كەشە ۇكىمەت ۇيىندە پرەمەر-ءمينيستردىڭ ءبىرىنشى ورىنباسارى باقىتجان ساعىنتاەۆتىڭ توراعالىعىمەن 2013-2014 جىلدارعا ارنالعان جىلىتۋ كەزەڭىن جۇرگىزۋ ماسەلەلەرى جونىندە سەلەكتورلىق رەجىمدە كەڭەس وتكىزىلدى.
كەشە ۇكىمەت ۇيىندە پرەمەر-ءمينيستردىڭ ءبىرىنشى ورىنباسارى باقىتجان ساعىنتاەۆتىڭ توراعالىعىمەن 2013-2014 جىلدارعا ارنالعان جىلىتۋ كەزەڭىن جۇرگىزۋ ماسەلەلەرى جونىندە سەلەكتورلىق رەجىمدە كەڭەس وتكىزىلدى.
ب.ساعىنتاەۆتىڭ ايتىپ ءوتكەنىندەي, ۇكىمەت وتىن-ەنەرگەتيكا كەشەنى مەن وڭىرلەردى قىسقى ماۋسىمعا ساپالى دايىنداۋ جونىندە ءتيىستى شارالار قابىلدادى. كەيبىر وڭىرلەر ءۇشىن وتىن ساتىپ الۋعا ۇكىمەت رەزەرۆىنەن قاراجات ءبولىندى.
ب.ساعىنتاەۆ ءوڭىرلەردەگى جالپى جاعداي تۇراقتى دەپ سانايدى. الايدا, جوندەۋ جۇمىستارىنىڭ جوسپارىن, تەمپەراتۋرالىق كەستەنى جانە ەنەرگيا كوزدەرىندەگى وتىننىڭ نورماتيۆتىك قورلارىن ساقتاۋ بولىگىندە شەشىلمەي قالعان ماسەلەلەر بار.
تۇرعىن ءۇي-كوممۋنالدىق سەكتور, الەۋمەتتىك سالا نىساندارىنىڭ جۇمىسى جانە كوممۋنالدىق قىزمەت ءۇشىن بەرەشەكتەر تۋرالى وڭىرلىك دامۋ ءمينيسترى بولات جامىشەۆ باياندادى.
ءمينيستردىڭ ايتۋىنشا, جىلىتۋ ماۋسىمىنىڭ باسىندا كوممۋنالدىق قىزمەتتەر ءۇشىن تۇتىنۋشىلاردىڭ دەبيتورلىق بەرەشەگى 5,8 ملرد. تەڭگەنى قۇراسا, اعىمداعى جىلعى 1 جەلتوقسانداعى جاعداي بويىنشا 4,9 ملرد. تەڭگەنى قۇرادى. دەبيتورلىق بەرەشەك الماتى قالاسىندا 1 ملرد. تەڭگەگە, اقتوبە وبلىسىندا 13,8 ملن. تەڭگەگە, قىزىلوردا وبلىسىندا 10,9 ملن. تەڭگەگە ازايدى. ال استانا قالاسىندا 64 ملن. تەڭگەگە, سولتۇستىك قازاقستان وبلىسىندا 12 ملن. تەڭگەگە وسە ءتۇستى.
كەڭەستە يندۋستريا جانە جاڭا تەحنولوگيالار ۆيتسە-ءمينيسترى باقىتجان جاقساليەۆ قۋات ءوندىرۋ كاسىپورىندارى مەن ماگيسترالدىق ەلەكتر جەلىلەرىنىڭ جۇمىسى تۋرالى باياندادى. ۆيتسە-مينيستر ەلىمىزدىڭ بىرىڭعاي ەلەكتر-ەنەرگەتيكالىق جۇيەسى شتاتتىق رەجىمدە جۇمىس ىستەپ تۇرعانىن اتاپ ءوتتى. قۋات ءوندىرۋ كوزدەرىنە جوسپارلانعان جوندەۋ جۇمىستارى اياقتالدى. اعىمداعى جىلعى 11 جەلتوقسانعا ەنەرگيا كوزدەرىنىڭ وتىن قويمالارىندا 5,1 ملن. توننا كومىر جانە 161,2 مىڭ توننا مازۋت جيناقتالعان. بۇل كورسەتكىش جالپى ۇكىمەت بەكىتكەن نورمالارعا سايكەس كەلەدى.
توتەنشە جاعدايلار ۆيتسە-ءمينيسترى ۆالەري پەتروۆتىڭ بايانداعانىنداي, قازىرگى ۋاقىتتا رەسپۋبليكاداعى 779 قازاندىق تۇتىنۋشىلاردى جىلۋ ەنەرگياسىمەن جانە 389 قازاندىق ىستىق سۋمەن جابدىقتاۋدى قامتاماسىز ەتەدى, رەزەرۆتە 375 قازاندىق بار. بۇدان بۇرىن بەكىتىلگەن جوندەۋ جۇمىستارىنىڭ كەستەلەرىنە ءسايكەس رەزەرۆكە قويىلعان 15 قازاندىقتا جوسپارلى جوندەۋ جۇمىسى جالعاسۋدا.
وڭىرلەردى جىلۋ ەنەرگياسىمەن جانە ىستىق سۋمەن جابدىقتاۋدى 100 پايىز قامتاماسىز ەتكەن كەزدە جامبىل, اقمولا, قىزىلوردا, پاۆلودار, قاراعاندى, شىعىس قازاقستان وبلىستارىندا قازانداردى جوندەۋ جۇمىستارى جالعاساتىن بولادى. جىلۋ ماۋسىمى باستالعاننان بەرى بىرقاتار وڭىرلەردە 26 تەحنولوگيالىق بۇزۋشىلىقتار (قازاندىقتار مەن تۋربينالاردىڭ اۆاريالىق توقتاپ قالۋى) ورىن الدى, ونىڭ ىشىندە 12-ءسى جىلىتۋ بەتىندەگى قۋىستاردىڭ سەبەبىنەن بولدى.
كەڭەستى قورىتىندىلاي كەلە, ب.ساعىنتاەۆ اكىمدىكتەر جىلىتۋ ماۋسىمىنىڭ اپاتسىز ءوتۋىن بارىنشا قامتاماسىز ەتۋگە ءتيىس ەكەنىن اتاپ كورسەتتى. سونىمەن قاتار, ول مەرەكە كۇندەرى وڭىرلەردە جىلىتۋ ماۋسىمىنىڭ ءوتۋىن قاتاڭ باقىلاۋ قاجەت ەكەنىن ەسكە سالدى. اكىمدىكتەرگە مەرەكە كۇندەرى شتاتتان تىس جاعدايلاردى جەدەل جويۋ ءۇشىن جوندەۋ جۇمىستارىن جۇرگىزەتىن بريگادالاردى قاجەتتى ماتەريالدارمەن جانە جابدىقتارمەن قامتاماسىز ەتۋ جونىندە قوسىمشا شارالار قابىلداۋدى تاپسىردى, دەپ حابارلادى پرەمەر-ءمينيستردىڭ ءباسپاسوز قىزمەتى.
