«بەلارۋستەگى قازىرگى جاعداي, سونداي-اق ۇكىمەتتىڭ ساياساتى, دەمونسترانتتارمەن قارىم-قاتىناس جانە بەلارۋستەگى ادام قۇقىقتارىنىڭ بۇزىلۋى Liqui Moly-ءدىڭ سەنىمى مەن قۇندىلىقتارىنا قايشى كەلەدى. وسى سەبەپتى ەگەر IIHF كوميتەتى بەلارۋستە جارىستار وتكىزۋ تۋرالى شەشىم قابىلداسا, كومپانيا شايبالى حوككەيدەن الەم چەمپيوناتىنا دەمەۋشىلىك كورسەتۋدەن باس تارتادى», دەدى نەمىس كومپانياسىنىڭ وكىلدەرى.
ء«بىز 28 جىل بويى IIHF الەم چەمپيوناتتارىنىڭ سەرىكتەسى بولعانىمىزدى ماقتان تۇتامىز. بىراق ءبىز ادام قۇقىقتارىن قۇرمەتتەيمىز جانە قولدايمىز. سوندىقتان Skoda جارىس بەلارۋستە وتەتىنى راستالسا, 2021 جىلعى شايبالى حوككەيدەن الەم چەمپيوناتىنا دەمەۋشىلىكتەن باس تارتادى», دەلىنگەن ءاۆتووندىرۋشىنىڭ حابارلاماسىندا.
Nivea كومپانياسىنىڭ وكىلدەرى دە وسىنداي مالىمدەمە جاسادى.
2017 جىلى قابىلدانعان حالىقارالىق حوككەي فەدەراتسياسىنىڭ (IIHF) شەشىمى بويىنشا 2021 جىلعى الەم چەمپيوناتى مينسك پەن ريگادا 21 مامىردان 6 ماۋسىمعا دەيىن ءوتۋى كەرەك ەدى.
الايدا بەلارۋستەرى ساياسي جاعدايعا جانە بەلارۋس دەنساۋلىق ساقتاۋ مينيسترلىگىنىڭ COVID-19 تۋرالى جالعان ستاتيستيكا بەرگەنىنە كۇدىكتەنۋىنە بايلانىستى ەۋروپانىڭ بىرقاتار ەلى بەلارۋستە جارىس وتكىزۋگە قارسى شىقتى.
