الماتى اكىمدىگى قالا تۇرعىندارى مەن قوناقتارىن كارانتين شارالارى - الەۋمەتتىك قاشىقتىقتى ساقتاپ, بەتپەردە رەجيمىنىڭ ساقتالۋىن كۇشەيتۋگە, سونداي-اق مۇمكىندىگىنشە جابىق ءۇي-جايلاردا ۇزاق ۋاقىت بولۋدان باس تارتۋعا شاقىرادى.
الماتى قالاسى سانيتارلىق-ەپيدەميولوگيالىق باقىلاۋ دەپارتامەنتىنىڭ مالىمەتى بويىنشا, اۋرۋدىڭ ەڭ كوپ تارالۋى 20-39 جاس ارالىعىندا – 35% جانە 40-59 جاس ارالىعىندا - 31% بايقالادى. بۇل جاڭا جىل الدىنداعى جانە كەلەسى دەمالىس كۇندەرى كورپوراتيۆتىك كەشتەردى وتكىزۋمەن جانە ساۋدا نىساندارىنا بارۋمەن بايلانىستى.
قوعامدىق ورىنداردىڭ ىشىندە (ساۋدا, قوعامدىق تاماقتانۋ نىساندارى) – 41%, وتباسىلارداعى بايلانىس – 27% جانە قوعامدىق كولىك – 21% قۇرايدى.
وسىعان بايلانىستى الماتىلىقتارعا ساقتىق شارالارىن قاتاڭ ساقتاۋ, مۇمكىندىگىنشە ادامدار كوپ جينالاتىن ورىنداردان اۋلاق بولۋ, بەتپەردەلەردى دۇرىس پايدالانۋ, جەكە گيگيەنانى ساقتاۋ سەكىلدى ەسكەرتۋلەر جاسالادى. سونداي-اق زەينەتكەرلەردىڭ تۇرعىن ۇيدەن شىعۋىن شەكتەۋ قاجەت. رەسپيراتورلىق ينفەكتسيالاردىڭ بەلگىلەرى پايدا بولعان جاعدايدا جەكە بولمەدە وقشاۋلانىپ, ۋچاسكەلىك دارىگەردى ۇيگە شاقىرۋ جانە كوروناۆيرۋستىق ينفەكتسيا دياگنوزى قويىلعان كەزدە جاقىن ادامدارىنىڭ, تۋىستارى مەن كورشىلەرىنىڭ جۇقتىرۋىن بولدىرماۋ ءۇشىن كارانتيندىك ستاتسيونارعا جاتقىزۋدان باس تارتپاۋ كەرەك.
ايتا كەتۋ كەرەك, ينفەكتسيانىڭ سىرتتان كەلۋ جاعدايلارىنىڭ تىركەلۋى جالعاسۋدا. 06.10.2020 جىلعى كەزەڭنەن بەرى كوروناۆيرۋستىق ينفەكتسيانىڭ 77 جاعدايى تىركەلدى. وتكەن تاۋلىكتە دۋباي – الماتى رەيسىمەن كەلگەن جولاۋشىلاردا كوروناۆيرۋس ينفەكتسياسىنىڭ 2 جاعدايى انىقتالدى.
سونىمەن بىرگە, الەمدە COVID-19 جاعدايى ۋشىعا ءتۇستى. ەلدەر الدىن الۋ شارالارىن كۇشەيتۋدە. مىسالى, نيدەرلاندىدا شەكتەۋلەردى 9 اقپانعا دەيىن ۇزارتتى. يتاليانىڭ دەنساۋلىق ساقتاۋ ءمينيسترى روبەرتو سپەرانتسا پارلامەنتكە توتەنشە جاعدايدى 30 ساۋىرگە دەيىن ۇزارتۋ تۋرالى حابارلادى. شۆەيتساريا كوروناۆيرۋسپەن كۇرەسۋ ءۇشىن كارانتيندى ودان ءارى كۇشەيتىپ, 22 قاڭتاردىڭ ورنىنا ونى قىستىڭ سوڭىنا دەيىن جالعاستىردى.
