وقيعا • 18 قاڭتار، 2021

ءبىر ادام قايتىس بولعان: قوستاناي وبلىسىندا تۇرعىن ءۇي ورتەنىپ كەتتى

87 رەت كورسەتىلدى

قوستاناي وبلىسىنىڭ قارابالىق اۋىلىندا جەر ءۇي ورتەنىپ، ءبىر ادام كوز جۇمدى، دەپ حابارلايدى Egemen.kz قوستاناي وبلىسىنىڭ تجد قوعاممەن بايلانىس توبىنا سىلتەمە جاساپ.

 

وقيعا قارابالىق اۋىلىنىڭ تيتوۆ كوشەسىندەگە ۇيدە بولعان. اۋداندىق № 11 ءورت ءسوندىرۋ بولىمىنە حابارلاما كەلىپ تۇسكەن. كورشىلەرىنىڭ حابارلاۋىنشا، 1953 جىلى تۋعان زەينەتكەردىڭ ۇيىنەن ءورت شىققان.

«پەشتىڭ جانىنداعى ءۇي زاتتارى ورتەنگەن، باستاپقىدا 8 شارشى مەتر اۋماقتا توبە تاقتايشالارى جانعان، ءورت وشاعى تەز تارالىپ، ءۇيدىڭ ەكىنشى جارتىسىنا تارالۋ قاۋپى ءتوندى. سوندىقتان ءورت سوندىرۋشىلەر وتتى مەيلىنشە تەز اۋىزدىقتاۋعا ەكى ءادىستى پايدالاندى. ءبىرىنشى توپ تىكەلەي ءورت وشاعىن سوندىرسە، ەكىنشىسى ءۇي ماڭىنداعى قۇرىلىس نىساندارىنداعى جالىندى اۋىزدىقتادى. ءۇي يەسىنىڭ 1974 جىلى تۋعان ۇلى ءورت تاراعان بولمەدە قالىپ قويعان. ونىڭ ەكىنشى توپتاعى مۇگەدەكتىگى بار ەكەنى انىقتالدى. گاز-تۇتىننەن قورعاۋ قىزمەتى ەر ادامدى دارىگەرلەرگە تاپسىردى. الايدا ول ورتالىق اۋداندىق اۋرۋحانانىڭ جانساقتاۋ بولىمىندە جان تاپسىردى»، دەلىنگەن ۆەدومستۆونىڭ اقپاراتىندا.

قوستاناي وبلىسىنىڭ تجد پەش جانە ەلەكتر تەحنيكالارىن قاراۋسىز قالدىرماۋعا شاقىرادى. قاۋىپسىزدىك ەرەجەلەرىنە سايكەس تەز جاناتىن قۇرىلىس جانە تۇرمىس زاتتارىن پەشكە جاقىن ورنالاستىرۋعا تىيىم سالىنعان.



سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار