اۋا رايىنىڭ ناشارلاۋىنا بايلانىستى (قاتتى جەل, بوران, شەكتەۋلى كورىنۋ) ەلىمىزدىڭ التى وڭىرىندە نۇر-سۇلتان قالاسىنداعى, سولتۇستىك قازاقستان, اقمولا, قوستاناي, پاۆلودار, قاراعاندى وبلىستارىنداعى رەسپۋبليكالىق جانە وبلىستىق ماڭىزى بار اۆتوجولداردا اۆتوكولىكتىڭ بارلىق تۇرلەرى ءۇشىن قوزعالىس جابىلدى.
سونىمەن قاتار «قازگيدرومەت» رمك دەرەكتەرى بويىنشا الداعى كۇندەرى ەلىمىزدىڭ سەگىز وڭىرىندە نۇر-سۇلتان قالاسىندا, سولتۇستىك قازاقستان, اقمولا, قوستاناي, پاۆلودار, قاراعاندى, جامبىل, شىعىس قازاقستان وبلىستارىنىڭ كەي جەرلەرىندە بۇرقاسىن, قار, تۇمان, جەلدىڭ جىلدامدىعى سەكۋندىنا 15-20 مەترگە جەتەدى.
ازاماتتاردى اۋا-رايىنىڭ وزگەرىستەرىن باقىلاۋعا شاقىرامىز. داۋىلدى ەسكەرتۋ تۋرالى حابارلامالاردى تىڭداپ, قاجەتتى ساقتىق شارالارىن ساقتاڭىزدار.
