قالالىق №2 سوتى ءباسپاسوز قىزمەتىنىڭ مالىمەتىنە سۇيەنسەك, جەڭىل جولمەن اقشا تاپقىسى كەلگەن ەر ادام الدىن الا جوسپار قۇرىپ سول بويىنشا ارەكەت ەتكەن. «ول ءوزىنىڭ تانىستارىنا, دوستارىنا, تۋىستارىنا حابارلاسىپ بانكتىك كارتالارىنىڭ رەكۆيزيتتەرىن سۇراعان.
«ماعان ءبىر ادام ىستەگەن جۇمىسىم ءۇشىن اقشا تولەۋ كەرەك. بىراق بانكتىك كارتام بۇعاتتالىپ تۇر. سول ءۇشىن ءسىزدىڭ شوتىڭىزعا جىبەرسە», دەيدى ول.
بۇعان سەنگەندەر سۇراعانىن ايتا سالعان. وسىلايشا 8 ادام الدانىپ قالدى. رەكۆيزيتتەرگە قول جەتكىزگەن ەر ادام ينتەرنەت-تەرمينالدارعا ولاردىڭ ارقايسىنىڭ اتىنان ءبىر ەمەس, بىرنەشە نەسيەدەن راسىمدەگەن», دەلىنگەن حابارلامادا.
جابىرلەنۋشىلەردىڭ شوتىنا اقشا تۇسكەن كەزدە ول قايتا كەلىپ سول سومانى شەشكىزىپ العان. ال اراعا ءبىراز ۋاقىت سالىپ اربالعان ازاماتتارعا سوت ورىنداۋشىلارىنان قارىزدى تولەۋ تۋرالى تالاپ كەلگەن.
سوت ۇكىمىمەن ايىپتالۋشى 4 جىل مەرزىمگە باس بوستاندىعىنان ايىرىلدى. ۇكىم تولىقتاي زاڭدى كۇشىنە ەنگەن.
