قارجى • 15 قاڭتار، 2021

ينۆەستيتسيالىق كىرىستەن بجزق كوميسسياسىنىڭ شەكتى ءمانى 73%-عا تومەندەتىلدى

299 رەت كورسەتىلدى

بجزق كوميسسياسىنىڭ تومەندەتىلگەنى تۋرالى ۇلتتىق بانك حابارلادى، دەپ جازادى Egemen.kz.

قازاقستان ۇلتتىق بانكىنىڭ باستاماسىمەن سالىمشىلاردىڭ مۇددەسى ءۇشىن بجزق كوميسسياسىن تومەندەتۋ ماقساتىندا مەملەكەت باسشىسىنىڭ 2021 جىلعى 2 قاڭتارداعى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەكونوميكالىق ءوسۋدى قالپىنا كەلتىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قول قويعان قازاقستان رەسپۋبليكاسىنىڭ زاڭى اياسىندا ءتيىستى تۇزەتۋلەر ەنگىزىلدى.

بۇل وزگەرىستەر سالىمشىلار ءوز زەينەتاقى جيناقتارىنىڭ ءبىر بولىگىن باسقارۋعا اۋدارا الاتىن بجزق، قازاقستان ۇلتتىق بانكى جانە ينۆەستيتسيالىق پورتفەلدى باسقارۋشىلار اراسىنداعى كوميسسيالىق سىياقىنى ءبولۋدى، سونداي-اق ونىڭ شەكتى مولشەرلەردڭ دەڭگەيىنىڭ تومەندەۋىن كوزدەيدى.

قابىلدانعان تۇزەتۋلەرگە سايكەس، بجزق ءۇشىن تەك زەينەتاقى اكتيۆتەرىنەن كوميسسيا قۇرىلادى. سونىمەن بىرگە كورسەتىلگەن كوميسسيالىق سىياقىنىڭ شەكتى مولشەرى 60%-عا – زەينەتاقى اكتيۆتەرىنەن ايىنا 0،025%-دان 0،01%-عا دەيىن تومەندەتىلدى.
قازاقستان ۇلتتىق بانكى مەن ينۆەستيتسيالىق پورتفەلدى باسقارۋشىلار ءۇشىن شەكتى ماندەردى بەلگىلەي وتىرىپ، ينۆەستيتسيالىق كىرىستەر بويىنشا كوميسسيا قاراستىرىلعان. ينۆەستيتسيالىق كىرىس بويىنشا ناقتى الىنعان كوميسسيا مولشەرى قايتا قارالىپ، جىل سايىن بەلگىلەنىپ وتىرادى.

سونىمەن بىرگە، قازاقستان ۇلتتىق بانكىنىڭ ۇسىنىسىمەن ونىڭ كوميسسيالىق سىياقىنىڭ شەكتى مولشەرى ينۆەستيتسيالىق كىرىستىڭ 73% – 7،5%-دان 2،0% دەيىن تومەندەتىلدى.

ەگەر بۇرىن بجزق ينۆەستيتسيالىق كىرىستەن كوميسسيا العان بولسا، وندا جاڭا تالاپتارعا سايكەس سىياقى تىكەلەي ينۆەستيتسيالىق پورتفەلدى باسقارۋشىعا تۇسەدى. بۇل سالىمشىعا ينۆەستيتسيالىق پورتفەلدى باسقارۋشىنىڭ كوميسسيالىق سىياقىسى باقىلاۋعا مۇمكىندىك بەرىپ، وزىنە ءتيىمدى شارتتاردى تاڭداۋعا جاعداي جاسايدى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز