كەشە, 13 قاڭتاردا «قازگيدرومەت» رمك اتىراۋ وبلىسىنىڭ كەي جەرىندە ازداعان قار جاۋىپ, جەلدىڭ ۇيىتقۋى 25 م/س-قا دەيىن جەتەتىنىن ەسكەرتتى. وسىعان وراي اتىراۋ قالاسى مەن اۋداندار اكىمدىگىنە داۋىلدى ەسكەرتۋگە بايلانىستى قاجەتتى شارالاردى قابىلداۋ تۋرالى اقپارات, ۇيالى بايلانىس وپەراتورلارى ارقىلى حالىقتى سمس-حابارلاندىرۋ جىبەرىلگەن ەدى.
«بۇگىن, 14 قاڭتاردا اتىراۋ قالاسىندا جەلدىڭ ۇيىتقۋى 18-19 م/س-قا جەتىپ, سالدارىنان دەيىن تۇرعىن ءۇي شاتىرلارىنىڭ ۇشتى. تاڭعى ساعات 07:10-دا Call-ورتالىققا «نۇرسايا» شاعىن اۋدانىندا شاتىردىڭ قۇلاۋ قاۋپى تۋرالى حابارلاما ءتۇستى. قۇتقارۋشىلار №84-ءشى ءۇيدىڭ 72 شارشى مەتر شاتىرى قايىرىلىپ, قالعان بولىگىنىڭ قۇلاعانىن انىقتادى. ال, ساعات 08:22-دە ازاتتىق داڭعىلىنداعى №77 ءۇي شاتىرىنىڭ قۇلاۋ قاۋپى ءتوندى», -دەپ حابارلادى توتەنشە جاعدايلار دەپارتامەنتىنىڭ ءباسپاسوز قىزمەتىنەن.
