قازاقستان • 19 قاڭتار، 2021

قارۋلى كۇشتەردىڭ جاۋىنگەرلىك دايارلىعى سانيتارلىق-ەپيدەميولوگيالىق احۋالعا قاراي جۇرگىزىلەدى

9 رەت كورسەتىلدى

قازاقستان رەسپۋبليكاسىنىڭ قارۋلى كۇشتەرىندە جاۋىنگەرلىك دايارلىق جوسپارى بويىنشا بولىمشە قۇرامىندا ءىس-شارالار جالعاسۋدا. ونىڭ ءبارى ەلدەگى سانيتارلىق-ەپيدەميولوگيالىق احۋالدى ەسكەرە وتىرىپ، بارىنشا ۇرىسى جاعدايىنا كەلتىرىلىپ جۇرگىزىلدى، دەپ حابارلايدى Egemen.kz.

سونىمەن قاتار، COVID-19 ءارى قاراي تارالاۋىن جويۋ جونىندە شارالار قابىلدانۋدا.

قازىرگى ۋاقىتتا ەلدە COVID-19 تارالۋ قارقىنى ارتىپ كەلەدى. «قىزىل» ايماقتا استانا، سونداي-اق اقمولا، اتىراۋ، قوستاناي جانە پاۆلودار وبلىستارى ورنالاسقان. وسىعان قاراماستان، قر قارۋلى كۇشتەرىندە سىرقاتتانۋدىڭ ءوسۋى تومەندەگەنى بايقالادى.

قر قورعانىس ءمينيسترى گەنەرال-لەيتەنانت نۇرلان ەرمەكباەۆ قورعانىس ۆەدومستۆوسىندا وتكەن اپپارات كەڭەسىندە قارۋلى كۇشتەردەگى ەپيدەميولوگياعا قارسى احۋال تۋرالى باس اسكەري-مەديتسينالىق باسقارماسىنىڭ اقپاراتىن  تىڭدادى.

سوڭعى جەتى تاۋلىكتە اسكەري قىزمەتشىلەر اراسىندا COVID-19 جۇقتىرۋ جاعدايى وتكەن اپتاعا قاراعاندا 16%-عا تومەندەدى.

قارۋلى كۇشتەردىڭ ەكى پتر-زەرتحاناسى بازاسىندا 800-دەن استام دياگنوستيكالىق زەرتتەۋلەر جۇرگىزىلدى. اقتاۋ مەن سەمەيدە تاعى ەكى جاڭا مەديتسينالىق زەرتحانا كەشەنىن ورىستەتۋ بويىنشا شارالار قابىلداندى، ولاردى پايدالانۋعا بەرۋ ءۇشىن قاجەتتى قۇجاتتار رەسىمدەلەدى.

 «قىزىل» ايماقتاعى جەكە قۇرامنىڭ كەمىندە 80 پايىزى قاشىقتىقتان جۇمىس ىستەۋ تۇرىنە اۋىستىرىلاتىن بولادى، بۇقارالىق ءىس-شارالار مەن توپتىق ساباقتار وتكىزۋگە تىيىم سالىنادى.

كەلىسىمشارت قىزمەتىنىڭ اسكەري قىزمەتشىلەرى ءۇشىن ماماندىق بويىنشا وقىتۋ باعدارلامالارى جانە ءۇي جاعدايىندا ورىنداۋعا ارنالعان دەنە جاتتىعۋلارىنىڭ كەشەنى ازىرلەندى. كارانتيننەن شىعۋ بويىنشا اسكەري قىزمەتشىلەردىڭ دەنە دايارلىعى دەڭگەيىن جانە وقۋ ماتەريالىن مەڭگەرۋ ساپاسىن تەكسەرۋ ۇيىمداستىرىلادى.

قورعانىس ۆەدومستۆوسىنىڭ باسشىسى قارۋلى كۇشتەر مەن بولىمشەلەردىڭ باسشىلىعىنا كارانتين رەجيمىن ساقتاۋ ماسەلەلەرىن ەرەكشە باقىلاۋدا ۇستاۋدى، سونداي-اق تاياۋداعى توقسان ىشىندە ەلدەگى ەپيدەميولوگيالىق احۋالدىڭ كۇرت شيەلەنىسۋىنە جەدەل جانە بارابار دەن قويۋدى تاپسىردى.

قر قورعانىس مينيسترلىگىندە وتكەن اپپاراتتىق كەڭەسىندە قىسقى جاعدايلار مەن كوروناۆيرۋستىڭ تارالۋى جاۋىنگەرلىك دايارلىقتىڭ جوسپارلانعان ءىس-شارالارىن ىسكە اسىرۋ قاجەتتىلىگىن جويمايتىنىن، سونىمەن قاتار، ونىڭ بارىسىنا ۇدايى تۇردە نازارعا الىناتىنىن اتاپ ءوتتى.

قازىرگى ۋاقىتتا بازالىق اسكەري بۋىن - بولىمشەلەردى دايارلاۋ ناقتى اتىس مىندەتتەرىن شەشۋمەن ءارتۇرلى ۇرىس تۇرلەرىندەگى ءىس-قيمىلدار كەزىندە ءوزارا ءىس-قيمىلدىڭ ۇيلەسىمدىلىگىن جەتىلدىرۋگە، بولىمشەلەر كومانديرلەرىن ءوز باعىنىستىلارىن باسقارۋعا ۇيرەتۋگە، جەكە قۇرامنىڭ دالالىق داعدىسىن جەتىلدىرۋگە باعىتتالعان.

اسكەري اتىس الاڭدارى مەن وقۋ-تاكتيكالىق پوليگونداردا اعىمداعى دايىندىقتىڭ سوڭعى كەزەڭىندە ءداستۇر بويىنشا وقىتۋدا پايدالانىلاتىن قارۋ-جاراقتىڭ بارلىق تۇرلەرىنەن جاۋىنگەرلىك اتىس وتەدى. بۇل رەتتە اتىستاردىڭ كەم دەگەندە 30%-ىن وتكىزۋ تاۋلىكتىڭ تۇنگى ۋاقىتىندا جوسپارلانعان.

قۇبىلمالى اسكەري-تاكتيكالىق جاعدايلاردى ەسكەرە وتىرىپ، قر قورعانىس ءمينيسترى فورتيفيكاتسيالىق قۇرىلىستار مەن ينجەنەرلىك پوزيتسيالاردى جابدىقتاۋ، ۇشقىشسىز ۇشۋ اپپاراتتارىنا قارسى ءىس-قيمىل ەلەمەنتتەرى بويىنشا ساباقتار وتكىزۋ قاجەتتىگىن اتاپ ءوتتى. بۇل رەتتە گەنەرال-لەيتەنانت ن. ەرمەكباەۆ بارلىق دەڭگەيدەگى كوماندالىق قۇرامنىڭ نازارىن جاتتىعۋلار وتكىزۋ كەزىندە قاۋىپسىزدىك شارالارىن ساقتاۋعا اۋداردى.

- دالا ساباقتارىندا جەكە قۇرامنىڭ سۋىقتاپ قالۋى مەن ۇسىك شالۋ وقيعالارىن بولدىرماۋ جايلى شارالار قابىلداۋ قاجەت. جىلىنۋ پۋنكتتەرىن اشىپ، اسكەري قىزمەتشىلەردى جىلى كيىم-كەشەكپەن جانە ىستىق تاماقپەن قامتاماسىز ەتۋ كەرەك، – دەپ اتاپ ءوتتى ول.

سوڭعى جاڭالىقتار

ۇقساس جاڭالىقتار