الماتى حقو-لارى مەملەكەتتىك قىزمەتتەردى قاشىقتان الۋعا شاقىردى

قوعام • 18 قاڭتار، 2021

الماتى حقو-لارى مەملەكەتتىك قىزمەتتەردى قاشىقتان الۋعا شاقىردى

27 رەت كورسەتىلدى

جاڭا جىل باستالعالى بەرى الماتى حقو-لارىنا كەلۋشىلەر قاتارى كوبەيگەن. جىل جاڭارىپ، قۇجاتتارىن دا وسى جىلمەن قايتا راسىمدەيتىندەردىڭ ءبارى حقو-لارعا اعىلىپ جاتىر، دەپ حابارلايدى Egemen.kz.

ايناش ەسالى

«جىل سايىن قاڭتار ايىندا الەۋمەتتىك سالا بويىنشا قىزمەت الۋشىلار سانى ارتادى. ونىڭ سەبەبى، جىل باسىندا ولاردىڭ مالىمەتتەرى قايتا جاڭارتىلادى. ازاماتتاردىڭ كوپشىلىگى جىلدىق ەسەپتەرىن تاپسىرادى. جىل سايىن قاڭتاردا راسىمدەۋمەن اينالىسقاسىن، كوپشىلىگىنىڭ ەسق مەرزىمى ء(بىر جىل) دە وسى كەزدە بىتەتىنى بەلگىلى. سوندىقتان ەسق الۋشىلار دا توپتى كوبەيتىپ حقو-دا جۇرەدى. تۇپتەپ كەلگەندە، ول قىزمەتتەردى حقو-عا كەلمەي-اق ەسق-مەن (ەلەكتروندىق ساندىق قولتاڭبا) ۇيدە وتىرىپ الۋعا بولادى. ەسق جوق بولسا، ونى دا ۇيدە وتىرىپ الۋعا بولادى. سوندىقتان، ازاماتتاردى ءوزىنىڭ جانە جاقىندارىنىڭ قامى ءۇشىن، حقو-لارعا كەلمەي-اق العاندارى ءجون»، دەپ كەڭەس بەرەدى «ازاماتتارعا ارنالعان ۇكىمەت» مەملەكەتتىك كورپوراتسياسى الماتى قالاسى فيليالىنىڭ PR-مەنەدجەرى جاڭىل اپەتوۆا.

ال، ەسق-نى قاشىقتان قالاي الۋعا بولاتىنىن، مىنا نۇسقاۋلىق ارقىلى جۇزەگە اسىرساڭىزدار بولادى.

ەتسق-نى حقو-عا بارماي-اق قاشىقتان قالاي الۋعا بولادى؟

ول ءۇشىن:

* قولدانىستاعى جەكە كۋالىكتىڭ تۇپنۇسقاسى نەمەسە قر ازاماتىنىڭ پاسپورتى بولۋى ءتيىس;
* SMS-حابارلامالاردى الۋ مۇمكىندىگى بار تەلەفون;
* كومپيۋتەرىڭىزدە ۆەب-كامەرا بولۋى كەرەك;
* كومپيۋتەرگە NCALayer باعدارلاماسىن ورناتىڭىز.

پورتالدىڭ باستى بەتىندە ەgov.kz "ەتسق قاشىقتىقتان الۋ"باتىرماسىن باسىڭىز. جۇيە كومپيۋتەردە ۆەب-كامەرانىڭ بولۋىن تەكسەرەدى. قالقىمالى تەرەزەدە "رۇقسات ەتۋ" تۇيمەسىن باسىڭىز.

ءموبيلدى ازاماتتار بازاسىندا (ماب) تەلەفون ءنومىرىڭىزدىڭ تىركەلۋىن تەكسەرۋ ءۇشىن جسن كورسەتىڭىز. تەكسەرۋ ءساتتى وتكەن جاعدايدا 1414 نومىرىنەن كەلگەن SMS-كودتى ء(بىر رەتتىك قۇپياسوز) ەنگىزىڭىز;

نازار اۋدارىڭىز! ەگەر ءسىز بۇرىن ماب-تا تىركەلمەگەن بولساڭىز نەمەسە ءبىر رەتتىك ءپارولدى الماعان بولساڭىز، جۇيە ءسىزدى جانە تەلەفون ءنومىرىڭىزدى تىركەۋدى/قايتا تىركەۋدى ۇسىنادى.

ماب-تا ءساتتى تىركەلگەننەن كەيىن جۇيە كومپيۋتەردە NCALayer باعدارلاماسىنىڭ بولۋىن تەكسەرەدى;

"ەتسق الۋعا ءوتۋ" باتىرماسىن باسىڭىز جانە قاشىقتىقتان سايكەستەندىرۋ بەتى اشىلادى، وندا ماب-تا تىركەلگەن تەلەفون ءنومىرىن جانە SMS-كودتى ەنگىزۋ قاجەت. ەنگىزگەننەن كەيىن جەكە باسىن راستاپ، (Digital ID جاساۋ)،"باستاۋ" باتىرماسىن باسۋ قاجەت»;

سىزگە سەلفي سۋرەتىن قوسۋ تەرەزەسى اشىلادى. بەت-الپەتىڭىزدى ورتاداعى شەڭبەرگە "ورنالاستىرىپ"، فوتو بەلگىسىنە باسىڭىز. سەلفي قوسقاننان كەيىن بەينە سايكەستەندىرۋدى ءوتۋ ءۇشىن "جالعاستىرۋ" تۇيمەسىن باسىڭىز;

ءارى قاراي سىزگە بەينەسايكەستەندىرۋ تەرەزەسى اشىلادى، وندا "باستاۋ" تۇيمەسىن باسۋ كەرەك. بەينەسايكەستەندىرۋ ءساتتى وتكەننەن كەيىن اككاۋنتقا ءارى قاراي كىرۋ ءۇشىن PIN-كودتى ويلاپ تاۋىپ، "PIN-كودتى ورناتۋ" باتىرماسىن باسۋ قاجەت»;

جەكە كۋالىكتىڭ فوتوسۋرەتىن جاساپ، قوسىڭىز نەمەسە فايلدى جۇكتەڭىز جانە قۇپياسوز ارقىلى جەكە كابينەتكە كىرىڭىز;

ەلەكتروندىق مەكەنجايدى ءوتىنىشتىڭ ەلەكتروندىق نۇسقاسىنا قوسىڭىز جانە كىلتتى ساقتاۋ ورنىن تاڭداڭىز، سودان كەيىن ونىڭ ورنالاسقان جەرىن كورسەتە وتىرىپ، ءوتىنىم جىبەرىڭىز;

بۇدان ءارى ەتسق ساقتاۋ ءۇشىن كىلتتەر قويماسىنا جولدى كورسەتىڭىز (پاپكانى تاڭداڭىز) جانە " اشۋ " باتىرماسىن باسىڭىز».

ەتسق-دا قۇپياسوز ويلاپ تابىڭىز جانە ەنگىزىڭىز جانە "سەرتيفيكاتتاردى جۇكتەۋ" باتىرماسىن باسىڭىز.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز