زينەل كايروۆ ۋنيۆەرسيتەتتى «تاريح مۇعالىمى» ماماندىعى بويىنشا ءبىتىرىپ, ماقات اۋدانىنداعى مەكتەپتە جۇمىس ىستەگەن. سودان كەيىن ول وسى اۋداننىڭ بايگەتوبە اۋىلدىق وكرۋگىنىڭ اكىمى بولىپ تاعايىندالعان.
قازىر ول اعا لەيتەنانت قىزمەتىن اتقارىپ جۇرگەن ول ەكى جىل بۇرىن ءوزىنىڭ بالا كەزدەگى ارمانىن ورىنداۋ ءۇشىن قىزمەتىنەن كەتۋگە شەشىم قابىلداپتى.
ەكس-اكىم ىشكى ىستەر ورگاندارىنا قىزمەتكە ورنالاسىپ, اتىراۋ اۋىلدىق وكرۋگىنىڭ جاڭاتالاپ اۋىلىنىڭ ۋچاسكەلىك پوليتسيا ينسپەكتورى بولدى.
«قىزمەتتىك مىندەتتەرىن ورىنداۋ كەزىندە ءتۇرلى جاعدايلارعا تاپ بولامىز. ۇرلىق, توبەلەس, ىشىمدىك ءىشۋ جانە باسقا دا كوپتەگەن قىلمىس پەن قۇقىقبۇزۋشىلىقتار. مەنىڭ ويىمشا, بۇل كوبىنە حالىقتىڭ ىشكى مادەنيەتىنىڭ تومەندىگىنەن تۋىندايدى. وسى جاعدايلاردىڭ الدىن الۋ ماقساتىندا ءبىز ۇنەمى اۋىل تۇرعىندارى اراسىندا ءتۇسىندىرۋ جۇمىستارىن جۇرگىزەمىز. ءبىزدىڭ باستى مىندەتىمىز - قوعامدىق ءتارتىپتى قامتاماسىز ەتۋ, بارىنشا زاڭبۇزۋشىلىقتاردىڭ الدىن الۋ. بالالاردى تاربيەلەۋگە ەرەكشە كوڭىل بولەمىز», دەيدى كايروۆ.
