كەڭەسكە قالا اۋداندارىنىڭ اكىمدەرى، قوعامدىق دەنساۋلىق، كاسىپكەرلىك جانە ينۆەستيتسيالار باسقارمالارىنىڭ باسشىلىعى قاتىستى. كەڭەسكە قالا اۋداندارىنىڭ اكىمدەرى، قوعامدىق دەنساۋلىق، كاسىپكەرلىك جانە ينۆەستيتسيالار باسقارمالارىنىڭ باسشىلىعى قاتىستى.

بۇگىنگى تاڭدا الماتىدا كوروناۆيرۋس ينفەكتسياسىن جۇقتىرۋدىڭ 20 111 جاعدايى تىركەلگەن، بۇل رەتتە سوڭعى تاۋلىكتىڭ وزىندە جۇقتىرۋدىڭ 131 فاكتىسى انىقتالىپ وتىر. 2020 جىلعى جەلتوقسان ايىنىڭ ءبىرىنشى ونكۇندىگىمەن سالىستىرعاندا كوروناۆيرۋستىق ينفەكتسيا بويىنشا سىرقاتتانۋشىلىقتىڭ 1،7 ەسە ءوسۋى تىركەلدى. 2021 جىلدىڭ 1 قاڭتارىنان باستاپ ورتاشا ەسەپپەن 100-دەن 130-عا دەيىن جاعداي تىركەلەدى.

ەڭ كوپ اۋىرعاندار 20-39 جاس ارالىعىندا بايقالادى – 35%، 40-59 جاس ارالىعىندا – 31%. نەگىزگى جۇقتىرۋ ورىندارى قوعامدىق ورىندار (ساۋدا، قوعامدىق تاماقتانۋ نىساندارى) بولىپ تابىلادى – 41%.

2020 جىلدىڭ 8 قازانىنان اعىمداعى جىلدىڭ 14 قاڭتارىنا دەيىن 832 ءىس-شارا وتكىزىلدى، ونىڭ بارىسىندا 6971 نىسان قامتىلدى. تەكسەرۋ قورىتىندىسى بويىنشا 1168 (17%) نىساندا كارانتيندىك شارالاردىڭ بۇزىلۋى انىقتالدى.

قر اقبتك 425-بابى 1-بولىگى شەكتەۋ ءىس-شارالارىن ساقتاماعانى ءۇشىن بارلىعى 1014 اكىمشىلىك قۇقىق بۇزۋشىلىق تۋرالى حاتتاما جاسالدى: زاڭدى تۇلعالارعا – 77 779 140 تەڭگە سوماسىنا 287;

جەكە تۇلعالارعا قاتىستى بەتپەردە رەجيمىن بۇزعانى ءۇشىن قر اقبتك 425-بابى 1-بولىگى بويىنشا 30 294 090 سوماسىنا 727 اكىمشىلىك قۇقىق بۇزۋشىلىق تۋرالى حاتتاما جاسالدى.

سونداي-اق 20 ماتەريال سوتقا بەرىلدى. ءبىر اپتادا ا.ج. 8-14 قاڭتار ارالىعىندا 52 ءىس-شارا وتكىزىلىپ، 476 نىسان قامتىلدى.

ەپيدەميالىق جاعدايدىڭ ودان ءارى ۋشىعۋىنا جول بەرمەۋ ماقساتىندا قالا اكىمىنىڭ ورىنباسارى ەرجان باباقۇماروۆ اۋدان اكىمدىكتەرى جانىنداعى مونيتورينگتىك توپتارعا جۇقتىرۋ قاۋپى جوعارى جەرلەردە، ونىڭ ىشىندە ساۋدا ورتالىقتارىندا، بازارلاردا تەكسەرۋ ءىس-شارالارىن كۇشەيتۋدى تاپسىردى.

قوعامدىق تاماقتانۋ ۇيىمدارى قاتارىنداعى شەكتەۋ شارالارىن «قاساقانا بۇزۋشىلار» ەرەكشە باقىلاۋدا. بۇگىنگى تاڭدا الماتى قالاسىنىڭ مامانداندىرىلعان سوتى كاسىپكەرلەردىڭ 16 نىسانىنا اكىمشىلىك ايىپپۇل سالۋ جانە قىزمەتىن توقتاتۋ تۋرالى شەشىم شىعاردى. بۇل جۇمىس جالعاسۋدا.

