدىڭ­عى اپتامەن سالىستىرعاندا وتكەن جەتىدە بارلىق قۇرالدار ارقىلى كوروناۆي­رۋس تاقىرىبىنداعى اقپاراتتىق ماتە­ريالدار 27%-عا ارتىپ، جىل باسىنان بەرى شىققان تەلەسيۋجەتتەردىڭ، باس­پا ءونىمىنىڭ، ينتەرنەت-ماتەريالدىڭ سا­نى 6 مىڭعا جۋىقتادى. حالىقتى اقپا­رات­تان­دىرۋ ماسەلەسىندە ارنايى اشىلعان coro­navirus2020.kz سايتىنىڭ ورنى ەرەكشە. قازىرگى تاڭدا وعان كۇنىنە 80 مىڭنان اسا پايدالانۋشى كىرىپ، ءتيىستى اقپارات الۋدا.

ىشكى ىستەر ءمينيسترى ەرلان تۇرعىمباەۆ مينيسترلىكتىڭ كارانتيندىك جانە شەكتەۋ شارالارىن قامتاماسىز ەتۋ بويىنشا دەنساۋلىق ساقتاۋ ورگاندارىنا كومەك كور­سەتۋدى جالعاستىرىپ جاتقانى تۋرالى بايان­دادى. باس سانيتارلىق دارىگەرلەردىڭ قاۋ­لىسىنا سايكەس ەلىمىز بويىنشا 15 سا­ني­تارلىق (الماتى وبلىسى – 9، قوس­تا­ناي وبلىسى – 4 جانە اقتوبە وبلىسى – 2) جانە 4 بلوك-بەكەت (اتىراۋ وبلىسى – 4) قو­يىلعان. كارانتيندىك ءىس-شارا­لارعا 10 مىڭ­نان استام پوليتسيا مەن ۇلت­تىق ۇلان­نىڭ اسكەري قىزمەتشىلەرى جۇمىل­دى­رىلعان. 290 كارانتيندىك وبەكتى باقى­­لاۋعا الىنعان. سونداي-اق كولىك وبەك­­ت­ى­لەرىندە سانيتارلىق دارىگەرلەرگە جولاۋ­­شى­لاردى فيلتراتسيادان وتكىزۋگە جاردەم­­دەسۋ قامتاماسىز ەتىلەدى. وسى ماق­سات­­تا ەلىمىزدىڭ حالىقارالىق اۋەجاي­لارىن­­دا 18 باقىلاۋ-قاداعالاۋ پۋنكتى، تەمىر­­جول ۆوكزالدارىندا 16 باقىلاۋ-قاداعا­لاۋ پۋنكتى ورناتىلدى. بۇل وبەك­تىلەر­دەگى كۇن سايىنعى جولاۋشىلار اعىنى تيى­سىنشە 31 مىڭ جانە 17 مىڭ ادامدى قۇرايدى.

مينيستر ە.تۇرعىمباەۆ قازىرگى ۋاقىتتا «قىزىل» ايماققا كىرگەن وبلىستارداعى توپتاردىڭ جۇمىسىنىڭ ناشارلىعىن ايتتى. «اتالعان توپتاردىڭ جۇمىس بەل­سەن­دىلىگىنىڭ تومەندەۋىنە بايلانىستى، ازا­مات­تار ادامدار كوپ جينا­لاتىن جەرلەردە ماسكا رەجىمىن ءجيى بۇزا باستادى. تۇر­عىن­دار اراسىندا ۆيرۋستىڭ قاۋىپسىزدىگى جا­نە ۆاكتسي­نا­لاردىڭ تيىمسىزدىگى تۋرالى جال­عان اق­پاراتتىڭ تارالۋ فاكتىلەرى بار»، دەدى ىشكى ىستەر ءمينيسترى. وسىعان باي­­­لا­­نىس­تى ە.تۇرعىمباەۆ وڭىرلەردىڭ اكىم­دىك­­­تەرى­مەن جانە باس سانيتارلىق دارى­گەر­­لەرى­مەن بىرلەسكەن جۇمىس اياسىندا ءمو­بيل­دى توپتاردىڭ ساۋدا ورتالىق­تار­ىن­دا، مادە­ني مەكەمەلەردە الدىن الۋ جۇ­­مىس­تارى­نا باسا نازار اۋدارۋىن، وسى مەكە­مەل­ەر­دىڭ يەلەرىمەن شەكتەۋ شا­را­لارىن بۇزۋعا جول بەرمەۋ تۋرالى قاتاڭ ءتۇسىن­دىرۋ جۇمىس­تارىن جۇر­گىزۋدى ۇيىم­داستى­رۋدى ۇسىندى.

