ايماقتار • 18 قاڭتار، 2021

شىمكەنت «كundelik.kz» جۇيەسىن قولدانۋدا رەسپۋبليكادا ءبىرىنشى ورىندا

2137 رەت كورسەتىلدى

قر بعم تاراپىنان ەندىرىلگەن «Kundelik.kz» ەلەكتروندى جۋرنالدار اقپاراتتىق جۇيەسىندە شىمكەنت قالاسى «التىن بەلگى» جۇلدەسىمەن ماراپاتتالدى. ماراپاتتى «Kundelik.kz» جشس ديرەكتورى مارات يششانوۆ قالا اكىمى مۇرات ايتەنوۆكە تابىستادى، دەپ حابارلايدى Egemen.kz

–مۇنداي جەتىستىككە ءبىلىم باسقارماسىنىڭ، مۇعالىمدەردىڭ جانە اتا-انالاردىڭ بەلسەندىلىگىنىڭ ارقاسىندا قول جەتكىزىپ وتىرمىز. ەلەكتروندى قۇجاتتاردى قولدانۋ جانە جەتىك مەڭگەرۋ زامان تالابى. قاشىقتان ءبىلىم بەرۋدە ءبىزدىڭ ۇستازدارىمىز وزدەرىنىڭ ءبىلىمى مەن بىلىكتىلىگىن كورسەتىپ قانا قويماي، رەسپۋبليكادا ۇزدىك ەكەندىگىن دالەلدەدى، - دەدى قالا اكىمى.

ماراپاتتاۋ راسىمىندە ءبىلىم باسقارماسى باسشىسى جانات تاجيەۆا قالا اكىمى مۇرات دۇيسەنبەك ۇلىنا مەكتەپتەردى كومپيۋتەرمەن جابدىقتاۋدا جانە قالاداعى مەكتەپتەر مەن ەلدى مەكەندەردى ساپالى ينتەرنەتپەن قامتۋدى ءجىتى ءمان بەرگەنى ءۇشىن راقمەتىن ايتتى.

Kundelik.kz ەلەكتروندى جۋرنال جۇيەسى 2016 جىلدان ءوزارا كەلىسىمشارت نەگىزىندە مەملەكەتتىك-جەكەشەلىك سەرىكتەستىك اياسىندا جۇمىس اتقارىپ كەلەدى. ەلدەگى ىندەتكە بايلانىستى قاشىقتان ءبىلىم بەرۋدە ەلەكتروندى جۋرنالدىڭ ماڭىزدىلىعى ارتتى. بيىل العاش رەت 2020-2021 وقۋ جىلىنىڭ ءبىرىنشى جارتىجىلدىعى قورىتىندىلانىپ، ەلەكتروندىق جۋرنالدىڭ ەڭ بەلسەندى پايدالانۋشىلارى ماراپاتتالدى.

«كۇندەلىك» اۆتوماتتاندىرىلعان اقپاراتتىق جۇيەسى شىمكەنت قالاسىنىڭ مەكتەپتەرىندەگى رەسمي قۇجات بولىپ تابىلادى. قازىرگى تاڭدا بۇل جۇيەگە قالاداعى 151 مەكتەپ قوسىلعان. ەلەكتروندى قۇجاتتى 20 003 مۇعالىم ساپالى جانە ۋاقتىلى تولتىرىپ، بەلسەندىلىك تانىتقان.

ايتا وتسەك، شىمكەنتتە ءىىى توقساندى ءبىتىرۋشى سىنىپتا «كەزەكشى سىنىپتار» قاعيداتى بويىنشا 9 سىنىپتا 16 226 وقۋشى، 11 سىنىپتا 9 584 وقۋشى ءبىلىم الۋدا. وقۋشىلار ورىس ءتىلى مەن ادەبيەتى، قازاق ءتىلى مەن ادەبيەتى، شەت ءتىلى، الگەبرا، گەومەتريا، فيزيكا، حيميا، بيولوگيا، گەوگرافيا، قازاقستان تاريحى جانە دۇنيەجۇزى تاريحى ساباقتارىنا قاتىسادى

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

ۇقساس جاڭالىقتار