اتىراۋ وبلىسى توتەنشە جاعدايلار دەپارتامەنتى قالا جانە اۋدان اكىمدىكتەرىنە داۋىلدى ەسكەرتۋ جانە قاجەتتى شارالاردى قابىلداۋ تۋرالى اقپارات جىبەرىلىپ, ۇيالى بايلانىس وپەراتورلارى ارقىلى حالىقتى سمس-حابارلاندىرۋ تاراتىلدى.
2021 جىلعى 14 قاڭتاردا اتىراۋ قالاسىندا ەكپىنى سەكۋندىنا 18-19 مەترگە جەتەتىن جەلدىڭ سالدارىنان تۇرعىن ءۇي شاتىرلارىنىڭ ۇشۋى ورىن الىپ, ولاردىڭ قۇلاۋ قاۋپى ادامداردىڭ ومىرىنە تىكەلەي قاۋىپ ءتوندىردى.
2021 جىلعى 14 قاڭتاردا ساعات 07:10-دا Call-تسەنتر ورتالىعىنا اتىراۋ قالاسى, نۇرسايا شاعىن اۋدانىندا شاتىردىڭ قۇلاۋ قاۋپى بار ەكەنى تۋرالى حابارلاما كەلىپ ءتۇستى.
شاقىرتۋ ورنىنا جەتكەن سوڭ, قاتتى جەلدىڭ سالدارىنان نۇرسايا شاعىن اۋدانى №84 5 قاباتتى تۇرعىن ءۇيدىڭ 72 م2 (12ح6) شاتىر بولىگىنىڭ (جالپى اۋدانى 960م2 (80ح12) ۇشىپ, قايىرىلىپ, شاتىردىڭ قالعان بولىگىنىڭ ۇستىنە قۇلاعاندىعى انىقتالدى.
وقيعا ورنىندا اتىراۋ وبلىسى توتەنشە جاعدايلار دەپارتامەنتىنىڭ جەدەل-قۇتقارۋ جاساعىنىڭ قۇتقارۋشىلارى اۆاريالىق-قۇتقارۋ جابدىقتارىنىڭ كومەگىمەن ب ۇلىنگەن كونسترۋكتسيالاردى نىعايتىپ, قاۋىپتى ايماقتى قورشادى.
2021 جىلعى 14 قاڭتار كۇنى ساعات 08:22-دە قاتتى جەلدىڭ سالدارىنان (ەكپىنى سەكۋندىنا 18 مەتر) اتىراۋ قالاسى ازاتتىق كوشەسىندەگى 5 قاباتتى №77 تۇرعىن ءۇي شاتىرىنىڭ 16 شارشى مەتر بولىگى قۇلادى (جالپى اۋدانى 1465,6 شارشى مەتر).
قۇتقارۋشىلار جەدەل تۇردە اۆاريالىق-قۇتقارۋ جۇمىستارىن جۇرگىزىپ, الپينيستىك قۇرال-جابدىقتاردى پايدالانا وتىرىپ, ب ۇلىنگەن شاتىرلاردىڭ كونسترۋكتسيالارىن نىعايتىپ, كولىك جولىنا تۇسكەن شاتىرلاردى جيناقتاپ, تۇرعىنداردىڭ ومىرىنە تونگەن قاۋىپتى دەرەۋ جويدى.
ەكى جاعدايدا قايتىس بولعاندار مەن زارداپ شەككەندەر جوق.
