ايماقتار • 14 قاڭتار، 2021

شىمكەنتتە 2021 جىلى 67 705 ەڭبەك شارتىن ەنگىزۋ جوسپارلانۋدا

42 رەت كورسەتىلدى

شىمكەنت قالاسىنىڭ مەملەكەتتىك ەڭبەك ينسپەكتسياسى باسقارماسىنىڭ باسشىسى باۋىرجان قالجانوۆ اتقارىلعان جۇمىستاردى جانە 2021 جىلعى جۇمىس جوسپارىن قالا اكىمىنە باياندادى، دەپ حابارلايدى ەgemen.kz.

باۋىرجان احمەتالى ۇلى بەكىتىلگەن ينديكاتورلاردىڭ ورىندالۋى، ەڭبەك قاتىناستارىن رەتتەۋ، جالاقى قارىزدارىن جويۋ، الەۋمەتتىك ارىپتەستىك، ەڭبەك قاۋىپسىزدىگى جانە ەڭبەكتى قورعاۋ مونيتورينگى، تسيفرلاندىرۋ باعىتتارى بويىنشا جوسپارلاردان حاباردار ەتتى.

ەڭبەك قاۋىپسىزدىگى جانە ەڭبەكتى قورعاۋ مونيتورينگى باعىتىندا بىرقاتار جوبالار ەنگىزىلمەك. 2020 جىلى 48 جازاتايىم وقيعا ورىن الىپ، ونىڭ ىشىندە 56 ادام زارداپ شەكتى. 2018، 2019 جىلدارعا قاراعاندا بۇل كورسەتكىش ءبىرشاما تومەندەگەن. «حالىقتىق باقىلاۋ» جوباسىن ءىرى كاسىپورىنداردا ەنگىزۋگە تاپسىرما بەرىلگەن بولاتىن. قازىرگى تاڭدا بۇل جوباعا 13 كاسىپورىن قوسىلعان.
سونىمەن قاتار، وندىرىستىك جاراقاتتانۋدى ايتارلىقتاي تومەندەتۋگە، جازاتايىم وقيعالار مەن ەڭبەك جاعدايلارى زياندى جۇمىس ورىندارىنىڭ سانىن قىسقارتۋعا مۇمكىندىك بەرەتىن «نولدىك جاراقات – Vision Zero» تۇجىرىمداماسىن كاسىپورىنداردا ەنگىزۋ وزەكتى بولىپ وتىر. قازىر بۇل جوبا 14 كاسىپورىندا جۇزەگە اسىرىلدى.

«تسيفرلى قازاقستان» مەملەكەتتىك باعدارلاماسى بويىنشا سالادا بىرقاتار جۇمىستار قولعا الىنۋدا. قازىرگى تاڭدا جۇمىس بەرۋشىلەر ەڭبەك شارتتارىن ەلەكتروندىق فورماتتا جۇرگىزۋدى قامتاماسىز ەتۋ قاجەت. بۇل باعىتتتا 2021 جىلى 4457 كاسىپورىن، 67 705 ەڭبەك شارتىن ەنگىزۋ جوسپارلانىپ وتىر. بۇگىنگە دەيىن 4612 كاسىپورىن وسى جۇيەگە قوسىلعان بولاتىن.

 

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ۇقساس جاڭالىقتار