ايماقتار • 14 قاڭتار، 2021

جازاسىن وتەۋشىلەر د.قوناەۆتىڭ تۋعان كۇنىن اتاپ ءوتتى

110 رەت كورسەتىلدى

ماڭعىستاۋ وبلىسى بويىنشا قاج دەپارتامەنتىنە باعىنىستى گم-172/6 مەكەمەسىندە اسا كورنەكتى مەملەكەت جانە قوعام قايراتكەرى دىنمۇحامەد احمەت ۇلى قوناەۆتىڭ تۋعان كۇنى قۇرمەتىنە ارنالعان جازاسىن وتەپ جاتقان سوتتالعاندار اراسىندا شىعارماشىلىق كەش ۇيىمداستىرىلدى.

ءىس-شارا بارىسىندا سوتتالعاندارعا دىنمۇحامەد قوناەۆتىڭ ءومىربايانى، ەڭبەك جولدارى، يگى ىستەرى مەن جەتىستىكتەرى، ماراپاتتارى، ماقالالارى مەن كىتاپتارى، ەسىمى بەرىلگەن جەرلەر بويىنشا ءدارىس وقىلدى.

جاساق باستىعى ادىلەت اعا لەيتەنانتى نۇرسۇلتان ءاتىرحان دارىستە دىنمۇحامەد احمەت ۇلى ءوز زامانىندا ۇلى ساياساتكەر بولا بىلگەنىن، ول بيلىك باسىندا بولعان ۋاقىت قايشىلىقتى كۇردەلى، قاراما-قايشىلىقتى بولعانىمەن، ەلىمىزدىڭ ەكونوميكاسىن، الەۋمەتتىك سالاسىن، عىلىمىن، ۇلتتىق مادەنيەتىن دامىتۋ ىسىنە ايتۋلى ەڭبەك سىڭىرگەنىن سوتتالعانداردىڭ نازارىنا جەتكىزدى. سونداي-اق، اتاقتى مەملەكەت جانە قوعام قايراتكەرى ەل باسقارعان جىلدارى كەڭ بايتاق قازاق جەرىندە 68 جۇمىسشىلار كەنتىمەن 43 قالا، اتاپ ايتقاندا ونەركاسىپ ورتالىعى بولىپ سانالعان رۋدنىي، ەكىباستۇز، شەۆچەنكو (قازىرگى اقتاۋ)، نيكولسكي، ستەپنوگورسك، تەمىرتاۋ، جاڭاتاس، كەنتاۋ، ارقالىق قالالارى سالىنعانى تۋرالى باياندادى.

شىعارماشىلىق كەشتىڭ ەكىنشى جارتىسىندا ماڭعىستاۋ وبلىسى بويىنشا قاج دەپارتامەنتى باستىعىنىڭ ورىنباسارى ادىلەت پودپولكوۆنيگى قانات شاماردان ۇلىنىڭ ۇيىمداستىرۋىمەن، مەكەمەنىڭ اسحاناسىندا داستارحان جايىلىپ، سوتتالعاندارعا پالاۋدان ءدام تاتتى.

ءىس-شارا سوتتالعانداردىڭ پاتريوتتىق سەزىمىن وياتۋ جانە ەلىمىزدىڭ تانىمال تۇلعالاسىمەن تانىستىرۋ ماقساتىندا ۇيىمداستىرىلدى.

سوڭعى جاڭالىقتار

ZOOM اكتسيالارى قىمباتتادى

تەحنولوگيا • بۇگىن، 18:02

اپەننين تۇبەگىنە اتتاندى

سپورت • بۇگىن، 16:38

ۇقساس جاڭالىقتار