«ميالى اۋىلىندا ورنالاسقان ح.دوسمۇحامەد ۇلى اتىنداعى ورتا مەكتەپتە 21 وقۋشى ينكليۋزيۆتى ءبىلىم الادى. ونىڭ التاۋى ۇيىندە ءدارىس الىپ وتىر. بەسەۋى پسيحيكالىق دامۋىندا تەجەلۋى بار بالالارعا ارنالعان (پدت) سىنىپتا, قالعانى قاتارلاستارىمەن بىرگە وقيدى», دەيدى مەكتەپ ديرەكتورى گۇلشارا سارى.
ونىڭ مالىمەتىنشە, مەكتەپتە فيزيكا, ينفورماتيكا, حيميا, بيولوگيا پاندەرى ءۇش تىلدە وقىتىلادى. ال, 8-11-سىنىپتارعا اتالعان پاندەر ۇيىرمە, فاكۋلتاتيۆ ساباقتىڭ ەسەبىنەن ەنگىزىلىپتى.
«مۇمكىندىگى شەكتەۋلى وقۋشىلارعا ارنايى جەڭىلدەتىلگەن باعدارلاما قاراستىرىلدى. مەكتەپتىڭ پسيحولوگتارى وسىنداي وقۋشىلاردى كوررەكتسيالىق جۇمىستار ارقىلى تاربيەلەيدى. وقۋشىلار ويلاۋ قابىلەتىن دامىتاتىن موتوريكالىق ويىندارعا قاتىسىپ, جاتتىعۋلار جاسايدى», دەيدى مەكتەپتىڭ پەداگوگ-پسيحولوگى بارشاگۇل سارسەنعاليەۆا.
