76 جاستاعى الماتى وبلىسى كوكسۋ اۋىلىنىڭ تۇرعىنى كىر تاسىن كوتەرۋدەن الەمدىك رەكورد جاساعان ءامىرباي رىسقۇلوۆ گيننەستىڭ رەكوردتار كىتابىنا ەندى. بۇل تۋرالى www.egemen.kzءتىلشىسى حابارلادى.
ول رەسەيدىڭ ارحانگەلسك قالاسىندا وتكەن جارىستا گيننەستىڭ رەكوردتار كىتابىنا ەنگىزەتىن حالىقارالىق كوميسسيا مۇشەلەرىنىڭ الدىندا جارتى ساعاتتا 10 كيلولىق كىر تاسىن 750 رەت توقتاماي كوتەرىپ, جۇرتشىلىقتىڭ نازارىن وزىنە اۋدارتقان. وسىدان كەيىن كوميسسيا مۇشەلەرى 76 جاستاعى قاريانى گيننەستىڭ رەكوردتار كىتابىنا ەنگىزۋ تۋرالى شەشىم قابىلداعان. اقساقالدىڭ ايتۋىنشا, ونىڭ جارىستا كىر تاسىن بۇدان دا كوپ رەت كوتەرۋگە مۇمكىندىگى بولعان. دەگەنمەن,رەكورد جاساۋ ءۇشىن 750-گە جەتكىزۋ عانا جەتكىلىكتى بولعان ەكەن.
بۇل جارىسقا الەمنىڭ ءار تۇكپىرىنەن 400-دەن استام كىر تاسىن كوتەرۋشىلەر قاتىسىپتى. ال ءبىزدىڭ ەلدەن جارىستا ءامىرباي رىسقۇلوۆتان باسقا تاعى 4 ادام باقتارىن سىنسا, سونىڭ ىشىندە الماتى وبلىسىنان بارعان 55 جاسار جۇماحان قۇزاباەۆ تا رەكورد ورناتىپتى. قازىر ءامىرباي رىسقۇلوۆتىڭ قورجىنىندا 105 مەدال بولسا, ونىڭ 65-ءى الەم, ازيا, ەۋروپا چەمپيوناتتارىنىڭ التىن جۇلدەسى.
داستان كەنجالين.
دەرەككوز: www.kazsports.kz