پاۆلودار وبلىسىنىڭ اكىمى ابىلقايىر سقاقوۆ وتكەن اپتادا پاۆلودار وبلىسىندا كۆي-ءدىڭ 616 جاعدايى تىركەلگەنىن حابارلادى. اۋرۋشاڭدىقتىڭ ءوسۋى 5،8% قۇرادى. سوڭ­عى تاۋلىكتە 155 جاعداي، 396 باي­لانىستا بولعان ادام انىقتالدى. بار­­لىق ءۇي وشاقتارىندا ەپيدەميالىق زەرت­تەۋ­لەر جۇرگىزىلىپ، جاڭا وشاقتار وقشاۋ­­لاندى. ء«وڭىردىڭ دەنساۋلىق ساقتاۋ جۇيە­سى شتاتتىق رەجىمدە جۇمىس ىستەيدى. ينفەك­تسيالىق توسەكتەردىڭ جۇكتەلۋى 37،7%-دى قۇرايدى.

اقمولا وبلىسىنىڭ اكىمى ەرمەك مار­­جىقپاەۆ ءوز كەزەگىندە وبلىستا ەپي­دەميا­لىق جاعدايدى تۇراقتاندىرۋ بويىن­شا جۇمىستار جۇرگىزىلىپ جاتقانىن باياندادى. سوڭعى اپتادا، جالپى اۋرۋدىڭ ورتاشا ءوسۋى 0،8%-دى قۇرادى، سوڭعى تاۋلىك­تەردە – 1،2% نەمەسە 99 جاعداي. 526 ادام ستاتسيوناردا ەمدەلۋدە، ونىڭ ىشىن­دە: اۋىر جاعدايدا 41 ادام جاتىر. اۋرۋدىڭ ارتۋىنا جول بەرمەۋ جانە كارانتين شارالارىن كۇشەيتۋ ءۇشىن بارلىق قاجەتتى شارا قولدانىلادى. قاجەتتى دارىلىك زاتتاردى قوسىمشا ساتىپ الۋ ءۇشىن وبلىستىڭ تۇراقتاندىرۋ قورىندا 500 ملن تەڭگە قاراستىرىلدى. وڭىردەگى ەپيدەميالىق جاعداي ەرەكشە باقىلاۋدا.

قوستاناي وبلىسىنىڭ اكىمى ارحيمەد مۇ­حامبەتوۆ پاندەميا باستالعاننان بەرى وڭىردە 672 COVID-19 جاعدايى تىر­كەل­­­گەنىن ايتتى. قازىرگى ۋاقىتتا 1 096 ستا­­تسيو­نارلىق توسەكتىك ورىن قامتاماسىز ەتىل­گەن، جۇكتەمەسى 39،5%-دى قۇرايدى. قا­­جەت بولعان جاعدايدا توسەكتىك ورىن سانىن
3 مىڭعا دەيىن ارتتىرۋعا دايىن. وب­لىس­تىڭ ءدارىحانالارى مەن ستاتسيونارلارىندا ءدارى-دارمەكتەر مەن جەكە قورعانىش قۇ­رال­دارىنىڭ ازايتىلمايتىن ەكى ايلىق قورى بار.

 

جاپپاي ۆاكتسينالاۋ 1 اقپاندا باستالادى

وتىرىستى ۇكىمەت باسشىسى اسقار مامين قورىتىندىلادى. ونىڭ ايتۋىنشا، قازىرگى تاڭدا Covid-19 تارالۋ قار­قى­نى بويىنشا ەلىمىزدىڭ 6 ءوڭىرى «قىزىل اي­­ماقتا» تۇر. اتاپ ايتساق، اقمو­لا، اتى­راۋ، قوستاناي، پاۆلودار، سول­تۇس­تىك قا­زاق­ستان وبلىستارى جانە نۇر-سۇلتان قالا­سى. «سارى ايماقتا» – باتىس قازاق­ستان، الماتى جانە قاراعاندى وبلىستارى. رەس­­پۋب­ليكا بويىنشا ۆيرۋستىڭ رەپرو­دۋك­تيۆ­­تىك كورسەتكىشى 1،1-ءدى قۇرايدى. ينفەك­تسيا­­لىق توسەكتىك ورىنداردىڭ جۇكتەمەسى – 32%، رەانيماتسيالىق توسەكتىك ورىندار – 23%.

