قازاقستان • 15 قاڭتار، 2021

وتاندىق بيزنەستى قولداۋ شارالارى ارتاتىن بولادى

175 رەت كورسەتىلدى

بۇگىن قر پرەزيدەنتى قاسىم-جومارت توقاەۆ VII شاقىرىلىمداعى پارلامەنتتىڭ ءبىرىنشى سەسسياسىنىڭ اشىلۋىندا دەپۋتاتتىق كورپۋستىڭ الدىندا تۇرعان نەگىزگى باعىتتاردى ايقىنداپ بەردى، دەپ حابارلايدى Egemen.kz

ء«بىز قاستەرلى تاۋەلسىزدىگىمىزدىڭ 30 جىلدىق مەرەيلى مەجەسىنە قادام باستىق. سونداي-اق، قازىرگى زامانعى قازاقستان پارلامەنتاريزمى شيرەك عاسىرلىق بەلەسكە جەتتى. وسى تاريحي كەزەڭدە سەنىم مانداتىنا يە بولعان دەپۋتاتتار ەل ءۇمىتىن اقتاپ، وتانىمىزعا ادال قىزمەت ەتەدى دەپ كامىل سەنەمىن» دەدى مەملەكەت باسشىسى.

سونىمەن قاتار، مەملەكەت باسشىسى پارلامەنت پالاتالارىنىڭ بىرلەسكەن وتىرىسىندا ساياسي رەفورمالار جۇزەگە اساتىنىن اتاپ ءوتتى.

اتاپ ايتقاندا، ساياسي پارتيالار ءۇشىن ماجىلىسكە كىرۋ شەگىن 7-دەن 5%-عا دەيىن تومەندەتۋ – كوپپارتيالىق جۇيەنىڭ دامۋىنا جانە پارتيالىق جۇيەنىڭ ودان ءارى دامۋىنا ىقپال ەتەتىندىگىن باياندادى.

سونداي-اق، الداعى ۋاقىتتا بارلىق دەڭگەيدەگى سايلاۋدا بيۋللەتەندەرگە «بارىنە قارسى» باعانىنىڭ ەنگىزىلەتىندىگىن جەتكىزدى. جاريالانعان رەفورمالار ادام قۇقىقتارىن قورعاۋعا باعىتتالاتىندىعى انىق.

شاعىن جانە ورتا بيزنەستى قولداۋعا باسا نازار اۋدارۋ قاجەتتىگىن،  بيزنەس جۇرگىزۋ ءۇشىن قولايلى جاعداي جاساۋ باستى مىندەت ەكەندىگىن ايتتى. تۇبەگەيلى جاڭا رەتتەۋشىلىك ساياساتقا نەگىزدەلگەن كاسىپكەرلىكتى قولداۋ تەتىكتەرىن ازىرلەۋ تالاپ ەتىلدى.

ەلىمىزدىڭ ونەركاسىبى يكەمدى جانە قازىرگى وزگەرىستەرگە بەيىم بولۋى كەرەكتىگىن اتاپ، سوندىقتان «ونەركاسىپتىك ساياسات تۋرالى» زاڭ قابىلداۋ وزەكتى بولىپ تابىلاتىنىن جەتكىزدى.

«ونەركاسىپتىك ساياسات تۋرالى» زاڭ اياسىندا وتاندىق بيزنەستى قولداۋ مەن ىنتالاندىرۋدىڭ ناقتى شارالارى، ءتيىمدى تەتىكتەرى قاراستىرىلادى.

سونىمەن قاتار، ەندى الداعى ۋاقىتتا اۋىل اكىمدەرى مەن اۋدان اكىمدەرى سايلاۋ نەگىزىندە تاعايىندالاتىن بولادى. «ەستيتىن مەملەكەت» تۇجىرىمداماسى ودان ءارى جەتىلدىرىلە تۇسەدى. سونداي-اق، جاڭا ستاندارتتارعا ساي، 3500-دەن استام اۋىل تولىق جاڭعىرىپ، ءاربىر اۋىلعا باراتىن جولدار مەن رەسپۋبليكالىق كۇرە جولدار 100 پايىز جوندەلەتىن بولادى.

«رەفورمالاردى ساپالى زاڭدار ارقىلى جۇرگىزۋ – ۇزاق مەرزىمدى جەتىستىككە جەتۋدىڭ باستى شارتى. دامىعان ەل دەگەنىمىز – ەڭ الدىمەن، دەنى ساۋ، ءبىلىمدى جانە باقۋاتتى جۇرت. ءبىز 2025 جىلعا قاراي ءاربىر ازامات ءۇشىن ءتيىمدى ينستيتۋتسيونالدىق جانە ينفراقۇرىلىمدىق ورتا قالىپتاستىرامىز. ەلىمىزدىڭ ۇزاق مەرزىمدى دامۋى ساباقتاستىق، ادىلدىك جانە ورلەۋ قاعيداتتارىنا نەگىزدەلەدى. كوزدەگەن ماقساتقا جەتۋ ءۇشىن بارلىق سالالاردا دايەكتى وزگەرىستەر جاسايمىز»، دەدى قاسىم-جومارت كەمەل ۇلى. 

پرەزيدەنت جاريالاعان باستامالاردى ساپالى تۇردە جۇزەگە اسىرۋدىڭ ماڭىزى ەرەكشە. ولاردىڭ ورىندالۋى ساياسي جۇيەمىزدى ودان ءارى دامىتۋعا، ازاماتتارىمىزدىڭ تولىققاندى دامۋىنا، ءال-اۋقاتىنىڭ ارتۋىنا جانە جايلى تۇرمىسىنا جاعداي جاساۋ بولىپ تابىلادى. ءبىزدىڭ الدىمىزدا تۇرعان اينىماس مەجە ايقىن.

ءبىزدىڭ مىندەت – مەملەكەت باسشىسىنىڭ باستامالارىن ىسكە اسىرا وتىرىپ، ەلىمىزدى دامىعان مەملەكەتتەردىڭ قاتارىنا قوسۋ جولىندا ايانباي ەڭبەك ەتىپ، كەشەندى شارالاردىڭ ورىندالۋىن زاڭ تۇرعىسىنان قامتاماسىز ەتۋ.

الداعى ۋاقىتتا ەلىمىزدىڭ ءال-اۋقاتىن ودان ءارى جاقسارتىپ، ەل ەكونوميكاسىن دامىتا ءتۇسۋدى كوزدەيتىن جۇمىستاردى ورىنداۋدى ارىپتەستەرىمىزبەن بىرلەسە وتىرىپ جالعاستىراتىن بولامىز.

 

 

ءالىمجان قۇرتاەۆ،

پارلامەنت سەناتىنىڭ دەپۋتاتى

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار