وبلىسقا جۇمىس ساپارىمەن كەلگەن دەنساۋلىق ساقتاۋ ءمينيسترى ساليدات قايىربەكوۆا «100 اۋرۋحانا, 100 مەكتەپ» مەملەكەتتىك باعدارلاماسى اياسىندا سالىنعان 300 كەرەۋەتتىك وبلىستىق اۋرۋحانانىڭ اشىلۋ سالتاناتىنا قاتىسىپ, ءسوز سويلەدى. ول ەلباسىنىڭ حالىقتىڭ ءومىر ءسۇرۋ دەڭگەيىن جاقسارتۋعا, دەنساۋلىعىن نىعايتۋعا ۇدايى قولداۋ جاساپ وتىراتىنىن تىلگە تيەك ەتە كەلىپ, مۇندا جۇمىس ىستەيتىن دارىگەرلەردىڭ بىلىكتى مامان بولۋلارى قاجەتتىگىنە نازار اۋداردى. ءار دارىگەردىڭ ءوزىنىڭ كاسىبي شەبەرلىگىن جەتىلدىرۋ, مەديتسينالىق قىزمەت ساپاسىن ارتتىرۋ سياقتى وزەكتى ماسەلەلەرگە توقتالدى.
وبلىسقا جۇمىس ساپارىمەن كەلگەن دەنساۋلىق ساقتاۋ ءمينيسترى ساليدات قايىربەكوۆا «100 اۋرۋحانا, 100 مەكتەپ» مەملەكەتتىك باعدارلاماسى اياسىندا سالىنعان 300 كەرەۋەتتىك وبلىستىق اۋرۋحانانىڭ اشىلۋ سالتاناتىنا قاتىسىپ, ءسوز سويلەدى. ول ەلباسىنىڭ حالىقتىڭ ءومىر ءسۇرۋ دەڭگەيىن جاقسارتۋعا, دەنساۋلىعىن نىعايتۋعا ۇدايى قولداۋ جاساپ وتىراتىنىن تىلگە تيەك ەتە كەلىپ, مۇندا جۇمىس ىستەيتىن دارىگەرلەردىڭ بىلىكتى مامان بولۋلارى قاجەتتىگىنە نازار اۋداردى. ءار دارىگەردىڭ ءوزىنىڭ كاسىبي شەبەرلىگىن جەتىلدىرۋ, مەديتسينالىق قىزمەت ساپاسىن ارتتىرۋ سياقتى وزەكتى ماسەلەلەرگە توقتالدى.
جاڭا اۋرۋحانانىڭ اشىلۋىمەن قۇتتىقتاعان ءوڭىر باسشىسى ارحيمەد مۇحامبەتوۆ ءوڭىردىڭ دەنساۋلىق ساقتاۋ سالاسىنداعى وڭ وزگەرىستەردى اتاپ ءوتتى. ول 2013 جىلى پايدالانۋعا بەرىلگەن 12 مەديتسينالىق نىسانعا 2,7 ميلليارد تەڭگە بولىنگەنىن, سونىڭ ناتيجەسىندە وبلىس ورتالىعىندا اۋىسىمىنا 500 سىرقات, ال شۇبارقۇدىق كەنتىندە 200 اۋرۋ قابىلدايتىن ەمحانالار, 9 دارىگەرلىك امبۋلاتوريالار جانە وسى 300 كەرەۋەتتىك وبلىستىق اۋرۋحانا پايدالانۋعا بەرىلىپ وتىرعانىن جەتكىزدى. بيىل «ديپلوممەن – اۋىلعا!» باعدارلاماسى بويىنشا اۋىلدىق جەرلەرگە بارعان 30 جاس دارىگەرگە قوماقتى قارجى بولىنگەن.
جاڭا وبلىستىق اۋرۋحانا ءوزارا بايلانىسقان 4 بلوكتان تۇرادى. عيماراتتىڭ جالپى كولەمى 65 مىڭ شارشى مەتردى الىپ جاتىر. جوبا قۇنى – 11,8 ميلليارد تەڭگە. كوپ سالالى ستاتسيونار وبلىستىڭ ەرەسەك تۇرعىندارىنا ءارتۇرلى اۋرۋلار جانە اۋىتقۋلارعا قارسى كەشەندى تۇردە جوعارى ساپالى مەديتسينالىق كومەك كورسەتەدى. اۋرۋحانا قۇرامىندا 20-دان استام ەمدەۋ-دياگنوستيكالىق بولىمشەلەر بار. ولاردا ەمدەلۋشىلەر تەراپەۆتىك, كارديولوگيالىق, كارديوحيرۋرگيالىق, حيرۋرگيالىق, تراۆماتولوگيالىق جانە نەفرولوگيا سالالارى بويىنشا ەم الا الادى. ستاتسيونار كەڭ كولەمدە حيرۋرگيالىق كومەك كورسەتۋگە ارنالعان. وندا ەندوۆيدەوحيرۋرگيا قولدانىلا وتىرىپ, از ءينۆازيۆتى وپەراتسيالار جاسالاتىن, وپەراتسيادان كەيىنگى كەزەڭدى قىسقارتۋعا مۇمكىندىك بەرەتىن تامىر حيرۋرگياسى, نەيروحيرۋرگيا بولىمشەلەرى بار.
اۋرۋحانا الەمنىڭ مەديتسينا تەحنيكالارىن شىعاراتىن جەتەكشى ءوندىرىس ورىندارىنىڭ زاماناۋي ستاندارتتارعا ءسايكەس دياگنوستيكالىق جانە ەمدەۋ قۇرالدارىمەن جاراقتاندىرىلعان. كومپيۋتەرلىك جانە ماگنيتتىك-رەزونانستىق توموگرافتار, انگيوگراف, قازىرگى زامانعى ۋلترادىبىستىق سكانەرلەر, «جاساندى بۇيرەك», «جاساندى باۋىر» اپپاراتتارى جانە باروكامەرالارىمەن قامتاماسىز ەتىلگەن. ەمدەۋ ورنى ارنايى مەديتسينالىق گاز بەرۋ جۇيەسىمەن جاراقتالعان جانە اباكتەريالدىق ورتا جاعدايىن قامتاماسىز ەتەتىن تازا بولمەلەرمەن قامتىلعان. اۋرۋحانادا ەۋروپا ەلدەرىندە, رەسەيدە, وڭتۇستىك كورەيادا بىلىكتىلىگىن جەتىلدىرگەن جوعارى ساناتتاعى مەديتسينالىق جانە عىلىمي قىزمەتكەرلەر جۇمىس جاسايدى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
