مەديتسينا • 14 قاڭتار، 2021

جاراقاتتانۋدان اباي بولىڭىز

141 رەت كورسەتىلدى

پاندەميا ونلاين جۇمىستىڭ كوكجيەگىن كەڭەيتتى. سونىڭ ءبىرى – ZOOM پلاتفورماسىندا تاجىريبەلى ماماندار وتكىزەتىن دارىستەر. وسىنداي كەزەكتى ءدارىس «تراۆماتولوگيالىق قاتەردەن ساقتانۋ جانە جاراقاتتانعان جاعدايدا نە ىستەۋ كەرەك: تاجىريبەلى تراۆماتو­لوگتەردىڭ كەڭەسى» تاقىرىبىندا ءوتتى.

اكادەميك ن.باتپەنوۆ اتىن­داعى تراۆ­ماتولوگيا جانە ورتوپەديا ۇلتتىق عى­لى­مي ورتا­لى­عى №5 تراۆماتولوگيا بولىم­شەسىنىڭ تراۆماتولوگ-ور­تو­پەد دارىگەرى انۋاربەك كۋل­­­چاروۆ ءدارىس ۋاقىتىندا كوپ­تەگەن پايدالى كەڭەس بەرۋمەن قاتار، بيىلعى جاعدايدىڭ الدىڭعى جىلداردان ەرەكشەلىگىنە توقتال­دى. بۇرىن كوشەدە تايىپ جى­عى­لىپ، قول-اياقتارىن سىندىرىپ نەمەسە دەنەنىڭ وزگە دە جارا­قا­تىنا ۇشىرايتىندار كوپ بول­سا، بيىل ادامداردىڭ كوبى ۇيىن­دە وتىرعاندىقتان، كوشەدەن جا­را­قات­تانۋ ازايعان. ونىڭ ورنىنا كۇندەلىكتى تۇرمىستا، ءتىپتى كافەلگە تامعان تامشىعا تايىپ جىعىلىپ، سىنىققا داۋا ىزدەپ كەلەدى ەكەن. ستاتيستيكانى سويلەتسە، تۇ­رمىس­تىق جاراقاتتانۋدىڭ 2019 جىلى سانى 9 932 بولسا، 2020 جىلى 10 485-كە وسكەن كورىنەدى.

جاراقات العاندارعا تەگىن مە­دي­تسينالىق كومەكتىڭ كەپىلدىك بە­رىلگەن كولەمى (تمكك) اياسىندا العاشقى مەديتسينالىق كومەك كور­سەتىلىپ، جاراقاتتى قاراۋ، رەنتگەنگە ءتۇسىرۋ، گيپس سالۋ، قاجەت بولسا وپەراتسيا جاسالىپ، ستاتسيونارعا جاتقىزىلعاندا دا پاتسيەنتتەن ءبىر تيىن الىنبايدى. وڭالتۋ دا مىندەتتى الەۋمەتتىك مەديتسينالىق ساقتاندىرۋ پاكە­تىندە ء(مامس) قاراستىرىلعاندىقتان، مەدي­تسينا­لىق كومەك الۋشى قالتا­سىنان قا­راجات شىقپايدى.

جاراقاتتانعان جانعا گيپس سا­لىنعانىمەن، العاشقى 10-15 كۇن شاماسىندا سول جەر ىسى­نەدى، كۇل­دىرەپ، گيپستىڭ قاجاۋى دا مۇم­كىن. سوندايدا تۇرعىلىقتى جەرى بويىنشا ەمحا­ناعا بارىپ تراۆ­ماتولوگ دارىگەرگە جۇ­گىنۋ كەرەك. مامانعا دەر كەزىندە بارسا، قاجەتتى كومەك كورسەتىلىپ، ۋشىعىپ كەتۋگە جول بەرىل­مەيدى.

«نەگىزىنەن جاراقاتتانۋدى پا­يىزعا شا­عىپ ايتار بولساق، ونىڭ دەنى جەر تايعاق بولاتىن قىس ايلارىنا ءتان. وسى رەتتە سىرعا­ناق تەبۋ، شانامەن سىر­عا­ناۋ سياقتى قىسقى سپورت تۇرلە­رى­مەن اينالىسقان ۋاقىتتا اسا مۇ­قياتتىق قاجەت. بۇعان قوسا، جا­را­­قاتتانعان جاننىڭ دارىگەرگە قا­رال­عانى ءجون. وزدىگىمەن گيپس سالا­مىن دەپ اۋرەلەنۋگە مۇلدە بولمايدى، قاتتى تاڭىپ جىبەرىپ، مۇلدە وندايدىڭ ورنى تولمايتىن وكىنىشكە ۇرىندىرۋى دا مۇمكىن. ەلىمىزدە جاراقاتتانۋعا بايلانىستى ساپالى كومەك جاڭا تەحنولوگيالاردى پايدالانا وتىرىپ جۇرگىزىلەدى. پاتسيەنتتەر ءۇشىن قول­دان كەلگەن كومەگىمىزدى ايانبايمىز»، دەدى انۋاربەك لەسباي ۇلى.

 

سوڭعى جاڭالىقتار

شامعون تاسادا قالار تۇلعا ەمەس

ادەبيەت • بۇگىن، 23:17

قار ۇستىندەگى قارساق

ايماقتار • بۇگىن، 23:08

الكەيدىڭ كۇندەلىگى

تاريح • بۇگىن، 23:07

جىل ۇزدىكتەرى انىقتالدى

سپورت • بۇگىن، 23:02

«حات قورجىن»

قوعام • بۇگىن، 22:58

قارعىن سۋدان قاۋىپ بار

توتەنشە جاعداي • بۇگىن، 22:54

شاكەن ايمانوۆتىڭ ايگىلى بوركى

جادىگەر • بۇگىن، 22:53

جاڭا اۆتوبۋستارمەن تولىقتى

مەكتەپ • بۇگىن، 22:45

وقۋشىلار تاپقان ولجا

جادىگەر • بۇگىن، 22:39

جالپى ەسەپتە ۇزدىك شىقتى

سپورت • بۇگىن، 21:05

اتىراۋ-استراحان تاسجولى جابىلدى

ايماقتار • بۇگىن، 17:00

ۇقساس جاڭالىقتار