كوۆالەۆ كەيىنگى جەكپە-جەگىندە مەكسيكالىق ساۋل كانەلو الۆارەستەن جەڭىلگەن ەدى. ونىڭ كەلەسى كەزدەسۋى 30 قاڭتاردا 2016 جىلعى وليمپيادا جۇلدەگەرى وزبەكستاندىق بەكتەمىر Bek Bully مەليكۋزيەۆكە (6-0, 5 كو) قارسى ءوتۋى كەرەك ەدى. بۇل كەزدەسۋ باستاپقىدا ماسكەۋدە جوسپارلانىپ, كەيىن امەريكاعا اۋىستىرىلعان. ەندى جەكپە-جەك مۇلدە بولمايتىنعا ۇقسايدى.
«سەرگەي كوۆالەۆتىڭ تەستى سينتەتيكالىق تەستەستەرون بارىن كورسەتتى. VADA وكىلدەرىنەن حات الدىم, وندا ءمان-جاي ايتىلعان. دەمەك ونىڭ 30 قاڭتار DAZN پلاتفورماسىنداعى بەكتەمىر Bek Bully مەليكۋزيەۆپەن جەكپە-جەگى وتپەيتىن شىعار», دەپ جازىپتى رافاەل تۆيتتەر جەلىسىندە.
