وقيعا • 19 قاڭتار، 2021

نارەستەنى مۇزداتقىشتا قاتىرىپ ولتىرۋگە قاتىسى بار دارىگەر سوتتا جانجال شىعاردى

1619 رەت كورسەتىلدى

اتىراۋدا مۇزداتقىشتا قايتىس بولعان ءسابيدىڭ ءىسى بويىنشا سوت ايىپتىلارعا جازا كەستى.  ۇكىم بويىنشا، قۋانىش نىسانباەۆتى 18 جىلعا، اسقار قايىرجاندى 16 جىلعا، تاميلا قۇلباتىروۆانى 15 جىلعا باس بوستاندىعىنان ايىرعان بولاتىن. وسى وتكەن سوتتا جازا مەرزىمىمەن كەلىسپەگەن دارىگەرلەر جانجال شىعاردى، دەپ حابارلايدى Egemen.kz

ءوزىنىڭ جازا مەرزىمىن (16 جىلعا باس بوستاندىعىنان ايىرۋ) ەستىگەن اكۋشەر-گينەكولوگ اسقار قايىرجان ايىپتالۋشىلارعا ارنالعان كابينانىڭ اينەگىن ۇرا باستاعان. سودان كەيىن سۋديا گۇلميرا داۋلەتوۆا قاراۋىلدان ونى زالدان الىپ كەتۋدى سۇراعان.

ورتالىق ديرەكتورى قۋانىش نىسانباەۆقا (18 جىل) قاتىستى شىعارىلعان سوت ۇكىمىن ەستىگەن ونىڭ ايەلى سۋدياعا دورەكى سوزدەر ايتىپ ايعايلايدى. وسىدان كەيىن سوت ونى دا زالدان شىعارىپ جىبەرگەن.

ەسكە سالايىق، 2019 جىلدىڭ قىركۇيەگىندە اتىراۋداعى پەريناتالدىق ورتالىقتا دارىگەرلەر جاڭا تۋعان بالانى ءولتىردى دەگەن كۇدىككە ىلىنگەن.

انىقتالعانداي، دارىگەرلەر بالا تۋعاننان كەيىن نەمقۇرايدى قاراپ، ءولى تۋدى دەپ جازعان. بىراق ءىس جۇزىندە بالا ءتىرى بولعان. بالا تىرشىلىك بەلگىلەرىن كورسەتكەننەن كەيىن دارىگەرلەر ونى جانساقتاۋ بويىنشا شۇعىل شارالار قابىلداۋعا مۇمكىندىگى بولعان، الايدا دارىگەرلەر تولتىرىلىپ قويعان قۇجاتتارعا سايكەس ارەكەت ەتۋدى ويلايدى. وقيعا جاڭا تۋعان نارەستەنىڭ ولىمىمەن اياقتالعان ەدى. 

سوڭعى جاڭالىقتار

ۇقساس جاڭالىقتار