ايماقتار • 19 قاڭتار، 2021

اقتوبەدە جەمقورلىقپەن كۇرەسۋشىلەر 2020 جىلعى جۇمىس قورىتىندىسىن جاريالادى

25 رەت كورسەتىلدى

اقتوبەدەگى «ANTIKOR ORTALYǴY» سەرۆيستىك عيماراتىندا وبلىس بويىنشا سىبايلاس جەمقورلىققا قارسى قىزمەت دەپارتامەنتىنىڭ باسشىسى باۋىرجان بالعابەكوۆتىڭ قاتىسۋىمەن بريفينگ وتكىزىلدى، دەپ حابارلايدى Egemen.kz

شارا بارىسىندا باسشى قۇقىق قورعاۋ ورگانىنىڭ وتكەن جىلعى جۇمىس قورىتىندىلارى جونىندە باياندادى. اتالعان كەزەڭدە دەپارتامەنتپەن 53 قىلمىس تىركەلگەن ەكەن، ونىڭ 33-ءى اۋىر قىلمىستار ساناتىنا جاتادى. 28 قىلمىس قاراجاتتى جىمقىرۋ ماقساتىندا، 5-ءۋى لاۋازىمدىق وكىلەتتىكتەرىن تەرىس پايدالانۋ جولىمەن جانە 18-ءى پاراقورلىق ماقساتىندا جاسالعان (پارا الۋ – 8، پارا بەرۋ - 10).

جەمقورلىق قىلمىستارى ءۇشىن مەملەكەتتىك ورگانداردىڭ ءبىرىنشى باسشىلارىنىڭ ۇستالۋى سيرەك جاعداي ەمەس. اتالعان تۇلعالاردىڭ اراسىندا اقتوبە قالاسى اكىمىنىڭ ورىنباسارى، اقتوبە قالاسىنىڭ تكش ءبولىمىنىڭ باسشىسى، «اقتوبە قالاسىن ءتيىمدى دامىتۋ ورتالىعى» كمم باسشىسى لاۋازىمدارىن يەلەنگەن تۇلعالار، سونداي-اق بىرقاتار اۋداندىق دەڭگەيدەگى جەرگىلىكتى اتقارۋشى ورگانداردىڭ باسشىلارى بار.

جەمقورلىقپەن تۇتىلعان وبلىستىق دەڭگەيدەگى باسشىلار دا كەزدەسەدى. ولاردىڭ ءبىرى رەتىندە جاقىندا 7 جىلعا باس بوستاندىعىنان ايىرىلعان اقتوبە وبلىسىنىڭ قۇرىلىس باسقارماسىنىڭ بۇرىنعى باسشىسىن اتاۋعا بولادى.

مەملەكەتتىك باعدارلامالاردى جۇزەگە اسىرۋ باعىتىندا كوپتەگەن قىلمىستار تىركەلگەن. ولاردىڭ 6-ى «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ»، 5-ءۋى «وڭىرلەردى دامىتۋ»، 4-ءى «نۇرلى جول»، 3-ءۋى ء«بىلىم مەن عىلىمدى دامىتۋ» جانە 2-ءۋى «جۇمىسپەن قامتۋدىڭ جول كارتاسى» باعدارلامارىنا تيەسىلى.

دەپارتامەنتپەن قىلمىستىق ىستەر بويىنشا بەلگىلەنگەن زالال كولەمى 240،8 ملن. تەڭگەنى قۇراپ وتىر، ونىڭ 201 ملن. تەڭگەسى بۇگىنگى كۇنى وتەلگەن.

دەپارتامەنت سىبايلاس جەمقورلىق تۋرالى حابارلاپ، نەمقۇرايلىلىق تانىتپايتىن ازاماتتاردى كوتەرمەلەۋدى جالعاستىرۋدا. بيىلعى جىلى جالپى سوماسى 2 ملن. تەڭگە كولەمىندەگى بىرجولعى سىياقى 11 ادامعا تاعايىندالعان.