قالانىڭ كاسىپكەرلىك جانە ينۆەستيتسيالار باسقارماسى ءوز كەزەگىندە ءتۇسىندىرۋ جۇمىستارىن جۇرگىزەتىن بولادى. ەرجان باباقۇماروۆ كاسىپكەرلىك سۋبەكتىلەرىنىڭ سانيتارلىق-ەپيدەميالىق قاۋىپسىزدىك شارالارىن ساقتاماۋى قىزمەتتى توقتاتۋدان باسقا كەلۋشىلەر مەن پەرسونال قىزمەتكەرلەرىنىڭ جاپپاي جۇقتىرۋىنا اكەلۋى مۇمكىن ەكەنىن اتاپ ءوتتى.

الماتى اكىمدىگى مەنشىك نىسانىنا قاراماستان كاسىپكەرلىك سۋبەكتىلەرىنەن، سونداي-اق مەگاپوليس تۇرعىندارى مەن قوناقتارىنان سانيتارلىق-ەپيدەميالىق قاۋىپسىزدىك شارالارىن بۇزباۋدى سۇرايدى.

بيزنەس سۋبەكتىلەرى، اسىرەسە ساۋدا-ويىن-ساۋىق ورتالىقتارى، ساۋدا ۇيلەرى، ازىق-ت ۇلىكتىك ەمەس دۇكەندەر قالانىڭ باس مەملەكەتتىك سانيتار دارىگەرىنىڭ قاۋلىسىمەن بەلگىلەنگەن بارلىق تالاپتاردىڭ تولىق ورىندالۋىن قامتاماسىز ەتۋى قاجەت:

قىزمەتكەرلەردىڭ بارىنشا قاشىقتىقتان جۇمىس ىستەۋ فورماتىنا اۋىسۋىن قامتاماسىز ەتۋ;

جاۋاپتى ادامعا جۇمىس (اۋىسىم) باستالار الدىندا بايلانىسسىز تەرمومەترلەردى (تەپلوۆيزورلاردى) پايدالانا وتىرىپ، قاعازعا نەمەسە ەلەكتروندى تاسىعىشتاردا تىركەي وتىرىپ، پەرسونالدىڭ كۇن سايىنعى تەرمومەترياسىن جۇرگىزۋ);

رەسپيراتورلىق ينفەكتسيانىڭ كەز كەلگەن بەلگىلەرى (قىزبا، جوتەل، تاماقتىڭ اۋىرۋى، تىنىس الۋدىڭ قيىنداۋى) بار قىزمەتكەرلەردى جۇمىسقا كەلۋىن بولدىرماۋ، سيمپتومدار انىقتالعان نەمەسە پايدا بولعان جاعدايدا جەدەل مەديتسينالىق جاردەم بريگاداسىن شاقىرۋ قاجەت;

پەرسونالدى قولدى وڭدەۋگە ارنالعان ءبىر رەتتىك مەديتسينالىق بەتپەردەلەرمەن، ءبىر رەتتىك قولعاپتارمەن، تەرى انتيسەپتيكتەرىنىڭ قورىمەن قامتاماسىز ەتۋ.

ساۋدا زالدارىندا، كاسسا ايماعىندا كورىنەتىن جانە قولجەتىمدى جەرلەردە، نىسانعا كىرەبەرىستە قولدى دەزينفەكتسيالاۋعا ارنالعان سانيتايزەرلەردىڭ ورناتىلۋىن قاراستىرۋ، كوروناۆيرۋس ينفەكتسياسىنىڭ الدىن الۋ بويىنشا جادىنامالاردى ورنالاستىرۋ;

كەلۋشىلەرگە تەرمومەتريا جۇرگىزۋ;

4 ش. م. الاڭعا 1 ادام ەسەبىنەن كەلۋشىلەر سانىن شەكتەۋدى قامتاماسىز ەتۋ;

ساۋدا زالدارىنا كىرۋگە رۇقسات الەۋمەتتىك بەلگى بولعان جاعدايدا جۇزەگە اسىرىلادى;

عيماراتتاردى دەزينفەكتسيالاۋ، عيماراتتارعا كۇن سايىن ىلعالدى تازالىق جۇمىستارىن جۇرگىزۋ;

COVID-19 كوروناۆيرۋستىق ينفەكتسياسىنىڭ الدىن الۋ جونىندەگى ءىس-شارالاردى ۇيىمداستىرۋعا جانە جۇزەگە اسىرۋعا ساۋدا نىسانىنىڭ اكىمشىلىگى جاۋاپتى بولادى.