«14 قاڭتاردا ساعات 11:27-دە الماتى وبلىسى تجد تالدىقورعان قالاسى, «مۋشەلتوي» شاعىناۋدانى, 28 ءۇيدىڭ ءتورتىنشى قاباتىنداعى پاتەر ورتەنگەنى تۋرالى حابارلاما كەلىپ ءتۇستى. الماتى وبلىسى تجد قىزمەتكەرلەرى جانىپ جاتقان پاتەردەن 4 ادامدى قۇتقاردى.ونىڭ ىشىندە ەكى بالا بولدى (1981 جىلعى ەر ادام, 1984 جىلعى ايەل ادام جانە 2015, 2019 جىلعى ەكى بالا), ولار تالدىقورعان قالاسىنداعى وبلىستىق جانە كوپسالالى بالالار اۋرۋحاناسىنا جاتقىزىلدى», دەلىنگەن الماتى وبلىستىق تج ءباسپاسوز قىزمەتىنىڭ حابارلاماسىندا. سونداي-اق, تجد ماماندارى 15 ادام, ونىڭ ىشىندە 8 بالانى ارنايى باسپالداقپەن ەۆاكۋاتسيالادى.
ء«ورت ساعات 20 مينۋتتىڭ ىشىندە ءسوندىرىلدى. قىزىل جالىن 15 شارشى مەتر اۋماققا شارپىعان. (جيھاز, تەلەديدار جانە زاتتار جانعان). ءورت ءسوندىرۋ جانە ادامداردى قۇتقارۋعا الماتى وبلىسى تجد-ءنىڭ 27 قىزمەتكەرى مەن 7 تەحنيكاسى, الماتى وبلىسى پد-ءنىڭ 10 قىزمەتكەرى مەن 4 تەحنيكاسى, قالانىڭ اۆاريالىق جانە شۇعىل قىزمەتتەرلەرى جۇمىلدىرىلدى.
ء«ورتتىڭ شىعۋ سەبەبى تەمەكى شەگۋ كەزىندە وتتى ابايسىز قولدانۋ بولدى», دەپ تولىقتىردى تدج ءباسپاسوز قىزمەتىنەن. قۇتقارۋشىلار ازاماتتاردان ءورت قاۋىپسىزدىگىن ساقتاۋدى, جاس بالالاردى ەرەسەكتەردىڭ قاراۋىنسىز قالدىرماۋدى جانە توسەكتە تەمەكى شەكپەۋدى ەسكەرتەدى.