«جەدەل-تەرگەۋ باعىتىندا جۇرگىزىلىپ جاتقان جۇمىستارىمىزعا قاراماستان، جەمقورلىقتىڭ ءتيىمدى الدىن الۋ مەن اۋقىمدى اعارتۋ ءىسى ءبىزدىڭ قىزمەتتەگى باسىم باعىت بولىپ تابىلادى»، - دەپ اتاپ ءوتتى باۋىرجان بالعابەكوۆ.

«سىبايلاس جەمقورلىققا قارسى ءىس-قيمىل تۋرالى» قازاقستان رەسپۋبليكاسى  زاڭىنىڭ 8 بابىنا سايكەس دەپارتامەنتپەن سىبايلاس جەمقورلىق تاۋەكەلدەرىنە سىرتقى تالداۋ جۇزەگە اسىرىلىپ كەلەدى.

ەسەپتىك جىلدا 13 سۋبەكىنىڭ قىزمەتىنە قاتىستى 10 تالداۋ جۇرگىزىلگەن. ونىڭ ىشىندە 5 تالداۋ تىكەلەي دەپارتامەنتتىڭ باستاماسىمەن جۇزەگە اسىرىلعان. جۇرگىزىلگەن تالداۋلاردىڭ قورىتىندىسى بويىنشا 142 سىبايلاس جەمقورلىق تاۋەكەلى انىقتالىپ، ولاردى جويۋ بويىنشا 242 ۇسىنىم ەنگىزىلگەن.

اتالعان ۇسىنىمداردىڭ 142-ءى ۇيىمداستىرۋ-باسقارۋ قىزمەتى سالاسىنا ءتيىستى بولسا، قالعان 100-ءى نورماتيۆتىك قۇقىقتىق اكتىلەرگە قاتىستى.

بارلىق ۇسىنىمداردىڭ بۇگىنگى كۇنى 227-ءسى نەمەسە 93،8% ورىندالعان.

سونداي-اق زاڭنامامەن سىبايلاس جەمقورلىققا قارسى مونيتورينگ جۇرگىزۋ كوزدەلگەن. وتكەن كەزەڭدە 13 مونيتورينگ جۇرگىزىلىپ، ولاردىڭ قورىتىندىسى بويىنشا 47 ۇسىنىم ەنگىزىلگەن.

سىبايلاس جەمقورلىققا قارسى مونيتورينگتىڭ قورىتىندىسى بويىنشا جۇمىس ناتيجەسىنىڭ جارقىن مىسالدارىنىڭ ءبىرى رەتىندە قامالعان كولىكتەردى ۋاقىتشا ساقتايتىن كوممۋنالدىق اۆتوتۇراقتى ىسكە قوسۋ بولىپ تابىلادى.

بۇگىنگى تاڭدا بۇل قىزمەت جەكە اينالىمنان شىعارىلىپ، زاڭنامادا كوزدەلمەگەن قۇندىق-تولەمدىك كەدەرگىلەر جويىلىپ وتىر.

دەپارتامەنت تۇراقتى نەگىزدە بيۋدجەت قاراجاتىن ماقساتسىز پايدالانۋ فاكتىلەرىنە مەملەكەتتىك ساتىپ الۋ مونيتورينگىن جۇزەگە اسىرىپ كەلەدى.

اتالعان باعىتتاعى جۇمىس قورىتىندىلارى بويىنشا 25 مەملەكەتتىك ورگان مەن كۆازيمەملەكەتتىك سەكتور سۋبەكتىلەرىندە جالپى سوماسى 437،1 ملن. تەڭگەنى قۇرايتىن تاۋارلار مەن كورسەتىلەتىن قىزمەتتەردىڭ باعالارىن نەگىزسىز كوتەرۋ فاكتىلەرى انىقتالعان.

وسى ورايدا ماقساتسىز ىسىراپقا جول بەرىلمەي، اتالعان سوما بيۋدجەتكە تولىعىمەن قايتارىلدى. نەگىزىنەن انىقتالعان فاكتىلەر تاۋارلار مەن كورسەتىلەتىن قىزمەتتەردىڭ ساتىپ الۋ باعالارىن كوبەيتۋ، ەلىمىزدەگى جاعدايمەن تيىم سالىنعانىنا قاراماستان، مادەني-بۇقارالىق ءىس-شارالار وتكىزۋدى جوسپارلاۋعا قاتىستى.

