بۇگىنگى پرەزيدەنتتىڭ سوزىندە ادام قۇقىعى تۋرالى دا ايتىلدى. ادام قۇقىعى تۋرالى كوپ زاڭنىڭ قابىلدانۋى, ادام قۇقىعىنا ءبىز قانداي ءىس-شارالار قولدانۋىمىز كەرەك, قانداي جوبالار قابىلدانۋى كەرەك؟ وسى تۋرالى قاسىم-جومارت كەمەل ۇلى ناقتى ايتىپ ءوتتى. ال ەندى وسىنىڭ ءبارى ارى بارعاندا ادامي كاپيتالعا كىرەدى. ول دەگەنىمىز پرەزيدەنتتىڭ تاپسىرماسى بويىنشا ۇلتتىق جوبا ازىرلەنۋى ءتيىس دەگەن ءسوز. ەڭ باستىسى, ءبىزدىڭ ءبىلىم سالاسىندا ساپاعا كوڭىل ءبولۋ كەرەك. الەمدىك ترەندقا سۇيەنە وتىرىپ, ءوزىمىزدىڭ ۇلتتىق جۇيەنى, ۇلتتىق ءبىلىم سالاسىن جاقسارتۋعا, ورتا ءبىلىم بولسىن, ءبىزدىڭ كوللەدج, ۋنيۆەرسيتەتتەردىڭ مامان دايارلاۋ ساپاسىن كوتەرۋىمىز كەرەك. وسىعان ناقتى كومەكتەسۋىمىز كەرەك, وسىنداي جوبا قابىلدانسا ءبىزدىڭ ءبىلىم سالاسى دا ارى قاراي داميدى دەگەن ۇلكەن سەنىمدەمىز.
وسى ساياسي رەفورمالار, ادامي كاپيتال مەن ادام قۇقىعى جانە تاعى باسقا ماسەلەلەرگە وراي بۇگىن پرەزيدەنت ناقتى تاپسىرما بەردى. زاڭدى تۇردە ساپالى زاڭداردى قابىلداپ, وسىنى ومىرگە ەنگىزۋگە, ىسكە اسىرۋعا پارلامەنتكە تاپسىرىپ وتىر. تاعى ءبىر نارسە ايتايىن دەگەنىم, بۇل جەردە پارلامەنتتە كوپ ماسەلە شەشىلەدى. سوندىقتان مىنا پارلامەنتكە كەلگەندە ءماجىلىس پەن سەنات الدىندا وسىنداي ۇلكەن ماقسات تۇر دەپ ايتتى.
باقىتجان جۇماعۇلوۆ,
پارلامەنت سەناتىنىڭ دەپۋتاتى
