كەزەڭ-كەزەڭ بويىنشا ءار وقۋشى ءوز ءبىلىمىن سىنادى. ءار ءوڭىردىڭ ءبىلىمدى ورەندەرى باق سىناعان سايىستا قاراقيا اۋدانى مۇنايشى اۋىلىنىڭ 5-سىنىپ وقۋشىسى اقبوبەك تەڭەلباي 1-ورىنعا يە بولدى. بۇل تۋرالى قاراقيا اۋداندىق ءبىلىم ءبولىمىنىڭ باسشىسى قالبيبى بەكقالينا ءمالىم ەتتى.
«مەكتەبىمىزدە ءبىلىم الىپ وتىرعان شاكىرتتەرىمىز بيىكتەردەن كورىنسە, بۇل ءبىز ءۇشىن ۇلكەن مارتەبە. اۋدانىمىزدىڭ ماقتانىشىنا اينالىپ, قۋانتىپ وتىرعان №5 ورتا مەكتەپتىڭ 5 سىنىپ وقۋشىسى تەڭەلباي اقبوبەك قازاقستان تاريحى پانىنەن وبلىستىق جەڭىمپازداردىڭ اراسىنان ءبىلىمنىڭ تىزگىنىن العا تارتىپ, رەسپۋبليكادان I ورىندى يەلەندى. اقبوبەكتىڭ اتا-اناسىنا, العاش قالام ۇستاتىپ, ءارىپ تانىتقان العاشقى ۇستازى قارلىعاش ابدۋللاەۆا, ءپان مۇعالىمى تولقىن قۇدايبەرگەنوۆا العىسىمدى بىلدىرەمىن» دەدى قالبيبى بەكقالينا.
