ەلوردا • 18 قاڭتار، 2021

ەلوردادا 18 قاڭتاردان باستاپ كافەلەر مەن مەيرامحانالار قالاي جۇمىس ىستەيدى

44 رەت كورسەتىلدى

نۇر-سۇلتان قالاسىندا شەكتەۋ جانە كارانتين شارالارى تۋرالى قاۋلى 18 قاڭتاردان باستاپ كۇشىنە ەنەدى، دەپ حابارلايدى Egemen.kz اكىمدىكتىڭ رەسمي سايتىنا سىلتەمە جاساپ.

نۇر-سۇلتان قالاسىنىڭ باس سانيتارلىق دارىگەرى سارحات بەيسەنوۆانىڭ قاۋلىسىنا سايكەس، ەلوردا تۇرعىندارى اراسىندا كوروناۆيرۋس ينفەكتسياسى اۋرۋلارىنىڭ كوبەيۋىنە بايلانىستى سوو مەن قوعامدىق تاماقتانۋ وبەكتىلەرى شەكتەۋ شارالارىن قاتاڭ ساقتاعان جاعدايدا عانا جۇمىس ىستەيتىن بولادى.

ساۋدا-ويىن-ساۋىق ورتالىقتارىنىڭ، ساۋدا ۇيلەرىنىڭ، ساۋدا ورتالىقتارىنىڭ جۇمىسىن كۇشەيتىلگەن سانيتاريالىق-ەپيدەمياعا قارسى، سانيتاريالىق-پروفيلاكتيكالىق ءىس-شارالاردى ساقتاي وتىرىپ، جوبالىق قۋاتتىڭ 30%-نان اسپايتىن تولىمدىلىعىن ساقتاعان كەزدە، رەكرەاتسيا ايماقتارىندا جانە دەمالىس ارالدارىندا ساتىپ الۋشىلاردىڭ بولۋىن قوسپاعاندا، وسى قاۋلىدا بەلگىلەنگەن جۇمىس ۋاقىتى وتكەننەن كەيىن ساتىپ الۋشىلاردىڭ ساۋدا زالىندا بولۋىنا تىيىم سالۋمەن جۇمىس كۇندەرى ساعات 10:00-دەن 22:00-گە دەيىن جۇمىس كەستەسىن بەلگىلەي وتىرىپ جانە دەمالىس كۇندەرى (ولاردا ورنالاسقان ءدارىحانالار جانە تاماق ونىمدەرى مەن ءبىرىنشى قاجەتتىلىكتەگى زاتتاردى ساتاتىنشاعىن ماركەتتەردى، سۋپەرماركەتتەردى جانە گيپەرماركەتتەردى قوسپاعاندا) جۇمىستارىنا تىيىم سالۋمەن ۇيىمداستىرۋ.

فۋدكورتتاردىڭ جۇمىسى تەك وزدىگىنەن الىپ كەتۋدى قوسپاعاندا، كۋرەرلىك جەتكىزۋگە عانا رۇقسات ەتىلەدى.

قوعامدىق تاماقتانۋ وبەكتىلەرىنىڭ جۇمىسىن (مەيرامحانالار، ءدامحانالار، بارلار، اسحانالار) ورنالاسقان جەرىنە قاراماستان، جۇمىس ۋاقىتى اياقتالعاننان كەيىن زالدا كەلۋشىلەردىڭ بولۋىنا تىيىم سالا وتىرىپ، جۇمىس كۇندەرى جانە دەمالىس كۇندەرى ساعات 07:00-دەن 20:00-گە دەيىن جۇمىس كەستەسىن بەلگىلەي وتىرىپ، ونىڭ ىشىندەگى 30 وتىراتىن ورىننان اسپايتىن تولتىرۋ شارتتارى ساقتالعان كەزدە جول بەرىلەدى. بۇل رەتتە ۇجىمدىق، سالتاناتتى، وتباسىلىق، ەسكە الۋ (بانكەتتەر، ۇيلەنۋ تويلارى، مەرەيتويلار، ەسكە الۋ) جانە باسقا دا بۇقارالىق ءىس-شارالاردى وتكىزۋگە قاتاڭ تىيىم سالىنادى. كارانتيندىك جانە شەكتەۋ شارالارىن بۇزۋ فاكتىسى ورىن العان كەزدە جۇمىستارىنا تىيىم سالۋدى قامتاماسىز ەتىلەدى.

سونىمەن قاتار بيليارد، كاراوكە، بوۋلينگ-ورتالىقتار، باتۋتتار، كومپيۋتەرلىك كلۋبتار، تۇنگى كلۋبتار، بۋكمەكەرلىك كەڭسەلەر مەن ويىن كلۋبتارى، ونىڭ ىشىندە لوتەرەيالار ۇتىسى، جابىق عيماراتتارداعى ويىن الاڭدارى مەن اتتراكتسيوندارىنىڭ جۇمىسىنا تىيىم سالىنباق.

ايتا كەتەيىك، ەلوردا كوروناۆيرۋس بويىنشا «قىزىل» ايماققا ەندى. بۇعان دەيىن حابارلانعانداي، ەپيدەميولوگيالىق جاعدايعا بايلانىستى جانە نۇر-سۇلتان قالاسى باس سانيتارلىق دارىگەرىنىڭ قاۋلىسىنا سايكەس، بيىل كرەششەنيە مەرەكەسىنە ارنالعان ويىقتاردا ءداستۇرلى جاپپاي شومىلۋ وتكىزىلمەيدى.

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار