ادەبيەت • 18 قاڭتار، 2021

قوستانايدا سيرەك كىتاپتار كورمەسى اشىلدى

51 رەت كورسەتىلدى

قوستانايداعى وبلىستىق كىتاپحانادا ءوڭىر تاريحىنان سىر شەرتەتىن سيرەك كىتاپتار كورمەسى اشىلدى. كوپشىلىك وقىرمان نازارىنا ۇسىنىلعان ەرەكشە ەكسپوزيتسياعا 19 عاسىردا جارىق كورگەن كونە كىتاپتار دا قويىلعان، دەپ حابارلايدى Egemen.kz.

كورمەدەگى كونە كىتاپتاردىڭ قاي-قايسى دا ءوزىنىڭ تاريحي قۇندىلىعىمەن ەرەكشەلەنەدى. ولاردىڭ قاتارىندا ا.كاۋفماننىڭ قازاقستاننىڭ سولتۇستىك ايماقتارىنا ىشكى رەسەيدەن كەلىپ قونىستانىپ جاتقان شارۋالاردىڭ تۇرمىس-جاعدايى تۋرالى ەسەپتەرى، س.برايننىڭ «امانگەلدى يمانوۆ – قازاقستانداعى 1916 جىلعى كوتەرىلىستىڭ كوسەمى»،  ي.گرۋشيننىڭ «جيلياەۆ كوتەرىلىسىنىڭ تاريحى» اتتى ەڭبەكتەرى، ۆ.مالەنحوۆ باستاعان اۆتورلاردىڭ «قوستاناي قالاسىنىڭ پايدا بولۋى» اتتى جيناعى بار.

«كورمەدەگى ەڭ كونە كىتاپ الەكساندر كاۋفماننىڭ 1897 جىلى جارىققا شىققان «تورعاي وبلىسىنا قونىس اۋدارۋشى-جالشىلار» دەپ اتالاتىن ەڭبەگى. مۇندا قونىس اۋدارۋشىلاردىڭ شارۋاشىلىق تۇرمىسى، ولاردىڭ جەرگىلىكتى تۇرعىندارمەن قارىم-قاتىناسى جونىندە باياندالعان. اۆتور وبلىسىمىزداعى كوپتەگەن ەتنونيمدەردىڭ پايدا بولۋ سەبەپتەرى تۋرالى زەرتتەۋلەر جۇرگىزگەن»، - دەدى وبلىستىق كىتاپحاناداعى سيرەك كىتاپتار مۋزەيىنىڭ مەڭگەرۋشىسى گۇلشارا ومىرعاليەۆا.   

ا

مۋزەي مەڭگەرۋشىسىنىڭ سوزىنشە، كىتاپحانا مۇنداي قۇندى كىتاپتاردىڭ ءبىرازىن كەزىندە جەكە تۇرعىندار مەن بۋكينيستىك دۇكەندەردەن ساتىپ السا، كەيبىرەۋلەرىن قالا تۇرعىندارىنىڭ وزدەرى اكەلىپ تاپسىرعان. سيرەك كىتاپتار كورمەسىنە 19-عاسىردان قازىرگى كەزەڭگە دەيىنگى ءوڭىر شەجىرەسىن باياندايتىن 30 شاقتى كىتاپ قويىلعان. كەيبىر كىتاپتار كورمە سورەسىنە تۇڭعىش رەت قويىلىپ وتىر. مۇنداي كىتاپتاردىڭ قاتارىندا ۇلى اعارتۋشى ىبىراي ءالتىنساريننىڭ 180 جىلدىعىنا ارنالعان بىرنەشە ەڭبەك بار.

«وسى كورمە ارقىلى بيىل ءبىرىنشى رەت بەلگىلى ۇستاز ءا.سىدىقوۆتىڭ ورىس تىلىندە جازىلعان «ىبىراي ءالتىنساريننىڭ پەداگوگيكالىق يدەيالارى مەن اعارتۋشىلىق قىزمەتى» اتتى ەڭبەگى وقىرمان نازارىنا ۇسىنىلىپ وتىر. ءامىرجان سىدىقوۆ ىبىراي اتامىزدىڭ پەداگوگيكالىق قىزمەتىنە العاشقىلاردىڭ ءبىرى بولىپ نازار اۋدارىپ، اعارتۋشىلىق قىزمەتىن زەرتتەي باستاعانىن ايتا كەتكەن ءجون»، - دەدى مۋزەي مەڭگەرۋشىسى.

ۆ

كورمەدەگى سيرەك كىتاپتاردى سىرتتاي تاماشالاپ قانا قويماي، كىتاپحانادا وتىرىپ، وقىپ، مازمۇنىنا ۇڭىلۋگە رۇقسات ەتىلگەن. ۇيىمداستىرۋشىلاردىڭ ايتۋىنشا، كىتاپحاناداعى كورمە جىلدىڭ سوڭىنا دەيىن تۇرادى. كورمە ماتەريالدارىمەن كىتاپحانا سايتى ارقىلى تانىسۋعا دا بولادى.           

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار