پرەزيدەنت • 19 قاڭتار، 2021

پرەزيدەنت احمەتجان ەسىموۆكە بىرقاتار ناقتى تاپسىرما بەردى

38 رەت كورسەتىلدى

قازاقستان پرەزيدەنتى «سامۇرىق-قازىنا» ۇاق» اق باسقارما توراعاسى احمەتجان ەسىموۆتى قابىلدادى، دەپ حابارلايدى اقوردانىڭ ءباسپاسوز قىزمەتى

كەزدەسۋ بارىسىندا قاسىم-جومارت توقاەۆقا «سامۇرىق-قازىنا» ۇاق» اكتسيونەرلىك قوعامىنىڭ 2020 جىلى اتقارعان جۇمىستارىنىڭ الدىن الا قورىتىندىلارى تۋرالى باياندالدى. جاھاندىق داعدارىس پەن پاندەمياعا قاراماستان حولدينگ بىلتىر ءوز قىزمەتىن تابىستى اتقارعان. قورعا قاراستى كومپانيالار قىزمەتكەرلەرىنىڭ جاپپاي قىسقارۋىنا جول بەرمەگەن. قور كومپانيالارىنىڭ اكتيۆتەرىنىڭ ءوسىمى 800 ميلليارد تەڭگەگە جەتكەن.

احمەتجان ەسىموۆ سوڭعى 3 جىلدا «سامۇرىق-قازىنا» ۇلتتىق ءال-اۋقات قورى زايمداردى وتەۋ ءۇشىن ءوز باستاماسىمەن ۇلتتىق قورعا 554 ميلليارد تەڭگە قارجى اۋدارعان. حولدينگكە قاراستى كومپانيالاردىڭ بيزنەس-ۇدەرىستەرىن تسيفرلىق ترانسفورماتسيالاۋ ناتيجەسىندە 171 ميلليارد تەڭگە پايدا تۇسكەن. سونىمەن قاتار مەملەكەت باسشىسىنا وتاندىق تاۋار وندىرۋشىلەردى قولداۋعا باعىتتالعان اۋقىمدى جۇمىستار تۋرالى اقپارات بەرىلدى.

2018-2020 جىلداردىڭ قورىتىندىسىنا سايكەس ساتىپ الۋلار بويىنشا ۇنەمدەلگەن قارجى 410 ميلليارد تەڭگە بولدى. اتقارىلعان اۋقىمدى جۇمىستاردىڭ ناتيجەسىندە «سامۇرىق-قازىنا» حولدينگىنىڭ كرەديتتىك رەيتينگى BB+/B «تۇراقتى» دەڭگەيدە ەكەنىن حالىقارالىق Standart & Poor`s رەيتينگ اگەنتتىگى ناقتىلادى.

احمەتجان ەسىموۆ «قازمۇنايگاز» ۇلتتىق كومپانياسى مۇناي باعاسىنىڭ ەداۋىر ارزانداعانىنا جانە OPEC+ كومپانياسىنىڭ شەكتەۋلەرىنە قاراماستان، قارجىلىق رەيتينگتە وڭ كورسەتكىشىن ساقتاپ قالدى. «قازاقستان تەمىر جولى» اكتسيونەرلىك قوعامى سوڭعى 6 جىلدا ءبىرىنشى رەت وتكەن جىلدى قارجىلىق تۇرعىدان پايدامەن اياقتاعان.

«قازاتومونەركاسىپ» ۇك» اكتسيونەرلىك قوعامى اكتيۆتەرىنىڭ قۇنى IPO-عا (2018 جىلى) شىعارىلعالى بەرى 2،1 ميللياردتان 5،1 ميلليارد اقش دوللارىنا دەيىن كوتەرىلگەن.

«سامۇرىق–ەنەرگو» اكتسيونەرلىك قوعامىنىڭ قارىزى 100 ميلليارد تەڭگەگە ازايىپ، قارجى تۇراقتىلىعىنىڭ «قىزىل» ايماعىنان «جاسىل» ايماعىنا ءوتتى. كەزدەسۋ سوڭىندا قازاقستان پرەزيدەنتى «سامۇرىق-قازىنا» ۇاق» اق باسقارما توراعاسىنا بىرقاتار ناقتى تاپسىرما بەردى.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ۇقساس جاڭالىقتار