ماسەلەن, 2021 جىلعى 12 قاڭتاردا 23 ساعات 5 مينۋتتا پاۆلودار وبلىسى تج دەپارتامەنتىنىڭ «112» پۋلتىنە ەكىباستۇز اۋدانىندا, شيقىلداق ا/و, قاراعاندى وبلىسى باعىتىنداعى 9 سورعى ستانتسياسىنىڭ اۋدانىندا 2 اۆتوكولىكتىڭ قار قۇرساۋىندا قالىپ قويعانى تۋرالى حابارلاما كەلىپ ءتۇستى. شىدەرتى كەنتىن كۇزەتۋ بويىنشا № 14 ءورت ءسوندىرۋ بەكەتىنىڭ قىزمەتكەرلەرى قار قۇرساۋىنان 9 ادامدى قۇتقارىپ, 2 اۆتوكولىكتى قار قۇرساۋىنان شىعارىپ, ودان ءارى شىدەرتى كەنتىنىڭ «سارۋجان» قوناق ۇيىنە ورنالاستىرىلدى.
2021 جىلعى 12 قاڭتاردا 23 ساعات 35 مينۋتتا دەپارتامەنتتىڭ «112» پۋلتىنە ەكىباستۇز اۋدانى تورتكۇدىق ا/و بوسشاكول ستانتسياسىنىڭ كوپىرىنە جەتپەي, قار قۇرساۋىندا تەحنيكا تۇرىپ قالعانى تۋرالى حابارلاما كەلىپ ءتۇستى, ىشىندە 4 ادام بولدى. № 14 ءورت ءسوندىرۋ بەكەتىنىڭ قۇتقارۋشىلارىمەن قار قۇرساۋىنان 4 ادام قۇتقارىلدى جانە شىدەرتى كەنتىنىڭ «سارۋجان» قوناق ۇيىنە ەۆاكۋاتسيالاندى.
2021 جىلعى 13 قاڭتارداعى جاعداي بويىنشا وبلىستىق جانە رەسپۋبليكالىق ماڭىزى بار جولداردىڭ بارلىق ۋچاسكەلەرى اشىلدى.
«قازگيدرومەت» پاۆلودار فيليالىنان دەپارتامەنتتىڭ كەزەكشى-ديسپەتچەرلىك قىزمەتىنە 1 داۋىلدى ەسكەرتۋ كەلىپ ءتۇستى, وبلىستىڭ اۆتوموبيل جولدارىندا اۆتوكولىكتىڭ بارلىق تۇرلەرى ءۇشىن 4 رەت قوزعالىس جابىلدى. وبلىس تۇرعىندارىن قۇلاقتاندىرۋ ماقساتىندا ۇيالى بايلانىس وپەراتورلارىنا 5 رەت ماتىندىك حابارلاما جولداندى, ونىڭ بارىسىندا 4 ملن.218 مىڭ 230 ۇيالى بايلانىس ابونەنتى حابارلاندى, 5 رەت «دارمەن» قوسىمشاسىندا اقپارات ورنالاستىرىلدى.
ءوز كەزەگىمىزدە, پاۆلودار وبلىسى تج دەپارتامەنتى ازاماتتاردان داۋىلدى ەسكەرتۋ العان كەزدە ەلدى مەكەندەردەن شىقپاۋدى جانە قۇتقارۋشىلاردىڭ ەسكەرتۋلەرىن ەسكەرۋدى سۇرايدى.
