قاۋلىدا ءوڭىر بويىنشا كارانتيندىك شەكتەۋلەر 31 قاڭتارعا دەيىن ۇزارتىلدى. شەكتەۋ شارالارىنىڭ مەرزىمى وبلىس اۋماعىندا COVID-19 ينفەكتسياسىنىڭ تارالۋى بويىنشا احۋالدىڭ وزگەرۋىنە سايكەس قايتا قارالۋى مۇمكىن.
«سانيتاريالىق-دەزينفەكتسيالىق رەجيمدى كۇشەيتە وتىرىپ, ارنايى, مامانداندىرىلعان ۇيىمدار, ەرەكشە قاجەتتىلىگى بار بالالارعا ارنالعان ارنايى مەكتەپ-ينتەرناتتار, جالپى ۇلگىدەگى جانە دارىندى بالالارعا ارنالعان مەكتەپ-ينتەرنات قايتا اشىلادى. مەديتسينالىق ۇيىمداردا, قارتتار مەن مۇمكىندىگى شەكتەۋلى ادامدارعا ارنالعان مەديتسينالىق-الەۋمەتتىك وبەكتىلەردە, بالالار ۇيلەرىندە, الەۋمەتتىك وڭالتۋ ورتالىقتارىندا سانيتاريالىق-دەزينفەكتسيالىق رەجىمدى ساقتاۋ جالعاسادى», دەلىنگەن قۇجاتتا.
ءبىلىم بەرۋ مەكەمەلەرىندە قوعامدىق تاماقتانۋ وبەكتىلەرىنىڭ جۇمىسىنا رۇقسات بەرىلدى. بىراق ونداعى كەلۋشىلەر سانى 30 پايىزدان اسپاۋى ءتيىس.
