ەكولوگيا • 15 قاڭتار، 2021

التىن ەمەل ۇلتتىق پاركىنە ينۆەستوردى انىقتاۋعا اشىق بايقاۋ جاريالاندى

11 رەت كورسەتىلدى

الماتى قالاسىندا «كولساي كولدەرى»، «التىن ەمەل» جانە شارىن مەملەكەتتىك ۇلتتىق تابيعي پاركتەرىنىڭ  قوعامدىق كەڭەستەرى ەكولوگيالىق ءتۋريزمدى دامىتۋدىڭ تۇجىرىمدامالارى بويىنشا بىرلەسكەن جينالىس وتكىزدى، دەپ حابارلايدى Egemen.kz

سەبەبى ۇلتتىق پاركتەردىڭ رەكرەاتسيالىق اۋماقتاعى جەرلەرىندە ەكوتۋريزمدى دامىتۋ ماقساتىندا، ەرەجەگە سايكەس، تەندەرلىك قۇجات جوباسى الدىن الا تالقىلانىپ، بايقاۋ اشىق جاريالانۋى ءتيىس.

جيىندى اشقان قر ەكولوگيا، گەولوگيا جانە تابيعي رەسۋرستار ءمينيسترىنىڭ ورىنباسارى ەرلان نىسانباەۆ ۆەدومستۆو پرەزيدەنت تاپسىرماسى بويىنشا ەكوتۋريزمدى وركەندەتۋدىڭ كەشەندى شارالارىن جۇزەگە اسىرىپ جاتقانىن ايتتى.

«ەكولوگيالىق ءتۋريزمدى دامىتۋدىڭ تۇجىرىمدامالارى تانىستىرىلىپ، قوعاممەن ماقۇلداندى. وسىعان بايلانىستى قابىلدانعان تۇجىرىمداماعا سايكەس، پاركتەردىڭ باس جوسپارلارىنىڭ ەكوتۋريزم ينفراقۇرىلىمىنا قاتىستى جەرلەرىنە وزگەرىس ەنگىزىلدى»، دەدى ۆيتسە-مينيستر.

ءۇش ۇلتتىق پاركتىڭ باسشىلارى تۇجىرىمداماعا سايكەس جۇزەگە اساتىن ينفراقۇرىلىم جوبالارى تۋرالى باياندادى. ولاردىڭ سوزىنشە، بارلىق پاركتەر اۋماعىندا 2021-2023 جىلدار ارالىعىندا ۆيزيت-ورتالىقتار، گلەمپينگ، كەمپينگتەر، ەتنو-قوناق ۇيلەر، ەتنواۋىلدار، كورۋ الاڭدارىن جانە باسقا دا ينفراقۇرىلىم نىساندارىن سالۋ جوسپارلانعان. بارلىق نىساندار نەگىزگى تابيعي نىساندارعا زيان تيگىزبەس ءۇشىن قاشىقتاۋ جەردە ورنالاسادى.

785

ينۆەستورلارعا ەرەكشە قورعالاتىن اۋماقتار تۋرالى زاڭدى ساقتاۋ، تابيعي نىسانداردى بۇزباي، قورشاعان ورتانى قورعاۋ شارالارىنا باسىمدىق بەرە وتىرىپ جۇمىس ىستەۋ تالابى قويىلادى. تابيعاتقا زيان كەلتىرەتىن شارۋاشىلىققا تىيىم سالىنادى.

سونىمەن بىرگە جيىندا قوعامدىق كەڭەس مۇشەلەرى ەكوتۋريزمدى دامىتۋ جوباسىن جۇزەگە اسىرۋشىلاردىڭ جەرگىلىكتى حالىقپەن تىعىز جۇمىس ىستەۋى تيىستىگى تۋرالى ايتتى.

«ۇلتتىق پاركتەر جانىنداعى قوعامدىق كەڭەستەر قابىلدانعان شەشىمدەردىڭ اشىقتىعىن قامتاماسىز ەتۋ ماقساتىندا قۇرىلدى. سوندىقتان قوعامدىق كەڭەس مۇشەلەرىنىڭ پىكىرى كەز كەلگەن شەشىم قابىلدانعان كەزدە ەسكەرىلەدى. ۇلتتىق پاركتەردىڭ جەرلەرىن تۋريستىك جانە رەكرەاتسيالىق قىزمەتتى جۇزەگە اسىرۋ ماقساتىندا ۇزاق مەرزىمدى پايدالانۋعا بەرۋ بويىنشا قۇرىلعان كونكۋرستىق كوميسسيالار قۇرامىنا دا قوعامدىق كەڭەستەر مۇشەلەرى قوسىلادى»، دەدى ەرلان نىسانباەۆ.

ايتا كەتەيىك، ۇلتتىق پاركتەردە ەكوتۋريزمدى دامىتۋ بويىنشا بايقاۋعا قىزىعۋلىلىق تانىتقان كەز كەلگەن ينۆەستور قاتىسا الادى.

سوڭعى جاڭالىقتار

يتاليادا توعىز جۇلدە الدىق

سپورت • بۇگىن، 10:10

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار