«دامۋ» قورى 2020 جىلى قارجى قۇرالدارىن قولدانا وتىرىپ, قازاقستانداعى ميكرو, شاعىن جانە ورتا كاسىپكەرلەردىڭ (مشوك) نەسيە سوماسى 1,6 ترلن تەڭگە بولاتىن 32,5 مىڭ جوباسىنا قولداۋ كورسەتكەن. ەگەر 2019 جىلى وسىنداي ۋاقىت ىشىندە قور نەسيە سوماسى 612,0 ملرد تەڭگە بولاتىن 24,3 مىڭ جوباعا قولداۋ كورسەتكەنىن ەسكەرسەك, «دامۋ» قورى مشوك-كە كورسەتكەن قولداۋدىڭ نەسيە قورجىنىنىڭ مولشەرىن 2,6 ەسەگە ۇلعايتقانىن اتاپ وتۋگە بولادى.
– قاي جپعىنان بولسا دا كۇردەلى بولعان 2020 جىلدى قورىتىندىلاي كەلە, ەڭ الدىمەن, كاسىپكەرلەر تاراپىنان ۇكىمەتتىك قولداۋلارعا سۇرانىس جوعارى ەكەندىگىن ايتقىم كەلەدى. بۇعان – قايتا قارجىلاندىرۋ جانە اينالىم قاراجاتىن تولىقتىرۋعا قولداۋ العان جوبالاردىڭ ايتارلىقتاي وسكەنى دالەل. قور COVID-19 پاندەمياسى كەزىندە نەعۇرلىم زارداپ شەككەن ەكونوميكا سالالارىنداعى كاسىپكەرلەرگە سۋبسيديانى دەر كەزىندە جەتكىزۋ ءۇشىن جاڭا باعدارلامالاردى ىسكە قوسىپ, قولداۋ اياسىن كەڭەيتىپ, ءوز مىندەتىن ويداعىداي اتقارىپ شىقتى. «دامۋ» قورى ءوز قىزمەتتەرىنىڭ اۆتوماتتاندىرىلعانىنىڭ ارقاسىندا رەسپۋبليكانىڭ بىردە-ءبىر وڭىرىندە جۇمىسىن ءبىر كۇنگە دە توقتاتقان جوق», – دەدى «دامۋ» كاسىپكەرلىكتى دامىتۋ قورى» اق باسقارما ءتورايىمى گاۋحار بۋريباەۆا.
مەملەكەت باسشىسىنىڭ 2020 جىلعى 1 قىركۇيەكتەگى جولداۋى جانە قازاقستان ۇكىمەتى بەكىتكەن «داعدارىسقا قارسى شارالار پاكەتىن ىسكە اسىرۋ جانە ەكونوميكالىق ءوسىمدى قالپىنا كەلتىرۋ جونىندەگى كەشەندى جوسپاردى» جۇزەگە اسىرۋدا ەكونوميكانىڭ نەعۇرلىم زارداپ شەككەن سەكتورلارىنداعى كاسىپكەرلەرگە «دامۋ» قورى ارقىلى جالپى نەسيە سوماسى 426,8 ملرد تەڭگە بولاتىن 8,4 مىڭ جوبانىڭ نەسيەسىن سۋبسيديالاۋدىڭ ارقاسىندا پايىزى جىلىنا 6%-عا تومەندەتىلدى. بۇل سۋبسيديالار سوماسى 16,8ملرد تەڭگەنى قۇرايدى. سونداي-اق, COVID-19 پاندەمياسى كەزىندە قور 7470 جوبانى جالپى سوماسى 663 ملر تەڭگە بولاتىن كەپىلدىك پەن سىياقى مولشەرلەمەسىن ءىشىنارا سۋبسيديالاۋ قۇرالدارى اياسىندا قايتا قۇرىلىمدادى. مۇنداي شارالار قازاقستان رەسپۋبليكاسى قارجى نارىعىن رەتتەۋ جانە دامىتۋ اگەنتتىگىنىڭ 26.03.2020 جىلعى جانە 15.06.2020 جىلعى بۇيرىقتارىنا سايكەس جۇزەگە استى. قر ستراتەگيالىق جوسپارلاۋ جانە رەفورمالار جونىندەگى اگەنتتىگىنە قاراستى ۇلتتىق ستاتيستيكا بيۋروسىنىڭ دەرەكتەرى بويىنشا, 2020 جىلعى 1 جەلتوقسانىنا دەيىن تىركەلگەن كاسىپكەرلەر سانى 1ملن 613 مىڭدى قۇرادى. ونىڭ ىشىندە جۇمىس ىستەپ تۇرعاندارى – 1 ملن 343 مىڭ. بۇل 2020 جىلعى 1 قاڭتارمەن سالىستىرعاندا 0,6%-عا جانە 0,9%-عا ارتقانىن كورسەتەدى. بۇل كورسەتكىشتەر COVID-19 كەزىندە كاسىپكەرلەر سانى ازايماعانىن بايقاتادى. جاريالانعان توتەنشە جاعداي, ەپيدەمياعا قارسى جانە شەكتەۋ شارالارى كەزىندە «دامۋ» قورى ءوز قىزمەتتەرىنە بەرىلەتىن وتىنىمدەردىڭ 90%-ىن online.damu.kz ينتەرنەت-پورتالى جانە egov.kz ارقىلى ەلەكتروندى تۇردە قابىلدادى. «دامۋ» قورى 2020 جىلدىڭ 1 قاڭتارىنا دەيىن ءوز قىزمەتىنىڭ بارلىق كەزەڭىندە قازاقستاننىڭ ميكرو, شاعىن جانە ورتا كاسىپكەرلىگىنە نەسيە سوماسى
«دامۋ» قورى جوعارىدا اتاپ وتكەن, 6,9 ترلن تەڭگە بولاتىن 112,7 مىڭ جوباعا قارجى قۇرالدارىن قولدانا وتىرىپ قولداۋ كورسەتكەنىن اتاپ ءوتۋ كەرەك.
