الماتى قالاسىنداعى «جاس وتاۋ» نەكە سارايىنىڭ ديرەكتورى ءاليا تۇتقىشەۆانىڭ م ۇلىكتەرى تاركىلەنىپ, 7 جىلعا باس بوستاندىعىنان ايىرىلدى. بۇل تۋرالى Tengrinews.kz حابارلادى.
ءا. تۇتقىشەۆانىڭ بۇرىنعى ارىپتەسى نازىم مامىرحانوۆانىڭ دا مۇلكى تاركىلەنىپ, 7 جىلعا تۋزەتۋ كولونياسىندا وتىراتىن بولدى. سوت ەكەۋىنەن «جاس وتاۋ» جشس پايداسىنا 105 ملن. تەڭگە تولەم وندىرۋگە قاۋلى شىعاردى. مۇنان وزگە ولار 1 ملن. تەڭگە كولەمىندە باج سالىعى مەن ساراپتاما جۇرگىزۋگە جۇمسالعان 100 مىڭ تەڭگەگە جۋىق اقشانى قايتارادى. ال ءۇشىنشى سوتتالۋشى عاليا تۇتقىشەۆا ۋاقىتشا وقشاۋلاعىشتا 1 جىل وتىرۋى سەبەپتى ق ۇلىپ استىنان بوساتۋ جونىندە قاۋلى قابىلداندى. «سوت شەشىمىنە كەلىسپەيمىز. سوندىقتان ءبىز بەلگىلەنگەن مەرزىم ىشىندە الماتى قالالىق سوتىنا شاعىم تۇسىرەتىن بولامىز»,-دەيدى ن. مامىرحانوۆانىڭ ادۆوكاتى ايان قارىمحانوۆ.
سوت پروتسەسى كەزىندە ءاليا تۇتقىشەۆا مەن ونىڭ قاراماعىنداعى ەكى قىزمەتكەر – مەملەكەتتىك مەكەمەنىڭ باس مامانى عاليا تۇتقىشەۆا مەن بۋحگالتەر نازىم مامىرحانوۆاعا 157 ملن. تەڭگە كولەمىندە اقشا جىمقىردى دەگەن ايىپ تاعىلىپ, مويىندارىنا قويىلدى. ءا. تۇتقىشەۆا سوت شەشىمى شىققانعا دەيىن ۇيقاماقتا وتىرعان. قالعان ەكەۋى ۋاقىتشا وقشاۋلاعىش اباقتىسىنا قامالعان. بىراق, ۇشەۋى دە وزدەرىنە تاعىلعان ايىپتى مويىنداماي وتىر.
باقىتبەك كەنەش ۇلى.
دەرەككوز: Tengrinews.kz
