ەلباسى • 19 قاڭتار، 2021

ەلوردادا ەلباسىعا ءارتۇرلى ەلدىڭ ديپلوماتتارى سىيلاعان ەكسپوناتتار كورمەسى ءوتتى

39 رەت كورسەتىلدى

قر تۇڭعىش پرەزيدەنتى - ەلباسى كىتاپحاناسىنىڭ جاڭا مۋزەيىندە «اسەمدىكتىڭ، ۇندەستىك پەن سۇلۋلىقتىڭ نىشانى» قور كورمەسى اشىلدى، دەپ حابارلايدى Egemen.kz

كورمەدە تەحنيكاسى مەن ءپىشىنى جاعىنان الۋان ءتۇرلى قۇمىرانىڭ ەلۋدەن استام ۇلگىسى ۇسىنىلعان. ىدىستار فارفور، قىش، شىنى، مەتالدان جاسالعان. ولار تۇركيا، قىتاي، رەسەي ەۋروپا، ورتا ازيا، جاپونيا، ۆەتنام، مالايزيا جانە تاعى دا باسقا ەلدەردىڭ مادەنيەتىن سيپاتتايدى. اتالعان جادىگەرلەر ەلباسى كىتاپحاناسى قورىندا ساقتاۋلى تۇرعان قۇمىرالار توپتامالارىنىڭ كىشىگىرىم بولىگى عانا.

«ۇسىنىلىپ وتىرعان ەكسپوناتتار تەك ونەر جادىگەرلەرى ەمەس، ولار ن.ءا.نازارباەۆتىڭ كونۆەكتورلى سىرتقى ساياساتى مەن رەسپۋبليكامىزدىڭ حالىقارالىق بەدەلىن ايعاقتايدى. الەم جۇرتشىلىعىنىڭ قازاقستانعا دەگەن قۇرمەتى مەملەكەت جانە ۇكىمەت باسشىلارىنىڭ، حالىقارالىق ۇيىمدار مەن دۇنيەجۇزىلىك كومپانيالار جەتەكشىلەرىنىڭ تارتۋ ەتكەن سىيلىقتارىنان كورىنىس تاۋىپ وتىر. كورمەدەگى كەز كەلگەن قۇندى ەكسپونات ەلىمىزدىڭ حالىقارالىق قارىم-قاتىناس ورناتۋداعى تاريحى، ەلباسىنىڭ جەكە تاجىريبەسى مەن تاپتىرماس ساياسي كورەگەندىگىنىڭ دالەلى ەكەنى ءسوزسىز»، دەيدى قر تۇڭعىش پرەزيدەنتى - ەلباسى كىتاپحاناسىنىڭ ديرەكتورى باقىتجان تەمىربولات.

86



سوڭعى جاڭالىقتار

ۇقساس جاڭالىقتار