سىبايلاس جەمقورلىققا قارسى مادەنيەتتى قالىپتاستىرۋ باعىتىندا جالپى 375 500 ادامدى قامتىعان 1000-نان استام ءىس-شارا وتكىزىلىپ وتىر. ونىڭ ىشىندە 700-دەن استام ءىس-شارا ونلاين فورماتتا جۇزەگە اسىرىلعان.

ەلدەگى توتەنشە جاعداي جانە جاھاندىق پاندەمياعا بايلانىستى، كارانتيندىك شەكتەۋلەر جاعدايىندا اگەنتتىكپەن «Antikor LIVE» جوباسىنا باستاما جاسالىپ، اتالعان جوبا شەڭبەرىندە وبلىستا 233 تىكەلەي ەفير وتكىزىلگەن. سپيكەرلەر رەتىندە مەملەكەتتىك ورگاندار مەن وزگە دە قوعامدىق قۇرىلىمداردان 227 ساراپشى تارتىلعان.

دەپارتامەنتتىڭ الەۋمەتتىك جەلىلەردەگى رەسمي پاراقشالارىندا كۇن سايىن سىبايلاس جەمقورلىققا قارسى باعىتتاعى تىكەلەي ەفيرلەر وتكىزىلىپ وتىر.

ازاماتتارعا تەگىن زاڭ كومەگىن كورسەتۋ بويىنشا «ادال كومەك» جوباسى اياسىندا 80-نەن استام ادام زاڭدىق كەڭەس العان، 20 جەكە قابىلداۋ ۇيىمداستىرىلىپ، 136 مىڭنان استام ادامدى قامتيتىن 330-دان استام تىكەلەي ەفير وتكىزىلگەن.

جوبانى جۇزەگە اسىرۋدىڭ وڭ ناتيجەلەرى دە بار.

زاڭگەر، جوبا ۆولونتەرى ازامات ساگال جول-كولىك وقيعاسىنان زارداپ شەككەن ازاماتشانى، سوتتا تەگىن قورعاپ، ۇزاققا سوزىلعان ىستە جەڭىسكە جەتتى. وقيعانىڭ قۇربانى قاتتى سىرقاتتانعان قىزىنىڭ دەنساۋلىعىنا كەلتىرىلگەن زياندى جانە مورالدىق زالالدى وتەۋ تۋرالى تالاپ ارىزىن ءۇش جىل بويى قاناعاتتاندىرا الماي، ساندالعان. كىنالى ادام كەلتىرىلگەن زالالدى وتەۋدەن باس تارتقان كورىنەدى. بىرنەشە سوت پروتسەسىنەن كەيىن ازاماتشانىڭ تالاپ ارىزداردى تولىعىمەن قاناعاتتاندىرىلدى.

وبلىستىق دەپارتامەنتپەن مەملەكەتتىك ورگاندار قىزمەتىنىڭ اشىقتىعى مەن جاريالىلىعىن قامتاماسىز ەتۋگە جانە قر پرەزيدەنتىنىڭ «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋعا ەرەكشە كوڭىل ءبولىنىپ كەلەدى.

بۇگىنگى كۇنى اقتوبە وبلىسىنىڭ بارلىق اۋدان ورتالىقتارىندا جانە قوسىمشا 2 اۋىلدىق وكرۋگتە 17 «سەرۆيستىك اكىمدىك» اشىلىپ، جۇمىس ىستەۋدە. وسىلايشا، اقتوبە ءوڭىرى حالىققا قىزمەت كورسەتۋدىڭ سەرۆيستىك فورماتىنا كوشۋ بويىنشا جۇمىستى تولىعىمەن اياقتاعان.

سونىمەن قاتار بارلىق اۋىلدىق اكىمدىكتەردە «وزىنە-ءوزى قىزمەت كورسەتۋ بۇرىشتارى» جۇمىس ىستەيدى، جاو مەن ومو ءتۇرلى مەكەمەلەرىندە، سونىڭ ىشىندە كۆازيمەملەكەتتىك سەكتوردا "OPEN SPACE" فورماتىنداعى 88 كابينەت جانە 6 «فرونت وفيس» اشىلعان.

سوڭعى جاڭالىقتار

ۇقساس جاڭالىقتار