كەزدەسۋ بارىسىندا شاھار باسشىسى حالىق قالاۋلىسى رەتىندە تۇرعىنداردىڭ مۇڭ-مۇقتاجىن, تالاپ-تىلەكتەرىن اتقارۋشى بيلىككە ۋاقىتىلى جەتكىزىپ, ماسەلەلەردىڭ كۇرمەۋىن شەشىپ, ءتۇيىنىن تارقاتۋعا ءاردايىم وزىندىك ءۇن قوسىپ, بيلىك پەن حالىق اراسىندا التىن كوپىر بولعان دەپۋتاتتارعا العىسىن نۇرلىبەك ماشبەك ۇلى وبلىس ورتالىعىنىڭ قاي سالادا دا يگى ىستەر ۇيىتقىسىنا اينالۋىنا جەرگىلىكتى بيلىك پەن حالىق قالاۋلىلارىنىڭ تىعىز بايلانىستا, ەتەنە جۇمىس ىستەۋىنىڭ جەمىسى ەكەندىگىن جەتكىزدى.
ء«ار سالاداعى تابىستارىمىز بەن جەتىستىكتەرىمىزدى سىزدەردىڭ ەسەلى ەڭبەكتەرىڭىزدىڭ جەمىسى ەكەنىن ايعاقتاپ, ارىپتەستىك بايلانىستى ساباقتاستىرا بەرەتىنىمىزگە سەنىم بىلدىرەمىن» دەگەن شاھار باسشىسى حالىقتىڭ الەۋمەتتىك ماسەلەلەرىن جەتكىزۋ مەن شەشۋگە بەلسەندى اتسالىسىپ, تۇرعىنداردىڭ ءال-اۋقاتىن جاقسارتۋ جولىندا ەسەلى ەڭبەك ەتكەن دەپۋتاتتاردى العىس حاتپەن ماراپاتتادى.
جيىن سوڭىندا VI شاقىرىلىمداعى قالالىق ءماسليحاتتىڭ دەپۋتاتتارى سارسەنكۇل بيقوجا, ءشارىپ ءابدىراحمانوۆ, مۇحيتجان كارىمباەۆ ءسوز الىپ, ارىپتەستەرىنىڭ جىلدار ىشىندەگى ناتيجەلى ءارى تابىستى جۇمىستارىنا توقتالىپ, الداعى ۋاقىتتا دا قالانىڭ دامۋى جولىندا ايانباي قىزمەت ەتەتىندەرىن جەتكىزدى.