QazCovid-in وتاندىق ۆاكتسيناسى كلينيكالىق سىناقتاردىڭ III كەزەڭىنەن وتۋدە (الدىن الا تيىمدىلىگى – 96%).

«سپۋتنيك V» ۆاكتسيناسىنىڭ ساپاسىن اتتەستاتتاۋ جۇمىستارى جۇرگىزىلىپ جا­تىر. GMP ستاندارتى بار ۆاكتسينالار شى­عاراتىن بيوفارمزاۋىت سالىنۋدا. «بۇگىنگى تاڭ­داعى ەڭ ماڭىزدى مىندەت – حالىقتى جاپ­پاي ۆاكتسينالاۋدى ۇيىمداستىرۋ»، دەدى ا.مامين.

ۇكىمەت باسشىسى دەنساۋلىق ساقتاۋ مينيسترلىگىنە اكىمدىكتەرمەن بىرلەسىپ، 1 اقپاننان باستاپ مەديتسينالىق ۇيىم­داردىڭ حالىقتى «سپۋتنيك V-مەن» جاپپاي ۆاكتسينالاۋدى باستاۋعا دايىن بولۋىن قام­تاماسىز ەتۋدى تاپسىردى. وسى جىلعى 1 اق­پاندا ەگۋگە جاتاتىن حالىق توپتارىن كۆي-گە قارسى ۆاكتسينالاۋدى باستاۋ كوز­دەلگەن.

پرەمەر-مينيستر وڭىرلەردىڭ اكىم­دەرىنە ەپيدەميالىق احۋال ناشار­لاعان جاعدايدا الدىن الا شەكتەۋ شارا­لارىنىڭ جوس­پارىن ازىرلەۋدى، حالىق پەن بيزنەس سۋبەكتىلەرىنىڭ بەلگىلەنگەن ساني­تاريا­لىق نورمالاردى قاتاڭ ساقتاۋىن قامتا­ماسىز ەتۋدى، ءبىر اپتا مەرزىم­دە ينفەكتسيالىق ستاتسيونارلار مەن العاش­قى مەديتسينالىق-سانيتارلىق كومەك ۇيىم­دارىندا جەكە قورعانىش قۇرال­دارى مەن كوروناۆيرۋسقا قارسى ءدارى-دارمەك قور­لارىنا تەكسەرىس جۇرگىزۋدى تاپ­سىردى. ىشكى ىستەر مينيسترلىگىنە اكىم­دىكتەرمەن بىرلە­سىپ، مونيتورينگتىك توپتاردىڭ جۇمى­سىن كۇشەيتۋ، اقپارات مينيس­ترلىگىمەن بىرلەسىپ ءتۇسىندىرۋ جۇمىستارىن كۇشەيتۋ تاپسىرىلدى.

سوڭعى جاڭالىقتار

«قىزىل» ايماقتا ءبىر عانا ءوڭىر قالدى

كوروناۆيرۋس • بۇگىن، 09:52

كوگەرشىندەر كورمەسى

ايماقتار • بۇگىن، 09:44

مىندەتتى قارسىلاس اتاندى

بوكس • بۇگىن، 09:42

تاۋەلسىزدىك تاسپاسى تاراتىلادى

تاۋەلسىزدىكتىڭ 30 جىلدىعى • بۇگىن، 09:40

قپل-ءدىڭ قىمبات فۋتبولشىلارى

فۋتبول • بۇگىن، 09:38

اردا ازاماتتىڭ ەسىمى ەل ەسىندە

قازاقستان • بۇگىن، 09:29

قوزىباەۆ كابينەتى اشىلدى

قازاقستان • بۇگىن، 09:28

«قىزىل ايماقتان» قۇتىلا الماي تۇرمىز

كوروناۆيرۋس • بۇگىن، 09:23

ەلدى امان الىپ قالاتىن ەكپە عانا

كوروناۆيرۋس • بۇگىن، 09:21

ەپيداحۋال تۇراقتالىپ كەلەدى

كوروناۆيرۋس • بۇگىن، 09:19

سپورتتى سەرىك ەتكەن

سپورت • بۇگىن، 09:02

سورەسىندە – سان كىتاپ

ادەبيەت • بۇگىن، 09:00

جۇلدىزدى ساتتەر جىلناماسى

ەلباسى • بۇگىن، 08:55

نار نارىمبەتوۆ ەدى...

قازاقستان • كەشە

«وميكرون» شتامى وقشاۋلايدى

كوروناۆيرۋس • كەشە

ۇقساس جاڭالىقتار