قوعام • 13 قاڭتار، 2021

مەنى «اعا» نەمەسە «كوكە» قولدامايدى: ەڭ جاس دەپۋتات قازاقستاندىقتاردىڭ سىنىنا جاۋاپ بەردى

2565 رەت كورسەتىلدى

پارلامەنت ماجىلىسىندەگى ەڭ جاس دەپۋتات ءمادي احمەتوۆتى قازاقستاندىقتار سىنعا الىپ جاتىر. وسىعان وراي ول ەلدىڭ سىنىنا جاۋاپ بەردى، دەپ حابارلايدى Egemen.kz

«سول جينالىستا زالدا جاستار توبى وتىردى، الماتىلىق جاستار دا، جاسوتاندىقتار دا بولدى. مەن ولاردىڭ اتىنان سويلەدىم. سول كەزدە مەن "جاس وتاننىڭ" توراعاسى قىزمەتىندە بولعان ەدىم. سوندىقتان بۇل ماعان وسى جاستاردىڭ اتىنان سويلەۋگە مۇمكىندىك بەرەدى. مەنى بۇكىل قازاقستان اتىنان سويلەدى دەگەنى تىم اسىرا ايتىلعان»، دەيدى احمەتوۆ.

وسى رەتتە جاس دەپۋتات وعان وسى قىزمەتكە كەلۋگە بىرەۋدىڭ كومەكتەسكەنى تۋرالى پىكىرگە جاۋاپ بەردى.

«مەن ول جاققا قانداي دا ءبىر بيزنەس-جوبالار نەمەسە قانداي دا ءبىر زاڭدى العا تارتىپ، ونى دامىتۋ ءۇشىن بارمايمىن. مەنى "اعا" نەمەسە "كوكە" قولدامايدى. بۇل زور جاۋاپكەرشىلىك. مەن ول ءۇشىن بار ءبىلىمىم مەن كۇشىمدى سالامىن. Nur Otan پارتياسىندا مەن ەڭ جاس دەپۋتاتپىن، بىراق مەنىڭ 30 جاسقا دەيىنگى ارىپتەستەرىم بار. مىسالى، ەرنۇر بەيسەنباەۆ، ۆەرا كيم جانە باسقالار. ءبىز ءبىر-ءبىرىمىزدى قولدايمىز دەپ ۇمىتتەنەمىن. ستەرەوتيپتى وزگەرتۋ كەرەك. سودان كەيىن ءبىز «جاستارعا جول» دەيمىز، ال جاستار كەلگەندە «ول تىم جاس» دەپ باستايمىز»، دەيدى دەپۋتات.

ءمادي احمەتوۆ جاڭا لاۋازىمدا قازاقستاندىق جاستاردىڭ ماسەلەلەرىمەن اينالىسۋدى جوسپارلاپ وتىر ەكەن.

سوڭعى جاڭالىقتار

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار