قازىر ايماقتا كەدەرگىسىز قىزمەت كورسەتۋگە ارنالعان 101 فرونت-كەڭسە مەن وپەن سپەيس, 17 اشىق اكىمدىك قىزمەت جاساۋدا, ياعني مەملەكەتتىك قىزمەتشىلەر حالىققا جاقىنداپ, تۇرعىندار قولايلى جاعدايدا قىزمەت الۋدا.
وڭىرىمىزدە 210 مەكەمەنىڭ باسشىسى قىزمەتتىك بولمەلەرىن ءبىرىنشى قاباتتا ورنالاستىردى. ولاردىڭ كوبىسى مەديتسينا جانە ءبىلىم بەرۋ ۇيىمدارىنىڭ باسشىلارى.
تۇرعىندار تاراپىنان الەۋمەتتىك وبەكتىلەر مەن ينفراقۇرىلىمنىڭ بيۋدجەتىن پايدالانۋدىڭ تيىمدىلىگىن باعالاۋ ماقساتىندا «اشىق بيۋدجەتتەردىڭ ينتەراكتيۆتى كارتاسى» جوباسى دا جۇمىس جاساپ كەلەدى. اتالعان كارتا ارقىلى وبلىستىڭ ءاربىر تۇرعىنى بيۋدجەتتىك اقشانىڭ قالاي, نە ءۇشىن جانە قانشا مولشەردە جۇمسالاتىنىن كورە الادى, – دەيدى سىبايلاس جەمقورلىققا قارسى ءىس-قيمىل اگەنتتىگىنىڭ قىزىلوردا وبلىسى بويىنشا دەپارتامەنتى باسشىسى ارداق ەرسەيىتوۆ.
دەپارتامەنت باسشىسى وڭىردە «ساپالى جول – ادالدىق الاڭى» جوباسىنىڭ جۇزەگە اسىرىلۋ بارىسى جايلى دا ايتىپ ءوتتى. بۇل باعىتتا دەپارامەنت وكىلدەرى, قوعام بەلسەندىلەرى «ۇلتتىق جول اكتيۆتەرى ساپاسى» ورتالىعىمەن بىرگە مونيتورينگتەر جۇرگىزگەن.
ونىڭ بارىسىندا 58 كەمشىلىك انىقتالىپ, ونى جويۋ بويىنشا مەردىگەر كومپانيالارعا ءتيىستى حابارلاما جىبەرىلدى. بۇگىندە ولاردىڭ 28-ءى ورىندالدى.
