الەم • 15 قاڭتار، 2021

ماسكەۋگە جەتكىزىلگەن 10 ميلليونعا جۋىق مەديتسينالىق قولعاپ قولدانىلعان بولىپ شىقتى

243 رەت كورسەتىلدى

ماسكەۋگە كوروناۆيرۋستان قورعاۋعا ارنالعان 10 ميلليونعا جۋىق قولدانىلعان مەديتسينالىق قولعاپتى جەتكىزۋ فاكتىسى بويىنشا قىلمىستىق ءىس قوزعالدى، دەپ حابارلايدى Egemen.kz

بۇل تۋرالى ماسكەۋلىك پروكۋراتۋرانىڭ ءباسپاسوز قىزمەتى ءمالىم ەتتى، دەپ حابارلايدى قازاقپارات تاسس اگەنتتىگىنە سىلتەمە جاساپ. اگەنتتىكتىڭ حابارلاۋىنشا، شەتەلدىك كومپانيا مەن جاڭا ماسكەۋدەگى كوممەرتسيالىق ۇيىم اراسىندا كەلىسىمشارت جاسالعان.

وعان سايكەس كومپانيا رەسەيدە ساتۋ ءۇشىن ءبىر رەتتىك ءۆينيلدى قولعاپتاردى جەتكىزۋى ءتيىس بولعان. پروكۋراتۋرا مالىمدەمەسىندە كەدەندىك دەكلاراتسيالار نەگىزىندە 9،9 ميلليوننان استام ءبىر رەت قولدانىلاتىن قولعاپ جەتكىزىلگەنى ايتىلعان.

سونداي-اق، ونىمدەر مالىمدەلگەن ساپاعا سايكەس كەلمەيتىنى انىقتالدى، قولعاپتار بۇرىن قولدانىلعان بولىپ شىقتى.

پروكۋرورلىق تەكسەرۋ ماتەريالدارى تەرگەۋ ورگاندارىنا جىبەرىلدى. رف قك 30-بابىنىڭ 3-تارماعى، 236-بابىنىڭ 1- تارماعى (سانيتارلىق-ەپيدەميولوگيالىق ەرەجەلەردى بۇزۋعا ارەكەت جاساۋ) بويىنشا قىلمىستىق ءىس قوزعالدى. پروكۋراتۋرا تەرگەۋ ناتيجەلەرىن باقىلاۋعا الدى.



سوڭعى جاڭالىقتار

ۇقساس جاڭالىقتار