2021 جىلى شجك تارتۋعا بەرىلگەن رۇقساتتاردىڭ ىشىندە كەلەسى ساناتتار بار: ءبىرىنشى سانات بويىنشا 1 354 رۇقسات (باسشىلار جانە ولاردىڭ ورىنباسارلارى), ەكىنشى سانات بويىنشا 7 510 رۇقسات (قۇرىلىمدىق بولىمشەلەردىڭ باسشىلارى). تارتىلعان شجك نەگىزگى بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتارعا جاتادى – تيىسىنشە 12 235 ادام جانە 4 170 ادام. سونداي-اق ماۋسىمدىق جۇمىستارعا 2 976 ادام تارتىلدى.
وتكەن جىلى مەملەكەت باسشىسىنىڭ تاپسىرماسىن ورىنداۋ ءۇشىن, ىشكى ەڭبەك نارىعىن بىلىكتى ەمەس شەتەلدىك جۇمىس كۇشىنەن قورعاۋ جانە قازاقستاندىقتار ءۇشىن جۇمىس ورىندارىن ساقتاۋ ءۇشىن شجك تارتۋ كۆوتاسى 2019 جىلمەن سالىستىرعاندا 40%-عا قىسقارتىلدى, بۇل رەتتە جۇمىس بەرۋشىلەردىڭ تاپشى ماماندىقتارعا قاجەتتىلىگىن وتەي الدى.
2020 جىلى جەرگىلىكتى اتقارۋشى ورگاندار شجك تارتۋ ءۇشىن 17,3 مىڭ بىرلىك (بەكىتىلگەن كۆوتانىڭ 59%) مولشەرىندە جۇمىس بەرۋشىلەرگە رۇقساتتار بەردى جانە ۇزارتتى.
2020 جىلى شجك اراسىنان 30-دان استام ادامدى تارتاتىن كاسىپورىندارعا 71 تەكسەرۋ جۇرگىزىلدى, بۇل 608 بۇزۋشىلىقتى انىقتاۋعا مۇمكىندىك بەردى.
تەكسەرۋ ناتيجەلەرى بويىنشا جۇمىس بەرۋشىلەرگە 113 ۇيعارىم بەرىلدى, 8,4 ملن. تەڭگەدەن استام سوماعا 50 اكىمشىلىك ءىس قوزعالدى. جۇرگىزىلگەن جۇمىستاردىڭ قورىتىندىسى بويىنشا شجك تارتۋعا 32 رۇقسات كەرى قايتارىپ الىندى.
ايتا كەتۋ كەرەك, 2019 جىلمەن سالىستىرعاندا 2020 جىلى ەڭبەك جانە كوشى-قون زاڭناماسىن بۇزۋ سانى ازايدى (1006-دان 608 جاعدايعا دەيىن), سونداي-اق ەڭبەكاقى تولەۋدەگى سايكەسسىزدىك 479 جاعدايدان 1-گە دەيىن قىسقاردى.
