ايماقتار • 19 قاڭتار، 2021

قاراعاندى وبلىسىندا 39 وتباسى باسپانالى بولدى

15 رەت كورسەتىلدى

بۇقار جىراۋ اۋدانىنىڭ دوسكەي اۋىلىندا 39 وتباسى قونىس تويىن تويلاۋدا. پاتەر كىلتى كەزەكتە تۇرعاندارعا بەرىلدى. ونىڭ اراسىندا جەتىم بالالار مەن كوپبالالى وتباسىلار بار، دەپ حابارلايدى Egemen.kz

اۋىلدا بوس قالعان بىرنەشە بەس قاباتتى ءۇي بار. وتكەن جىلى ونىڭ بىرەۋى قالپىنا كەلتىرىلدى. ءۇي كوممۋنالدىق مەنشىككە بەرىلدى، كۇردەلى جوندەۋ جۇمىستارى جۇرگىزىلدى.

«جۇمىسپەن قامتۋدىڭ جول كارتاسى» باعدارلاماسى بويىنشا مودۋلدىك قازاندىق سالىندى. ەندى كوپقاباتتى ۇيلەر ورتالىقتاندىرىلعان جىلىتۋ جۇيەسىنە قوسىلعان. مۇندا ارقايسىنىڭ قۋاتى 1،5 مۆت بولاتىن ەكى قازاندىق بار.

بۇل بەس ءۇيدى جىلىتۋعا جەتكىلىكتى. بۇقار جىراۋ اۋدانى اكىمىنىڭ ورىنباسارى ساپار ساتاەۆتىڭ ايتۋىنشا، ۋاقىت وتە كەلە قيراعان بەس قاباتتى ۇيلەردىڭ بارلىعى قالپىنا كەلتىرىلەدى. سونداي-اق، بارلىق ۇيلەر جىلىتۋعا قوسىلۋى ءۇشىن تاعى ءبىر قازاندىق ورناتۋ جوسپارلانۋدا.

«وبلىس اكىمىنىڭ تاپسىرماسى بويىنشا قازىر قالعان ۇيلەرگە جوبالىق-سمەتالىق قۇجاتتاما ازىرلەنۋدە. بيىل ءۇش ءۇيدى قالپىنا كەلتىرۋدى جوسپارلاپ وتىرمىز. بارلىق توعىز ۇيگە اباتتاندىرۋ، اسفالتتاۋ جانە ينجەنەرلىك كوممۋنيكاتسيالارعا جوبالاۋ-سمەتالىق قۇجاتتامانى ازىرلەيمىز. ءار اۋلادا زاماناۋي الاڭ مەن جارىق بولادى»، دەدى ساپار ساتاەۆ.

 

سوڭعى جاڭالىقتار

ۇقساس جاڭالىقتار