قاتىسۋشىنىڭ ايتۋىنشا, ەرىكتىلەرگە جارتى ميلليون تەڭگە مولشەرىندە ساقتاندىرۋ تولەنەتىنى ايتىلعان. سەرتيفيكاتقا سايكەس, سىناق سۋبەكتىسىندە ۆاكتسيناتسيا سالدارعاننان I, II, III توپتاعى مۇگەدەكتىك نەمەسە ءولىم جاعدايى تىركەلسە تولەماقى بەرىلەدى. ساقتاندىرۋ 180 كۇنگە (6 اي) جارامدى.
Qazسovid-in قازاقستاندىق ۆاكتسيناسىن كلينيكالىق زەرتتەۋ III كەزەڭنەن تۇرادى جانە وعان 3 مىڭ ادام قاتىسادى. ەرىكتىلەر الماتى مەن تاراز قالالارىندا قابىلداندى.
ۆاكتسينا سالۋدىڭ ەكى كەزەڭى بار: ءبىرىنشى دوزانى 1-كۇنى, ەكىنشى دوزانى – 21-كۇنى سالادى.
Qazسovid-in يناكتيۆتەندىرىلگەن ۆاكتسيناسىن ازىرلەۋمەن بيولوگيالىق قاۋىپسىزدىك پروبلەمالارىنىڭ عىلىمي-زەرتتەۋ ينستيتۋتى وتكەن جىلدىڭ ناۋرىز ايىنىڭ سوڭىنان باستاپ اينالىسادى. تامىز ايىندا دۇنيەجۇزىلىك دەنساۋلىق ساقتاۋ ۇيىمى (دسۇ) قازاقستاندىق كوروناۆيرۋسقا قارسى ۆاكتسينانى كلينيكالىق سىناققا جىبەرىلگەن ۆاكتسينالار تىزىمىنە رەسمي تۇردە ەنگىزگەنى بەلگىلى بولدى. قازىر كلينيكالىق سىناقتىڭ III كەزەڭى ءوتىپ جاتىر.
ايتا كەتەيىك, بۇل ۆاكتسينانى ءبىلىم جانە عىلىم ءمينيسترى اسحات ايماعامبەتوۆ, جامبىل وبلىسىنىڭ اكىمى بەردىبەك ساپارباەۆ جانە پرەزيدەنتتىڭ كومەكشىسى ەرلان قارين سالدىرعان بولاتىن.
